https://arm.sputniknews.ru/20221203/arcakhi-ynderqy-petutjan-sepakanutjunn-e-bnapahpanutjan-kvomitei-ardzaganqy-52157050.html
Արցախի ընդերքը պետության սեփականությունն է․ բնապահպանության կոմիտեի արձագանքը
Արցախի ընդերքը պետության սեփականությունն է․ բնապահպանության կոմիտեի արձագանքը
Sputnik Արմենիա
Արցախի բնապահպանության կոմիտեն արձագանքել է Ադրբեջանի շահարկումներին։ 03.12.2022, Sputnik Արմենիա
2022-12-03T20:24+0400
2022-12-03T20:24+0400
2022-12-03T20:27+0400
արցախ
բնապահպանական
էկոլոգիա
ադրբեջան
հայ-ադրբեջանական
https://cdn.am.sputniknews.ru/img/322/81/3228131_0:0:1600:901_1920x0_80_0_0_c117ab5985c3a8cbac7115b54f4f5c37.jpg
ԵՐԵՎԱՆ, 3 դեկտեմբերի – Sputnik. Արցախում ընդերքից օգտվելու սկզբունքները, կարգը, ինչպես նաև ընդերքօգտագործման հետ կապված հարաբերությունները սահմանվում են Արցախի ընդերքի մասին օրենսգրքով։Նման հայտարարությամբ է հանդես եկել Արցախի բնապահպանության կոմիտեն` անդրադառնալով Ստեփանակերտ-Գորիս ճանապարհն ադրբեջանցիների կողմից փակելու պատճառաբանությանը։Հայտնել էինք, որ ավելի քան երեք ժամ Շուշի-Քարին տակ խաչմերուկի հատվածում քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել են Ստեփանակերտ-Գորիս մայրուղին։ Ադրբեջանի էկոլոգիայի և բնական պաշարների նախարարության հաղորդագրության համաձայն` իբրև թե Արցախում օգտակար հանածոների ապօրինի շահագործում է իրականացվում, և որոշվել է ճանապարհային քարտեզ մշակել։Նշվում է նաև, որ այդ չափորոշիչների շրջանակներում Արցախի Հանրապետությունը հոգ է տանում իր բնակչության առողջության ու բնության պահպանման մասին՝ չնայած միջազգայնորեն ճանաչված չլինելով և հակամարտությամբ պայմանավորված տարբեր դժվարություններին: Միջազգային մակարդակի փորձագետների ներգրավմամբ ուսումնասիրությունները որևէ նշանակալի բնապահպանական ռիսկեր չեն արձանագրել ընդերքօգտագործման հետ կապված՝ ըստ անհրաժեշտության ձեռնարկելով կանխարգելիչ միջոցներ:Արցախը Հայաստանին կապող միակ մայրուղին երկկողմանի բացվել է 3–ժամյա բանակցությունից հետոԻնչ վերաբերում է Ադրբեջանի էկոլոգիայի և բնական պաշարների նախարարության տարածած համապատասխան հայտարարությանը, ապա Արցախի բնապահպանության կոմիտեն վստահեցնում է` Արցախի օրենսդրության շրջանակներում կատարված ցանկացած ուսումնասիրության արդյունքները վերահաստատելու են բնապահպանական չափորոշիչների պահպանումը:Ավելին` Արցախի Հանրապետությունը պատրաստ է նույնիսկ միջազգային փորձագիտական խումբ հրավիրել՝ բնապահպանական ռիսկերը լրացուցիչ գնահատելու և համակարգը բարելավելու նպատակով:
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արցախ, բնապահպանական, էկոլոգիա, ադրբեջան, հայ-ադրբեջանական
արցախ, բնապահպանական, էկոլոգիա, ադրբեջան, հայ-ադրբեջանական
Արցախի ընդերքը պետության սեփականությունն է․ բնապահպանության կոմիտեի արձագանքը
20:24 03.12.2022 (Թարմացված է: 20:27 03.12.2022) Արցախի բնապահպանության կոմիտեն արձագանքել է Ադրբեջանի շահարկումներին։
ԵՐԵՎԱՆ, 3 դեկտեմբերի – Sputnik. Արցախում ընդերքից օգտվելու սկզբունքները, կարգը, ինչպես նաև ընդերքօգտագործման հետ կապված հարաբերությունները սահմանվում են Արցախի ընդերքի մասին օրենսգրքով։Նման հայտարարությամբ է հանդես եկել Արցախի բնապահպանության կոմիտեն` անդրադառնալով Ստեփանակերտ-Գորիս ճանապարհն ադրբեջանցիների կողմից փակելու պատճառաբանությանը։
Հայտնել էինք, որ ավելի քան երեք ժամ Շուշի-Քարին տակ խաչմերուկի հատվածում քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել են Ստեփանակերտ-Գորիս մայրուղին։ Ադրբեջանի էկոլոգիայի և բնական պաշարների նախարարության հաղորդագրության համաձայն` իբրև թե Արցախում օգտակար հանածոների ապօրինի շահագործում է իրականացվում, և որոշվել է ճանապարհային քարտեզ մշակել։
«ԱՀ բնապահպանության կոմիտեն, որպես պետական լիազոր մարմին, պատշաճ կերպով վերահսկում է ընդերքօգտագործող ընկերությունների գործունեությունը: Ընդգծենք, որ Արցախի Հանրապետության ընդերքը պետության բացառիկ սեփականությունն է, որը օգտագործվում է բնապահպանական և սոցիալական պատասխանատվության միջազգային առաջադեմ չափորոշիչներին համապատասխան»,–ասված է հաղորդագրության մեջ։
Նշվում է նաև, որ այդ չափորոշիչների շրջանակներում Արցախի Հանրապետությունը հոգ է տանում իր բնակչության առողջության ու բնության պահպանման մասին՝ չնայած միջազգայնորեն ճանաչված չլինելով և հակամարտությամբ պայմանավորված տարբեր դժվարություններին: Միջազգային մակարդակի փորձագետների ներգրավմամբ ուսումնասիրությունները որևէ նշանակալի բնապահպանական ռիսկեր չեն արձանագրել ընդերքօգտագործման հետ կապված՝ ըստ անհրաժեշտության ձեռնարկելով կանխարգելիչ միջոցներ:
Ինչ վերաբերում է Ադրբեջանի էկոլոգիայի և բնական պաշարների նախարարության տարածած համապատասխան հայտարարությանը, ապա Արցախի բնապահպանության կոմիտեն վստահեցնում է` Արցախի օրենսդրության շրջանակներում կատարված ցանկացած ուսումնասիրության արդյունքները վերահաստատելու են բնապահպանական չափորոշիչների պահպանումը:
Ավելին` Արցախի Հանրապետությունը պատրաստ է նույնիսկ միջազգային փորձագիտական խումբ հրավիրել՝ բնապահպանական ռիսկերը լրացուցիչ գնահատելու և համակարգը բարելավելու նպատակով:
