https://arm.sputniknews.ru/20221201/petq-e-pahanjel-baqvi-zu-dursberumy-hh-inqnishkhan-taratsqic-mirzvojany-eahk-hamazhvoghvovin-52085631.html
Պետք է պահանջել Բաքվի ԶՈւ դուրսբերումը ՀՀ ինքնիշխան տարածքից. Միրզոյանը` ԵԱՀԿ համաժողովին
Պետք է պահանջել Բաքվի ԶՈւ դուրսբերումը ՀՀ ինքնիշխան տարածքից. Միրզոյանը` ԵԱՀԿ համաժողովին
Sputnik Արմենիա
ՀՀ ԱԳ նախարարը Լոձում խոսել է Հայաստանի դեմ տարվող ռազմական ագրեսիայի ու Արցախում էթնիկ զտումների մասին։ 01.12.2022, Sputnik Արմենիա
2022-12-01T21:10+0400
2022-12-01T21:10+0400
2022-12-01T21:10+0400
եահկ
արարատ միրզոյան
համաժողով
հայաստան
ադրբեջան
https://cdn.am.sputniknews.ru/img/07e6/0c/01/52083687_0:0:1600:901_1920x0_80_0_0_b90d5ac0bf54f04f7e1a32eecbab2827.jpg
ԵՐԵՎԱՆ, 1 դեկտեմբերի – Sputnik. Լեհաստանի Լոձ քաղաքում ԵԱՀԿ նախարարական 29-րդ համաժողովի ընթացքում ՀՀ ԱԳ նախարար Արարատ Միրզոյանը բարձրացրել է Ադրբեջանի` Հայաստանի ինքնիշխանության և տարածքային ամբողջականության դեմ տարվող ռազմական ագրեսիայի մասին հարցը։ Տեղեկությունը հայտնում է ՀՀ արտգործնախարարության մամուլի ծառայությունը։«Ցավոք, Հարավային Կովկասն այն տարածաշրջաններից մեկն է, որտեղ մենք առերեսվում ենք ուժի և ուժի սպառնալիքի շարունակական կիրառմանը։ Մեր հարևան Ադրբեջանը ոչ միայն շարունակում է իր առավելապաշտական ու ռազմատենչ հռետորաբանությունը, այլև ռազմական ագրեսիան Հայաստանի ինքնիշխանության և տարածքային ամբողջականության դեմ։ Այս տարի սեպտեմբերի 13-14-ն Ադրբեջանը սանձազերծեց ոչնչով չհրահրված ագրեսիա՝ գրավելով Հայաստանի ինքնիշխան տարածքի շուրջ 140 քառ. կմ»,– ասել է Միրզոյանը։Նա շեշտել է, որ 2020թ. նոյեմբերի 9-ի եռակողմ հայտարարության ստորագրումից ի վեր սա 3-րդ լայնածավալ հարձակումն էր Հայաստանի դեմ, և այդ ագրեսիայի հետևանքով ՀՀ ունեցել է 233 զոհ, այդ թվում՝ խաղաղ բնակիչներ։ Նախարարը խոսել է նաև հազարավոր տեղահանված ՀՀ քաղաքացիների, թիրախավորված բնակավայրերի և քաղաքացիական ենթակառուցվածքների մասին։ Միրզոյանը հիշեցրել է նաև այն, որ ադրբեջանական ԶՈւ զինծառայողները պատերազմական գործողությունների ընթացքում հայ զինվորական կանանց և տղամարդկանց խոշտանգել են, ապա իրականացրել արտադատական սպանություններ։«Մենք ցանկանում ենք մեր երախտագիտությունը հայտնել այն գործընկերներին, ովքեր չեն խուսափում մատնանշել ագրեսորին և խոսում են ռազմական հանցագործությունները հետաքննելու ու հանցագործներին պատժելու անհրաժեշտության մասին։ Կարևոր է պահանջել Ադրբեջանի զինված ուժերի ամբողջական դուրսբերումը Հայաստանի ինքնիշխան տարածքներից։ Նրանց շարունակական ներկայությունը ՀՀ միջազգայնորեն ճանաչված տարածքներում լուրջ մարտահրավեր է տարածաշրջանում փխրուն խաղաղությանն ու կայունությանը»,– ասել է Միրզոյանը։ Միրզոյանն ու Բորելը քննարկել են տարածաշրջանային կայունության և անվտանգության հարցերըՆախարարը նաև անդրադարձել է 2022 թվականի մարտ և օգոստոս ամիսներին Ադրբեջանի շարունակական սադրիչ և ագրեսիվ գործողություններին, որոնք կատարվել են Լեռնային Ղարաբաղի հայերի դեմ: Նա ընդգծել է, որ եռակողմ հայտարարությունների բացահայտ խախտմամբ՝ Ադրբեջանը փաստացի էթնիկ զտումների է ենթարկել ԼՂ ևս մեկ բնակավայր և փորձել խոչընդոտել Լաչինի միջանցքի գործունեությանը, որն ավելի քան 120 հազար մարդու համար «կյանքի ճանապարհ» է։Չնայած ադրբեջանական կողմի հաճախակի սադրանքներին, ըստ Միրզոյանի, Հայաստանը պատրաստ է ձեռնամուխ լինելու հաղորդակցության ուղիների ապաշրջափակմանը, եթե Ադրբեջանը համաձայնի, որ բոլոր ճանապարհները պետք է լիովին գործեն ՀՀ ինքնիշխանության ներքո։Նախարարը շեշտել է, որ ՀՀ պետական սահմանի սահմանազատման գործընթացը չպետք է վերածվի Հայաստանի նկատմամբ տարածքային պահանջներ ներկայացնելու գործիքի և, ըստ այդմ, պետք է իրականացվի իրավական հիմքեր ունեցող քարտեզների հիման վրա։ Նա վստահ է` Պրահայում և Սոչիում այս տարի ձեռք բերված պայմանավորվածությունները, մասնավորապես ՄԱԿ-ի կանոնադրության և 1991թ. Ալմա-Աթայի հռչակագրի հիման վրա սահմանազատումն իրականացնելու հանձնառությունը կխթանեն այս գործընթացը:Նա շնորհակալություն է հայտնել ԵՄ–ի և ԵԱՀԿ–ի կողմից տեղում իրավիճակը գնահատելու և վերահսկելու նպատակով տեղակայված առաքելություններին, կարևորել է միջազգային ներկայությունը ՀՀ–ում հատկապես այն պարագայում, երբ Ադրբեջանը քողարկում է Հայաստանի դեմ ուժի կիրառումը։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
եահկ, արարատ միրզոյան, համաժողով, հայաստան, ադրբեջան
եահկ, արարատ միրզոյան, համաժողով, հայաստան, ադրբեջան
Պետք է պահանջել Բաքվի ԶՈւ դուրսբերումը ՀՀ ինքնիշխան տարածքից. Միրզոյանը` ԵԱՀԿ համաժողովին
ՀՀ ԱԳ նախարարը Լոձում խոսել է Հայաստանի դեմ տարվող ռազմական ագրեսիայի ու Արցախում էթնիկ զտումների մասին։
ԵՐԵՎԱՆ, 1 դեկտեմբերի – Sputnik. Լեհաստանի Լոձ քաղաքում ԵԱՀԿ նախարարական 29-րդ համաժողովի ընթացքում ՀՀ ԱԳ նախարար Արարատ Միրզոյանը բարձրացրել է Ադրբեջանի` Հայաստանի ինքնիշխանության և տարածքային ամբողջականության դեմ տարվող ռազմական ագրեսիայի մասին հարցը։ Տեղեկությունը հայտնում է
ՀՀ արտգործնախարարության մամուլի ծառայությունը։
«Ցավոք, Հարավային Կովկասն այն տարածաշրջաններից մեկն է, որտեղ մենք առերեսվում ենք ուժի և ուժի սպառնալիքի շարունակական կիրառմանը։ Մեր հարևան Ադրբեջանը ոչ միայն շարունակում է իր առավելապաշտական ու ռազմատենչ հռետորաբանությունը, այլև ռազմական ագրեսիան Հայաստանի ինքնիշխանության և տարածքային ամբողջականության դեմ։ Այս տարի սեպտեմբերի 13-14-ն Ադրբեջանը սանձազերծեց ոչնչով չհրահրված ագրեսիա՝ գրավելով Հայաստանի ինքնիշխան տարածքի շուրջ 140 քառ. կմ»,– ասել է Միրզոյանը։
Նա շեշտել է, որ 2020թ. նոյեմբերի 9-ի եռակողմ հայտարարության ստորագրումից ի վեր սա 3-րդ լայնածավալ հարձակումն էր Հայաստանի դեմ, և այդ ագրեսիայի հետևանքով ՀՀ ունեցել է 233 զոհ, այդ թվում՝ խաղաղ բնակիչներ։ Նախարարը խոսել է նաև հազարավոր տեղահանված ՀՀ քաղաքացիների, թիրախավորված բնակավայրերի և քաղաքացիական ենթակառուցվածքների մասին։ Միրզոյանը հիշեցրել է նաև այն, որ ադրբեջանական ԶՈւ զինծառայողները պատերազմական գործողությունների ընթացքում հայ զինվորական կանանց և տղամարդկանց խոշտանգել են, ապա իրականացրել արտադատական սպանություններ։
«Մենք ցանկանում ենք մեր երախտագիտությունը հայտնել այն գործընկերներին, ովքեր չեն խուսափում մատնանշել ագրեսորին և խոսում են ռազմական հանցագործությունները հետաքննելու ու հանցագործներին պատժելու անհրաժեշտության մասին։ Կարևոր է պահանջել Ադրբեջանի զինված ուժերի ամբողջական դուրսբերումը Հայաստանի ինքնիշխան տարածքներից։ Նրանց շարունակական ներկայությունը ՀՀ միջազգայնորեն ճանաչված տարածքներում լուրջ մարտահրավեր է տարածաշրջանում փխրուն խաղաղությանն ու կայունությանը»,– ասել է Միրզոյանը։
Նախարարը նաև անդրադարձել է 2022 թվականի մարտ և օգոստոս ամիսներին Ադրբեջանի շարունակական սադրիչ և ագրեսիվ գործողություններին, որոնք կատարվել են Լեռնային Ղարաբաղի հայերի դեմ: Նա ընդգծել է, որ եռակողմ հայտարարությունների բացահայտ խախտմամբ՝ Ադրբեջանը փաստացի էթնիկ զտումների է ենթարկել ԼՂ ևս մեկ բնակավայր և փորձել խոչընդոտել Լաչինի միջանցքի գործունեությանը, որն ավելի քան 120 հազար մարդու համար «կյանքի ճանապարհ» է։
Չնայած ադրբեջանական կողմի հաճախակի սադրանքներին, ըստ Միրզոյանի, Հայաստանը պատրաստ է ձեռնամուխ լինելու հաղորդակցության ուղիների ապաշրջափակմանը, եթե Ադրբեջանը համաձայնի, որ բոլոր ճանապարհները պետք է լիովին գործեն ՀՀ ինքնիշխանության ներքո։
Նախարարը շեշտել է, որ ՀՀ պետական սահմանի սահմանազատման գործընթացը չպետք է վերածվի Հայաստանի նկատմամբ տարածքային պահանջներ ներկայացնելու գործիքի և, ըստ այդմ, պետք է իրականացվի իրավական հիմքեր ունեցող քարտեզների հիման վրա։ Նա վստահ է` Պրահայում և Սոչիում այս տարի ձեռք բերված պայմանավորվածությունները, մասնավորապես ՄԱԿ-ի կանոնադրության և 1991թ. Ալմա-Աթայի հռչակագրի հիման վրա սահմանազատումն իրականացնելու հանձնառությունը կխթանեն այս գործընթացը:
«Մենք կարծում ենք, որ Լեռնային Ղարաբաղի ժողովրդի իրավունքների և անվտանգության հարցը նույնպես պետք է համակողմանիորեն հասցեագրվի։ Այս հարցերը մշտապես եղել են ԵԱՀԿ Մինսկի խմբի համանախագահների կողմից առաջնորդվող խաղաղ գործընթացի հիմքում»,– նշել է Միրզոյանը։
Նա շնորհակալություն է հայտնել ԵՄ–ի և ԵԱՀԿ–ի կողմից տեղում իրավիճակը գնահատելու և վերահսկելու նպատակով տեղակայված առաքելություններին, կարևորել է միջազգային ներկայությունը ՀՀ–ում հատկապես այն պարագայում, երբ Ադրբեջանը քողարկում է Հայաստանի դեմ ուժի կիրառումը։
