https://arm.sputniknews.ru/20221207/bnakan-aghetnern-i-cujc-en-dnum-erkri-dimadrvoghakanutjan-pashary-hh-nakhagahi-ugherdzy-52269699.html
Բնական աղետներն ի ցույց են դնում երկրի դիմադրողականության պաշարը. ՀՀ նախագահի ուղերձը
Բնական աղետներն ի ցույց են դնում երկրի դիմադրողականության պաշարը. ՀՀ նախագահի ուղերձը
Sputnik Արմենիա
ՀՀ նախագահը շեշտել է, որ անմեղ զոհերի հիշատակը հարգելու լավագույն միջոցը վերականգնված, զարգացող ու ծաղկող մեր քաղաքներն ու գյուղերն են։ 07.12.2022, Sputnik Արմենիա
2022-12-07T10:40+0400
2022-12-07T10:40+0400
2022-12-07T12:15+0400
նախագահ
վահագն խաչատուրյան
ուղերձ
սպիտակի երկրաշարժ 1988
https://cdn.am.sputniknews.ru/img/07e6/05/17/42348695_0:0:2000:1125_1920x0_80_0_0_19cfd274d219cf20768e4bc4986e543b.jpg
ԵՐԵՎԱՆ, 7 դեկտեմբերի – Sputnik. Բնական աղետները փորձություններ են պետությունների ու ժողովուրդների համար, որոնք ի ցույց են դնում պետականության ու հասարակության դիմադրողականության ներքին պաշարը։ Այս մասին Սպիտակի ավերիչ երկրաշարժի 34–րդ տարելիցի կապակցությամբ հղած իր ուղերձում ասել է ՀՀ նախագահ Վահագն Խաչատուրյանը, հայտնում է նախագահի մամուլի ծառայությունը։Նա 1988 թվականի դեկտեմբերի 7-ը որակել է որպես մեր պատմության ամենաողբերգական օրերից մեկը։Նա նշել է, որ այս գործից անմասն չմնացին ամբողջ աշխարհում սփռված մեր հայրենակիցները, հայ ժողովրդի մեծ բարեկամ պետություններն ու անհատները, որոնք իրենց անգնահատելի ու անուրանալի աջակցությունը ցուցաբերեցին երկրաշարժի հետևանքները վերացնելու, աղետից տուժած մեր բնակավայրերը, կրթական ու արդյունաբերական կառույցները վերականգնելու գործին:Հիշեցնենք` 1988 թվականի դեկտեմբերի 7-ին Հայաստանի հյուսիսում երկրի պատմության մեջ ամենաուժեղ երկրաշարժը գրանցվեց։ Երկրաշարժի ուժգնությունը 6,8-7,2 մագնիտուդ էր։Հողին հավասարվեցին Նալբանդ գյուղն ու Սպիտակ քաղաքը, Գյումրիում (Լենինական) հատուկենտ շինություններ կանգուն մնացին, խիստ տուժեցին Վանաձոր (Կիրովական) և Ստեփանավան քաղաքները։ Պաշտոնական տվյալներով` 25 հազար մարդ զոհվեց, շուրջ 500 հազար մարդ մնաց անտուն։Երկրաշարժից 34 տարի անց գյումրեցիների ու քաղաքի վերքը չի սպիացել
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նախագահ, վահագն խաչատուրյան, ուղերձ, սպիտակի երկրաշարժ 1988
նախագահ, վահագն խաչատուրյան, ուղերձ, սպիտակի երկրաշարժ 1988
Բնական աղետներն ի ցույց են դնում երկրի դիմադրողականության պաշարը. ՀՀ նախագահի ուղերձը
10:40 07.12.2022 (Թարմացված է: 12:15 07.12.2022) ՀՀ նախագահը շեշտել է, որ անմեղ զոհերի հիշատակը հարգելու լավագույն միջոցը վերականգնված, զարգացող ու ծաղկող մեր քաղաքներն ու գյուղերն են։
ԵՐԵՎԱՆ, 7 դեկտեմբերի – Sputnik. Բնական աղետները փորձություններ են պետությունների ու ժողովուրդների համար, որոնք ի ցույց են դնում պետականության ու հասարակության դիմադրողականության ներքին պաշարը։ Այս մասին Սպիտակի ավերիչ երկրաշարժի 34–րդ տարելիցի կապակցությամբ հղած իր ուղերձում ասել է ՀՀ նախագահ Վահագն Խաչատուրյանը, հայտնում է
նախագահի մամուլի ծառայությունը։
Նա 1988 թվականի դեկտեմբերի 7-ը որակել է որպես մեր պատմության ամենաողբերգական օրերից մեկը։
«Մեր ժողովուրդը կարողացավ ծանր ճիգով, ընթացող պատերազմի ու պետականության կերտման բախտորոշ այդ ժամանակահատվածում միաբանվել, ամրանալ ոգով ու կամքով և կրկին կառուցել ու ստեղծել»,–ասվում է ՀՀ նախագահի ուղերձում։
Նա նշել է, որ այս գործից անմասն չմնացին ամբողջ աշխարհում սփռված մեր հայրենակիցները, հայ ժողովրդի մեծ բարեկամ պետություններն ու անհատները, որոնք իրենց անգնահատելի ու անուրանալի աջակցությունը ցուցաբերեցին երկրաշարժի հետևանքները վերացնելու, աղետից տուժած մեր բնակավայրերը, կրթական ու արդյունաբերական կառույցները վերականգնելու գործին:
«Մեր պետության և հասարակության բոլոր ջանքերն ամեն օր պետք է միտված լինեն երկրաշարժի նյութական ու բարոյական հետևանքների վերացմանն ու չեզոքացմանը, որովհետև անմեղ զոհերի հիշատակը հարգելու լավագույն միջոցը վերականգնված, զարգացող ու ծաղկող մեր քաղաքներն ու գյուղերն են, Գյումրիի, Սպիտակի, Վանաձորի ու տասնյակ համայնքների կրթական ու արդյունաբերական կառույցները, կանաչող այգիներն ու լուսավոր փողոցները»,–նշել է Խաչատուրյանը:
Հիշեցնենք` 1988 թվականի դեկտեմբերի 7-ին Հայաստանի հյուսիսում երկրի պատմության մեջ ամենաուժեղ երկրաշարժը գրանցվեց։ Երկրաշարժի ուժգնությունը 6,8-7,2 մագնիտուդ էր։
Հողին հավասարվեցին Նալբանդ գյուղն ու Սպիտակ քաղաքը, Գյումրիում (Լենինական) հատուկենտ շինություններ կանգուն մնացին, խիստ տուժեցին Վանաձոր (Կիրովական) և Ստեփանավան քաղաքները։ Պաշտոնական տվյալներով` 25 հազար մարդ զոհվեց, շուրջ 500 հազար մարդ մնաց անտուն։
