https://arm.sputniknews.ru/20221130/ktujlatrvi-ardjvoq-degheri-artaqin-gvovazdy-azhum-tezh-qnnarkum-e-52017632.html
Կթույլատրվի՞ արդյոք դեղերի արտաքին գովազդը. ԱԺ–ում թեժ քննարկում է
Կթույլատրվի՞ արդյոք դեղերի արտաքին գովազդը. ԱԺ–ում թեժ քննարկում է
Sputnik Արմենիա
Օրենքի փոփոխությանը դեմ պատգամավորները կարծում են, որ դեղերի մասին պետք է իրազեկվեն բժիշկները, այլ ոչ թե հանրությունը։ 30.11.2022, Sputnik Արմենիա
2022-11-30T17:28+0400
2022-11-30T17:28+0400
2022-11-30T17:39+0400
գովազդ
դեղ
աժ (ազգային ժողով)
հանձնաժողով
https://cdn.am.sputniknews.ru/img/07e8/0a/09/81650579_0:151:1600:1051_1920x0_80_0_0_737135cabaa0575e4922bd10053d1590.jpg
ԵՐԵՎԱՆ, 30 նոյեմբերի – Sputnik. Դեղորայքի արտաքին գովազդի թույլտվությունն անթույլատրելի է։ Այսօր ԱԺ առողջապահության հարցերի մշտական հանձնաժողովի նիստի ժամանակ այս մասին հայտարարեց հանձնաժողովի նախագահ Նարեկ Զեյնալյանը։Նա դեմ է «Գովազդի մասին» և «Դեղերի մասին» օրենքներում փոփոխություններ և լրացում կատարելու մասին նախագծին, քանի որ, ըստ նրա, դա կարող է առողջապահության ոլորտում լուրջ խնդիրներ առաջացնել։Օրենսդրությանը չեն համապատասխանում. Երևանի կենտրոնում ապամոնտաժման աշխատանքներ են տարվում«Հայաստանում և առհասարակ ամբողջ աշխարհում ինքնաբուժությունը լուրջ խնդիր է։ ԱՀԿ–ի վարկածով`այն համաշխարհային սպառնալիք է համարվում։ Գրեթե ամբողջ աշխարհում դեղերի արտաքին գովազդը արգելված է, ու դա, կարծում եմ, ճիշտ մոտեցում է»,– նշեց Զեյնալյանը։Պատգամավորի կարծիքով` անընդունելի է նաև կառավարության պնդումը, թե օրենքում փոփոխություննարվում է հանրությանը դեղերի մասին իրազեկելու համար։Օրենսդրական փոփոխության առաջարկը ներկայացնող էկոնոմիկայի նախարարի տեղակալ Նարեկ Տերյաննիր հերթին ներկայացրեց փաստարկներ, թե ինչու հանձնաժողովը պետք է նախագծին դրական եզրակացություն տա։«Դեղերի գովազդն արգելված չէ հեռուստատեսությամբ ու համացանցում։ Ավելին` արտաքին գովազդը սպառողների ավելի նեղ շրջանակ է ընդգրկում, քան, օրինակ` հեռուստագովազդը։ Այնպես որ` արտաքին գովազդն արգելելու տրամաբանություն չկա»,– նշեց փոխնախարարը։Երևանում արտաքին գովազդի փառատոն կանցկացվիՆարեկ Տերյանին ի պատասխան պատգամավորները նշեցին, որ դեղերի գովազդը խնդրահարույց է ամենուր ու հավելեցին, որ պետք է քայլեր արվեն դրանք հեռուստատեսությունում ու համացանցում նույնպես արգելելու համար։Էկոնոմիկայի փոխնախարարի առաջարկով հարցի քննարկումը հետաձգվեց երկու ամսով։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գովազդ, դեղ, աժ (ազգային ժողով), հանձնաժողով
գովազդ, դեղ, աժ (ազգային ժողով), հանձնաժողով
Կթույլատրվի՞ արդյոք դեղերի արտաքին գովազդը. ԱԺ–ում թեժ քննարկում է
17:28 30.11.2022 (Թարմացված է: 17:39 30.11.2022) Օրենքի փոփոխությանը դեմ պատգամավորները կարծում են, որ դեղերի մասին պետք է իրազեկվեն բժիշկները, այլ ոչ թե հանրությունը։
ԵՐԵՎԱՆ, 30 նոյեմբերի – Sputnik. Դեղորայքի արտաքին գովազդի թույլտվությունն անթույլատրելի է։ Այսօր ԱԺ առողջապահության հարցերի մշտական հանձնաժողովի նիստի ժամանակ այս մասին հայտարարեց հանձնաժողովի նախագահ Նարեկ Զեյնալյանը։
Նա դեմ է «Գովազդի մասին» և «Դեղերի մասին» օրենքներում փոփոխություններ և լրացում կատարելու մասին նախագծին, քանի որ, ըստ նրա, դա կարող է առողջապահության ոլորտում լուրջ խնդիրներ առաջացնել։
«Հայաստանում և առհասարակ ամբողջ աշխարհում ինքնաբուժությունը լուրջ խնդիր է։ ԱՀԿ–ի վարկածով`այն համաշխարհային սպառնալիք է համարվում։ Գրեթե ամբողջ աշխարհում դեղերի արտաքին գովազդը արգելված է, ու դա, կարծում եմ, ճիշտ մոտեցում է»,– նշեց Զեյնալյանը։
Պատգամավորի կարծիքով` անընդունելի է նաև կառավարության պնդումը, թե օրենքում փոփոխություննարվում է հանրությանը դեղերի մասին իրազեկելու համար։
«Դեղերի մասին պետք է իրազեկվեն բժիշկները, այլ ոչ թե հանրությունը։ Երբ դեղը ցուցումով չի ընդունվում` կարող է լուրջ հետևանքներ ունենալ։ Արտաքին գովազդը մարդկանց ուղղորդում է կոնկրետ ապրանքանիշի դեղորայք գնելուն, բայց դեղը պետք է ոչ թե ապրանքանիշով,այլ բաղադրությունից ելնելով ընդունվի»,– նշում է նա։
Օրենսդրական փոփոխության առաջարկը ներկայացնող էկոնոմիկայի նախարարի տեղակալ Նարեկ Տերյաննիր հերթին ներկայացրեց փաստարկներ, թե ինչու հանձնաժողովը պետք է նախագծին դրական եզրակացություն տա։
«Դեղերի գովազդն արգելված չէ հեռուստատեսությամբ ու համացանցում։ Ավելին` արտաքին գովազդը սպառողների ավելի նեղ շրջանակ է ընդգրկում, քան, օրինակ` հեռուստագովազդը։ Այնպես որ` արտաքին գովազդն արգելելու տրամաբանություն չկա»,– նշեց փոխնախարարը։
Նարեկ Տերյանին ի պատասխան պատգամավորները նշեցին, որ դեղերի գովազդը խնդրահարույց է ամենուր ու հավելեցին, որ պետք է քայլեր արվեն դրանք հեռուստատեսությունում ու համացանցում նույնպես արգելելու համար։
Էկոնոմիկայի փոխնախարարի առաջարկով հարցի քննարկումը հետաձգվեց երկու ամսով։
