https://arm.sputniknews.ru/20221209/vitshakakhagheri-kazmakerpichnern-u-khaghacvoghnery-karvogh-en-lracucich-harkvel-52425152.html
Վիճակախաղերի կազմակերպիչներն ու խաղացողները կարող են լրացուցիչ հարկվել
Վիճակախաղերի կազմակերպիչներն ու խաղացողները կարող են լրացուցիչ հարկվել
Sputnik Արմենիա
Փոխնախարարը հիշեցրեց, որ անցած 9 ամիսների ընթացքում կատարվել է 4,2 տրիլոն դրամի խաղադրույք։ 09.12.2022, Sputnik Արմենիա
2022-12-09T18:51+0400
2022-12-09T18:51+0400
2022-12-09T18:51+0400
խաղադրույք
տուրք
հարկեր
հայաստան
https://cdn.am.sputniknews.ru/img/1771/70/17717092_0:111:1601:1011_1920x0_80_0_0_6f8c40865188ba0d5d40e0269d3011e0.jpg
ԵՐԵՎԱՆ, 9 դեկտեմբերի – Sputnik. Հայաստանում վիճակախաղերի կազմակերպիչների ու խաղացողների շահույթները հնարավոր է լրացուցիչ հարկվեն։ 62 կողմ, 28 ձեռնպահ ձայների հարաբերակցությամբ ԱԺ–ն առաջին ընթերցմամբ ընդունեց «Պետական տուրքի մասին» օրենքում լրացում և փոփոխություն կատարելու մասին օրենքի նախագիծը։Նախագիծը ԱԺ–ում ներկայացնում էր ֆինանսների փոխնախարար Արման Պողոսյանը։Մինչև որոշման ընդունումը նա հայտնեց, որ այս տարվա անցած 9 ամիսների ընթացքում կատարվել է 4,2 տրիլոն դրամի խաղադրույք։ Արգելք կա, պատասխանատվություն` ոչ. շահումով խաղերի նոր կանոնները խախտողներն անպատիժ կմնա՞նՆախագծով առաջարկվում է սահմանել, որ ինտերնետ շահումով խաղերի կազմակերպչի կողմից յուրաքանչյուր 100 միլիարդ դրամի չափով խաղադրույք ընդունելու իրավունք ձեռք բերելու համար պետական տուրք վճարել լրացուցիչ 175 մլն դրամ, տոտալիզատորի կազմակերպչի կողմից յուրաքանչյուր 50 միլիարդ դրամի չափով խաղադրույք ընդունելու իրավունք ձեռք բերելու համար պետական տուրք վճարել լրացուցիչ 50 մլն դրամ և այլն:ՔՊ–ական պատգամավոր Սիսակ Գաբրիելյանը հետաքրքրվեց, արդյոք չարժե՞ր քննարկել շահումը հարկելու տարբերակները, օրինակ եթե մարդը պարբերաբար խաղում է և շահում է, դա նրա եկամտի աղբյուրն է դարձել, պետք է հարկվի՝ ինչպես բոլոր մյուս քաղաքացիներն են հարկվում։Փոխնախարարը հիշեցրեց, որ վերջին շրջանում կառավարությունը մի շարք միջոցներ է ձեռնարկել դրամախաղերի տարածման դեմ։ Մասնավորապես, սահմանափակվել է նրանց գովազդը, արգելվել է խաղային հաշիվները համալրել փողոցային տերմինալներով։Այս պահին էլ կառավարությունը մշակում է սոցիալապես անապահով քաղաքացիների մուտքը խաղերին սահմանափակելու առաջարկներ, որպեսզի կանխի նրանց գույքային վիճակի հետագա վատթարացումը:Նշենք, որ շահումով խաղերն ու տոտալիզատորները հարկվում են տարեկան 600 մլն դրամի պետական տուրքով։ Նոր տուրքը ոչ թե փոխարինում է դրանց, այլ լրացնում։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
խաղադրույք, տուրք, հարկեր, հայաստան
խաղադրույք, տուրք, հարկեր, հայաստան
Վիճակախաղերի կազմակերպիչներն ու խաղացողները կարող են լրացուցիչ հարկվել
Փոխնախարարը հիշեցրեց, որ անցած 9 ամիսների ընթացքում կատարվել է 4,2 տրիլոն դրամի խաղադրույք։
ԵՐԵՎԱՆ, 9 դեկտեմբերի – Sputnik. Հայաստանում վիճակախաղերի կազմակերպիչների ու խաղացողների շահույթները հնարավոր է լրացուցիչ հարկվեն։ 62 կողմ, 28 ձեռնպահ ձայների հարաբերակցությամբ ԱԺ–ն առաջին ընթերցմամբ ընդունեց «Պետական տուրքի մասին» օրենքում լրացում և փոփոխություն կատարելու մասին օրենքի նախագիծը։
Նախագիծը ԱԺ–ում ներկայացնում էր ֆինանսների փոխնախարար Արման Պողոսյանը։
Մինչև որոշման ընդունումը նա հայտնեց, որ այս տարվա անցած 9 ամիսների ընթացքում կատարվել է 4,2 տրիլոն դրամի խաղադրույք։
Նախագծով առաջարկվում է սահմանել, որ ինտերնետ շահումով խաղերի կազմակերպչի կողմից յուրաքանչյուր 100 միլիարդ դրամի չափով խաղադրույք ընդունելու իրավունք ձեռք բերելու համար պետական տուրք վճարել լրացուցիչ 175 մլն դրամ, տոտալիզատորի կազմակերպչի կողմից յուրաքանչյուր 50 միլիարդ դրամի չափով խաղադրույք ընդունելու իրավունք ձեռք բերելու համար պետական տուրք վճարել լրացուցիչ 50 մլն դրամ և այլն:
ՔՊ–ական պատգամավոր Սիսակ Գաբրիելյանը հետաքրքրվեց, արդյոք չարժե՞ր քննարկել շահումը հարկելու տարբերակները, օրինակ եթե մարդը պարբերաբար խաղում է և շահում է, դա նրա եկամտի աղբյուրն է դարձել, պետք է հարկվի՝ ինչպես բոլոր մյուս քաղաքացիներն են հարկվում։
«Վերջնարդյունքում, կարծում եմ, որ մենք ինչ-որ մի պահի գալու ենք արդյունքից հարկման, ընդ որում՝ ոչ միայն խաղացողների ստացած շահումները, այլ կազմակերպիչների գեներացրած շահույթները նույնպես»,- պատասխանեց Արման Պողոսյանը
Փոխնախարարը հիշեցրեց, որ վերջին շրջանում կառավարությունը մի շարք միջոցներ է ձեռնարկել դրամախաղերի տարածման դեմ։ Մասնավորապես, սահմանափակվել է նրանց գովազդը, արգելվել է խաղային հաշիվները համալրել փողոցային տերմինալներով։
Այս պահին էլ կառավարությունը մշակում է սոցիալապես անապահով քաղաքացիների մուտքը խաղերին սահմանափակելու առաջարկներ, որպեսզի կանխի նրանց գույքային վիճակի հետագա վատթարացումը:
Նշենք, որ շահումով խաղերն ու տոտալիզատորները հարկվում են տարեկան 600 մլն դրամի պետական տուրքով։ Նոր տուրքը ոչ թե փոխարինում է դրանց, այլ լրացնում։
