Ֆրանսիայի նախագահը հանդիպել է Իլոն Մասկի հետ. հայտնի են քննարկման թեմաները
10:12 03.12.2022 (Թարմացված է: 10:16 03.12.2022)
Բաժանորդագրվել
Մակրոնը Twitter-ի սեփականատիրոջ հետ հանդիպել է ԱՄՆ–ում։
ԵՐԵՎԱՆ, 3 դեկտեմբերի – Sputnik. Ֆրանսիայի նախագահ Էմանուել Մակրոնը հայտնել է, որ երեկ` դեկտեմբերի 2–ին, հանդիպել է ամերիկացի գործարար և միլիարդատեր Իլոն Մասկի հետ, քննարկել են Էլեկտրամոբիլների և մարտկոցների արտադրության, ինչպես նաև համացանցում երեխաների պաշտպանության հարցը: Այս մասին գրում է ՌԻԱ Նովոստին։
«Մենք պարզ և ազնիվ քննարկում ունեցանք։.. Ֆրանսիայի և Եվրոպայի դեկարբոնացման և վերաինդուստրիալացման մեր հավակնություններին համապատասխան՝ Իլոն Մասկի հետ մտքեր փոխանակեցինք ապագա կանաչ արդյունաբերական նախագծերի շուրջ, ինչպիսիք են Էլեկտրամոբիլների և մարտկոցների արտադրությունը», - գրել է Մակրոնը Twitter-ի իր էջում:
Նրա խոսքով՝ կշարունակվի նաև Twitter ընկերության հետ համագործակցությունը՝ ինտերնետում երեխաների պաշտպանությունը բարելավելու համար:
Conformément à notre ambition de décarboner et réindustrialiser la France et l'Europe, j’ai échangé aujourd’hui avec @elonmusk sur les futurs projets industriels verts, notamment sur la fabrication de véhicules électriques et de batteries. pic.twitter.com/oMwcejKGx6
— Emmanuel Macron (@EmmanuelMacron) December 3, 2022
Նշենք, որ Ֆրանսիայի նախագահը պաշտոնական այցով ԱՄՆ–ում է գտնվել նոյեմբերի 29-ից դեկտեմբերի 2-ը։ Դեկտեմբերի 1–ին նա Սպիտակ տանը բանակցություններ է վարել ԱՄՆ առաջնորդ Ջո Բայդենի հետ։
