Ուշացող արդարադատության խնդիրը կլուծվի՞. դատարանները կբեռնաթափեն օրենսդրական լուծումներով
10:25 28.11.2022 (Թարմացված է: 10:37 28.11.2022)
© Photo : Facebook / Բարձրագույն դատական խորհուրդ The Supreme Judicial Council of RAՎճռաբեկ, վերաքննիչ և առաջին ատյանի դատավորների համատեղ աշխատաժողով
![Վճռաբեկ, վերաքննիչ և առաջին ատյանի դատավորների համատեղ աշխատաժողով Վճռաբեկ, վերաքննիչ և առաջին ատյանի դատավորների համատեղ աշխատաժողով - Sputnik Արմենիա, 1920, 28.11.2022](https://cdn.am.sputniknews.ru/img/07e6/0b/1c/51901027_0:84:1600:984_1920x0_80_0_0_b899347b1829131c2c1ee30666f040a3.jpg)
Վճռաբեկ, վերաքննիչ և առաջին ատյանի դատավորների համատեղ աշխատաժողով
Բաժանորդագրվել
Դատավորների աշխատաժողովի առաջին փուլն է կայացել, որին 120 դատավոր է մասնակցել։
ԵՐԵՎԱՆ, 28 նոյեմբերի – Sputnik. Դատական, օրենսդիր և գործադիր իշխանության ներկայացուցիչները համաձայնել են առաջիկա միացյալ աշխատանքով և օրենսդրական հրատապ լուծումներով բեռնաթափել դատարանները, ինչն էականորեն կնվազեցնի արդարադատության ուշացումները։ Տեղեկությունը հայտնում է ՀՀ բարձրագույն դատական խորհուրդը։
Նոյեմբերի 25-27-ը Դիլիջանում տեղի է ունեցել վճռաբեկ, վերաքննիչ և առաջին ատյանի դատավորների համատեղ աշխատաժողովի առաջին փուլը, որին մասնակցել են հակակոռուպցիոն և քրեական մասնագիտացմամբ 120 դատավոր, դատական դեպարտամենտի տասնյակ պաշտոնյաներ, ինչպես նաև օրենսդիր ու գործադիր իշխանության ներկայացուցիչներ։
«Աշխատաժողովի ընթացքում քննարկվել են չափազանց երկար տևող դատավարությունների և բազմաթիվ գործերով ուշացող արդարադատության հիմնախնդրի լուծման եղանակները: Այդ ամենի հիմնական պատճառը հանդիսացող հանգամանքի` դատավորների գերբեռնվածությունը նվազեցնող մեխանիզմների ուղղությամբ գտնվել են օրենսդրական և կազմակերպչական կոնկրետ լուծումներ»,–ասված է հաղորդագրության մեջ։
© Photo : Facebook / Բարձրագույն դատական խորհուրդ The Supreme Judicial Council of RAՎճռաբեկ, վերաքննիչ և առաջին ատյանի դատավորների համատեղ աշխատաժողով
![Совместный семинар кассационных, апелляционных судей и судей первой инстанции (25-27 ноября 2022). Дилижан Совместный семинар кассационных, апелляционных судей и судей первой инстанции (25-27 ноября 2022). Дилижан - Sputnik Արմենիա, 1920, 28.11.2022](https://cdn.am.sputniknews.ru/img/07e6/0b/1c/51900983_0:0:1600:1200_1920x0_80_0_0_99cb0f4053eef5d6b59e816bd10f1b05.jpg)
Վճռաբեկ, վերաքննիչ և առաջին ատյանի դատավորների համատեղ աշխատաժողով
Նշվում է, որ քննարկվել են նաև դատավորների գնահատման համակարգը հիմնովին փոփոխման, դատական վճիռների և ողջ պրակտիկայի կատարելագործման հարցեր։ Այս փոփոխությունների ներդրումը կնպաստի արդար դատավճիռների էական աճին, դատավորների առաջխաղացման առավել արդարացի համակարգի ձևավորմանը, դատավորների կարողությունների զարգացմանն ու դատական իշխանության հեղինակության բարձրացմանը:
Հաջորդ շաբաթ տեղի կունենա աշխատաժողովի երկրորդ փուլը, որին կմասնակցեն քաղաքացիական, վարչական և սնանկության դատարանների շուրջ 150 դատավորներ՝ բոլոր երեք ատյաններից:
© Photo : Facebook / Բարձրագույն դատական խորհուրդ The Supreme Judicial Council of RAՎճռաբեկ, վերաքննիչ և առաջին ատյանի դատավորների համատեղ աշխատաժողով
![Совместный семинар кассационных, апелляционных судей и судей первой инстанции (25-27 ноября 2022). Дилижан Совместный семинар кассационных, апелляционных судей и судей первой инстанции (25-27 ноября 2022). Дилижан - Sputnik Արմենիա, 1920, 28.11.2022](https://cdn.am.sputniknews.ru/img/07e6/0b/1c/51901005_0:0:1600:1066_1920x0_80_0_0_2adae6bb2529e1e6fe01019e2945164e.jpg)
Վճռաբեկ, վերաքննիչ և առաջին ատյանի դատավորների համատեղ աշխատաժողով