Ուրախ եմ, որ հենց Թուրքիայում կարողացել եմ չեմպիոնի տիտղոսը նվաճել. Մարիամ Մկրտչյան
17:55 17.11.2022 (Թարմացված է: 18:05 17.11.2022)
© Photo : official site of MESCS of RA Մարիամ Մկրտչյան
![Մարիամ Մկրտչյան Մարիամ Մկրտչյան - Sputnik Արմենիա, 1920, 17.11.2022](https://cdn.am.sputniknews.ru/img/07e6/0b/11/51426831_0:0:1600:901_1920x0_80_0_0_80d7df63b70d9c04cbe0ef0e9acb8097.jpg)
Մարիամ Մկրտչյան
© Photo : official site of MESCS of RA
Բաժանորդագրվել
Մարիամը պատմել է, որ շախմատով սկսել է զբաղվել 8 տարեկանից և խաղալ սովորել է դպրոցում։
ԵՐԵՎԱՆ, 17 նոյեմբերի – Sputnik. Հայաստանի շախմատի կանանց հավաքականի անդամ Մարիամ Մկրտչյանը հայտնել է, թե ուրախ է, որ հենց Թուրքիայում կարողացել է չեմպիոնի տիտղոսը նվաճել։ Թուրքիայի Անթալիա քաղաքում անցկացված Եվրոպայի պատանեկան առաջնության Մ18 տարեկանների մրցաշարում չեմպիոնի տիտղոսը նվաճած շախմատիստին այսօր ընդունել է ԿԳՄՍ նախարար Վահրամ Դումանյանը, տեղեկանում ենք նախարարության կայքից։
«Մինչև վերջին պահը չէի սպասում, որ հաղթող կճանաչվեմ»,–ասել է Մարիամը։
© Photo : official site of MESCS of RA Վահրամ Դումանյանն ընդունել է շախմատիստ Մարիամ Մկրտչյանին
![Министр ОНКС Ваграм Думанян принял члена женской сборной Армении по шахматам Мариам Мкртчян (17 ноября 2022). Еревaн Министр ОНКС Ваграм Думанян принял члена женской сборной Армении по шахматам Мариам Мкртчян (17 ноября 2022). Еревaн - Sputnik Արմենիա, 1920, 17.11.2022](https://cdn.am.sputniknews.ru/img/07e6/0b/11/51426809_0:0:1600:1066_1920x0_80_0_0_9cbafd7c53a1b35298d4daa538163038.jpg)
Վահրամ Դումանյանն ընդունել է շախմատիստ Մարիամ Մկրտչյանին
© Photo : official site of MESCS of RA
Նա պատմել է, որ շախմատով սկսել է զբաղվել 8 տարեկանից, խաղալ սովորել է դպրոցում. հենց այդ շրջանում շախմատը որպես առարկա ընդգրկվել էր դպրոցական ծրագրում: Նրա առաջին ուսուցիչն ու մարզիչը եղել է Սևակ Բաղդասարյանը` Երևանի թիվ 187 միջնակարգ դպրոցի «Շախմատ» առարկան դասավանդող մասնագետը: Նա նաև Մարիամի մարզիչն է եղել:
Դումանյանը կարևորել է շախմատի, և առհասարակ սպորտի ոլորտում պետական հոգածությունը՝ ընդգծելով, որ աջակցությունը շարունակական կլինի, որպեսզի արդյունքներն ավելանան:
© Photo : official site of MESCS of RA Վահրամ Դումանյանն ընդունել է շախմատիստ Մարիամ Մկրտչյանին
![Министр ОНКС Ваграм Думанян принял члена женской сборной Армении по шахматам Мариам Мкртчян (17 ноября 2022). Еревaн Министр ОНКС Ваграм Думанян принял члена женской сборной Армении по шахматам Мариам Мкртчян (17 ноября 2022). Еревaн - Sputnik Արմենիա, 1920, 17.11.2022](https://cdn.am.sputniknews.ru/img/07e6/0b/11/51426853_0:0:1600:1066_1920x0_80_0_0_0e6bf68dd340600d7831da8a75dc8166.jpg)
Վահրամ Դումանյանն ընդունել է շախմատիստ Մարիամ Մկրտչյանին
© Photo : official site of MESCS of RA
Նշենք, որ նոյեմբերի 28-ից դեկտեմբերի 8-ը Մարիամ Մկրտչյանը Ռուսաստանի Խանտի-Մանսիյսկ քաղաքում մասնակցելու է միջազգային մրցաշարի, իսկ դեկտեմբերի 25-30-ը ՀՀ հավաքականի կազմում կմասնակցի բլից և արագ շախմատի մեծահասակների աշխարհի թիմային առաջնությանը, որը կանցկացվի Ղազախստանում:
Մարիամ Մկրտչյանն այս տարվա սեպտեմբերին նվաճել էր նաև աշխարհի Մ18 տարեկանների չեմպիոնի կոչումը՝ հաղթելով բոլոր 11 պարտիաներում։
Հիշեցնենք՝ Անթալիայում օրերս տարիքային 6 խմբով անցկացված շախմատի Եվրոպայի պատանեկան առաջնությունում Հայաստանի ներկայացուցիչները 1 ոսկե և 3 բրոնզե մեդալ էին նվաճել: