https://arm.sputniknews.ru/20221124/iranahajery-satarel-en-ishkhanutjany-ev-hvordvorel-en-kajunutjun-apahvovel-erkrum-51761618.html
Իրանահայերը սատարել են իշխանությանը և հորդորել են կայունություն ապահովել երկրում
Իրանահայերը սատարել են իշխանությանը և հորդորել են կայունություն ապահովել երկրում
Sputnik Արմենիա
Իրանի հայ համայնքը վերջին ահաբեկչական գործողությունների ֆոնին աջակցել է երկրի ղեկավարությանը։ 24.11.2022, Sputnik Արմենիա
2022-11-24T12:10+0400
2022-11-24T12:10+0400
2022-11-24T12:13+0400
իրանի իսլամական հանրապետություն
հայ
ահաբեկչություն
https://cdn.am.sputniknews.ru/img/07e6/05/0b/41916284_0:0:3073:1728_1920x0_80_0_0_274fa071af575cc67e8c4deadd50ef62.jpg
ԵՐԵՎԱՆ, 24 նոյեմբերի – Sputnik. Իրանի հայ համայնքի խորհուրդը վերջին ահաբեկչությունների և անկարգությունների առնչությամբ հայտարարություն է տարածել։ «Pars Today»–ը գրում է, որ կառույցն իր աջակցությունն է հայտնել իշխանություններին և կոչ արել միջոցներ ձեռնարկել երկրում կայունություն ապահովելու համար։Նշվում է, որ Իրանում վերջերս տեղի ունեցած ահաբեկչական գործողություններն ու անկարգությունները, որոնք քաղաքացիների մահվան, ինչպես նաև հասարակական կարգի ու անվտանգության խախտման են հանգեցրել լուրջ մտահոգություն են առաջացրել նաև հայ համայնքում։«Այս սուրբ հողի այլ կրոնների հետևորդների և ազգերի հետ միասին աջակցում ենք ԻԻՀ–ի իշխանություններին և պահանջում երկրում ապահովել կայուն անվտանգություն, պատասխանատվության ենթարկել հանցագործության մեղավորներին և հասարակության անվտանգությունը խախտողներին», – ասվում է հայտարարության տեքստում։Իրանում ձերբակալվել է Շիրազի սրբավայրում ահաբեկչության երկրորդ մասնակիցըԻրանահայերը հիմնականում քաղաքաբնակներ են, ապրում են Թեհրանում, Սպահանում և նրա հարակից շրջաններում։Նշենք, որ Իրանի տարածքում վերջին երկու ամիսների ընթացքում երկու ահաբեկչություն է տեղի ունեցել։ Հոկտեմբերի վերջում անհայտ անձինք կրակ էին բացել Իրանի հարավում գտնվող Շիրազ քաղաքի Շահ–Չերախ դամբարանի տարածքում։ Ահաբեկչական գործողությունների հետևանքով 13 մարդ էր զոհվել, ևս 45-ը` վիրավորվել։ Ավելի ուշ Իրանի տեղեկատվության և ազգային անվտանգության նախարարությունը հայտնեց, որ ահաբեկչության մասնակիցներ թվում Ադրբեջանի քաղաքացիներ կան։Եվս մեկ ողբերգություն տեղի ունեցավ նոյեմբերի 16–ին Խուզեստան նահանգի Իզե քաղաքի շուկայում։ Անհայտ անձինք երկու մոտոցիկլետներով մոտեցել էին քաղաքացիների խմբի և կրակ բացել։ Կրակոցների հետևանքով զոհվել էր 5 մարդ, այդ թվում` երեխա և տարեց կին, ևս 10-ը` վիրավորվել։Իրանում ահաբեկչական խմբավորում է ձերբակալվել
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, հայ, ահաբեկչություն
իրանի իսլամական հանրապետություն, հայ, ահաբեկչություն
Իրանահայերը սատարել են իշխանությանը և հորդորել են կայունություն ապահովել երկրում
12:10 24.11.2022 (Թարմացված է: 12:13 24.11.2022) Իրանի հայ համայնքը վերջին ահաբեկչական գործողությունների ֆոնին աջակցել է երկրի ղեկավարությանը։
ԵՐԵՎԱՆ, 24 նոյեմբերի – Sputnik. Իրանի հայ համայնքի խորհուրդը վերջին ահաբեկչությունների և անկարգությունների առնչությամբ հայտարարություն է տարածել։ «Pars Today»–ը գրում է, որ կառույցն իր աջակցությունն է հայտնել իշխանություններին և կոչ արել միջոցներ ձեռնարկել երկրում կայունություն ապահովելու համար։
Նշվում է, որ Իրանում վերջերս տեղի ունեցած ահաբեկչական գործողություններն ու անկարգությունները, որոնք քաղաքացիների մահվան, ինչպես նաև հասարակական կարգի ու անվտանգության խախտման են հանգեցրել լուրջ մտահոգություն են առաջացրել նաև հայ համայնքում։
«Այս սուրբ հողի այլ կրոնների հետևորդների և ազգերի հետ միասին աջակցում ենք ԻԻՀ–ի իշխանություններին և պահանջում երկրում ապահովել կայուն անվտանգություն, պատասխանատվության ենթարկել հանցագործության մեղավորներին և հասարակության անվտանգությունը խախտողներին», – ասվում է հայտարարության տեքստում։
Իրանահայերը հիմնականում քաղաքաբնակներ են, ապրում են Թեհրանում, Սպահանում և նրա հարակից շրջաններում։
Նշենք, որ Իրանի տարածքում վերջին երկու ամիսների ընթացքում երկու ահաբեկչություն է տեղի ունեցել։ Հոկտեմբերի վերջում անհայտ անձինք կրակ էին բացել Իրանի հարավում գտնվող Շիրազ քաղաքի Շահ–Չերախ դամբարանի տարածքում։ Ահաբեկչական գործողությունների հետևանքով 13 մարդ էր զոհվել, ևս 45-ը` վիրավորվել։ Ավելի ուշ Իրանի տեղեկատվության և ազգային անվտանգության նախարարությունը հայտնեց, որ ահաբեկչության մասնակիցներ թվում Ադրբեջանի քաղաքացիներ կան։
Եվս մեկ ողբերգություն տեղի ունեցավ նոյեմբերի 16–ին Խուզեստան նահանգի Իզե քաղաքի շուկայում։ Անհայտ անձինք երկու մոտոցիկլետներով մոտեցել էին քաղաքացիների խմբի և կրակ բացել։ Կրակոցների հետևանքով զոհվել էր 5 մարդ, այդ թվում` երեխա և տարեց կին, ևս 10-ը` վիրավորվել։
