https://arm.sputniknews.ru/20221201/gvortsazrkutjuny-patmakanvoren-nvazagujn-astitshani-e-hasel-nikvol-pashinjan-52044920.html

Գործազրկությունը պատմականորեն նվազագույն աստիճանի է հասել. Նիկոլ Փաշինյան

Գործազրկությունը պատմականորեն նվազագույն աստիճանի է հասել. Նիկոլ Փաշինյան

Sputnik Արմենիա

Թեև Փաշինյանը հայտարարեց, որ գործազրկության մակարդակն էականորեն նվազել է, բայց սոցապնախարարը հայտնեց` 50 400 գրանցված գործազուրկ կա այս պահին։ 01.12.2022, Sputnik Արմենիա

2022-12-01T12:30+0400

2022-12-01T12:30+0400

2022-12-01T12:44+0400

հայաստան

նիկոլ փաշինյան

գործազրկություն

https://cdn.am.sputniknews.ru/img/07e6/03/18/40114245_135:112:1536:900_1920x0_80_0_0_2ce894715708077f4c3147639ee3ee9a.jpg

ԵՐԵՎԱՆ, 1 դեկտեմբերի – Sputnik. Աշխատաշուկայում այսօր աշխատուժի դեֆիցիտի խնդիր ունենք, և պատմականորեն նվազագույն աստիճանի է հասել գործազրկությունը։ Կառավարության այսօրվա նիստում հայտարարեց վարչապետ Նիկոլ Փաշինյանը։«Մասնավոր հատվածից ահազանգեր ենք ստանում, որ աշխատող գտնելու պրոբլեմ ունեն»,–ասաց Փաշինյանը։ՀՀ աշխատանքի և սոցիալական հարվերի նախարար Նարեկ Մկրտչյանն էլ ի պատասխան հայտնեց, որ 2022-ի առաջին եռամսյակում գործազրկության մակարդակը կազմել է 14.8 տոկոս` նախորդ տարվա նույն ժամանակահատվածի համեմատ նվազելով 1.9 տոկոսով։Հայաստանում 51.000 գործազուրկներից շուրջ 64 տոկոսը կանայք են. Նարեկ Մկրտչյան«Այս պահի դրությամբ Միասնական սոցիալական ծառայությունը 3260 թափուր աշխատատեղ է հավաքագրել, իսկ վիճակագրական կոմիտեի տվյալներով` 9800 թափուր աշխատատեղ կա։ Ունենք նաև 50 400 գրանցված գործազուրկ, որը 2021թ. համեմատ նվազել է 8000-ով»,–ասաց նախարարը։Մկրտչյանը հայտնեց նաև, որ առաջիկա 3 տարիներին գյուղատնտեսության, շինարարության, մեծածախ և մանրածախ առևտրի, ՏՏ-ի, փոխադրումների և առողջապահական սպասարկման ոլորտներում աշխատակիցների կարիք կլինի։Գործազրկության խնդիրը լուծելու համար ռազմավարություն է մշակվում. Նարեկ Մկրտչյան

2022

Լուրեր

am_HY

հայաստան, նիկոլ փաշինյան, գործազրկություն