https://arm.sputniknews.ru/20221110/transpvorti-veraberjal-nvor-kargavvorumic-ktuzhi-hamajnqy-eghiazarjany-lutsum-e-arajarkum-51132466.html
Տրանսպորտի վերաբերյալ նոր կարգավորումից կտուժի համայնքը. Եղիազարյանը լուծում է առաջարկում
Տրանսպորտի վերաբերյալ նոր կարգավորումից կտուժի համայնքը. Եղիազարյանը լուծում է առաջարկում
Sputnik Արմենիա
Ուղևորափոխադրողների միության նախագահը կարծում է, որ ուղեվճարը չպետք է ստանդարտ լինի։ 10.11.2022, Sputnik Արմենիա
2022-11-10T18:15+0400
2022-11-10T18:15+0400
2022-11-10T18:26+0400
ռադիո
հայաստան
տրանսպորտ
ուղեվարձ
պոդկաստ
https://cdn.am.sputniknews.ru/img/07e6/0b/0a/51133467_0:84:1601:984_1920x0_80_0_0_6b85da4c9ab488691db5ab76c23d8a53.jpg
Տրանսպորտի վերաբերյալ նոր կարգավորումից կտուժի համայնքը. Եղիազարյանը լուծում է առաջարկում
Sputnik Արմենիա
Տրանսպորտի վերաբերյալ նոր կարգավորումից կտուժի համայնքը. Եղիազարյանը լուծում է առաջարկում
Ներհամայնքային ուղևորափոխադրումների կարգավորումներում նոր փոփոխություններից կարող է տուժել համայնքը։ Sputnik Արմենիայի հետ զրույցում այս տեսակետը հայտնեց Ուղևորափոխադրողների միության նախագահ Հրանտ Եղիազարյանը։Ավելի վաղ հայտնել էինք, որ կառավարությունն առաջարկում է փոփոխություն անել «Ավտոմոբիլային տրանսպորտի մասին» օրենքում և ներհամայնքային երթուղիների սպասարկման կազմակերպման ընտրությունը կատարել ոչ միայն մրցույթով, այլև գնման ընթացակարգով։ Այդ դեպքում գնման գործընթացի հաղթող կճանաչվի երթուղու մեկ կիլոմետրի սպասարկման համար ամենացածր արժեք ներկայացրած կազմակերպությունը` ի տարբերություն գործող կարգավորումներով սահմանված մեկ ուղևորի տեղափոխման արժեքի։ Ուղևորների վճարած փոխադրավարձն ամբողջությամբ կփոխանցվի համայնքի բյուջե, և փոխադրող կազմակերպությունը համայնքից կստանա իր ծառայության ֆիքսված գնման գործընթացի շրջանակում սահմանված վճարը՝ անկախ փոխադրված ուղևորների քանակից:Ուղևորափոխադրողների միության նախագահի խոսքով` համայնքի համար խնդիր կարող է լինել կիլոմետրի համար արժեք սահմանելը, քանի որ գործիքակազմ չկա, թե ինչպես պետք է հաշվարկվի կիլոմետրի արժեքը։ Նա միաժամանակ կարծում է, որ փոփոխություններից հետո վարորդները կախում չեն ունենա ուղևորների քանակից։Նա խնդրի լուծման տարբերակ է առաջարկում` պետք է ստեղծել անկախ խումբ, որը կկատարի Ա կետից Բ կետ տեղափոխման գնահատում (որքան կարող է արժենալ ուղեվարձը), և ուղևորափոխադրման համար գումար սահմանվի։«Չի կարող ուղեվարձը ստանդարտ և կայուն լինել։ Երևանում 1996 թվականից ուղեվճարը չի փոխվել, այդ պատճառով ուղևորափոխադրման որակից տառապում է երևանցին։ Այդ վճարը պետք է լողացող լինի, և գինը, փոխարժեքով պայմանավորված, կարող է և՛ բարձրանալ, և՛ իջնել»,– նշեց մեր զրուցակիցը։Եղիազարյանը շեշտեց` ուղևորափոխադրումը, որը նույնպես սպասարկման ոլորտ է, պետք է պետության հոգածության շրջանակում լինի։Վերին Լարսում տիրող իրավիճակը կնվազեցնի ՌԴ արտահանման ծավալները. «Սպայկան» ահազանգում է
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, տրանսպորտ, ուղեվարձ, պոդկաստ, аудио
հայաստան, տրանսպորտ, ուղեվարձ, պոդկաստ, аудио
Տրանսպորտի վերաբերյալ նոր կարգավորումից կտուժի համայնքը. Եղիազարյանը լուծում է առաջարկում
18:15 10.11.2022 (Թարմացված է: 18:26 10.11.2022) Ուղևորափոխադրողների միության նախագահը կարծում է, որ ուղեվճարը չպետք է ստանդարտ լինի։
Ներհամայնքային ուղևորափոխադրումների կարգավորումներում նոր փոփոխություններից կարող է տուժել համայնքը։
Sputnik Արմենիայի հետ զրույցում այս տեսակետը հայտնեց Ուղևորափոխադրողների միության նախագահ Հրանտ Եղիազարյանը։
Ավելի վաղ
հայտնել էինք, որ կառավարությունն առաջարկում է փոփոխություն անել «Ավտոմոբիլային տրանսպորտի մասին» օրենքում և ներհամայնքային երթուղիների սպասարկման կազմակերպման ընտրությունը կատարել ոչ միայն մրցույթով, այլև գնման ընթացակարգով։ Այդ դեպքում գնման գործընթացի հաղթող կճանաչվի երթուղու մեկ կիլոմետրի սպասարկման համար ամենացածր արժեք ներկայացրած կազմակերպությունը` ի տարբերություն գործող կարգավորումներով սահմանված մեկ ուղևորի տեղափոխման արժեքի։ Ուղևորների վճարած փոխադրավարձն ամբողջությամբ կփոխանցվի համայնքի բյուջե, և փոխադրող կազմակերպությունը համայնքից կստանա իր ծառայության ֆիքսված գնման գործընթացի շրջանակում սահմանված վճարը՝ անկախ փոխադրված ուղևորների քանակից:
Ուղևորափոխադրողների միության նախագահի խոսքով` համայնքի համար խնդիր կարող է լինել կիլոմետրի համար արժեք սահմանելը, քանի որ գործիքակազմ չկա, թե ինչպես պետք է հաշվարկվի կիլոմետրի արժեքը։ Նա միաժամանակ կարծում է, որ փոփոխություններից հետո վարորդները կախում չեն ունենա ուղևորների քանակից։
«Գործող սակագներով էլ աշխատելու դեպքում տուժում է ուղևորափոխադրողը, քանի որ ուղեվճարը չի համապատասխանում ծառայությունների արժեքին։ Պետք է երթուղիների ուղեվարձը սահմանվի այնպես, որ դա ձեռնտու լինի ուղևորափոխադրողին։ Ինչ էլ փոխենք օրենքում, մի կարևոր խնդիր կա` հասույթը, որը պետք է համապատասխանեցվի ապրանքների և իրերի հետ, որ մենք գնում ենք փոխադրամիջոցների համար։ Մինչև չհավասարեցվի, ինչ մեթոդ էլ կիրառվի, իրեն չի արդարացնի», – Sputnik Արմենիայի հետ զրույցում ասաց Եղիազարյանը։
Նա խնդրի լուծման տարբերակ է առաջարկում` պետք է ստեղծել անկախ խումբ, որը կկատարի Ա կետից Բ կետ տեղափոխման գնահատում (որքան կարող է արժենալ ուղեվարձը), և ուղևորափոխադրման համար գումար սահմանվի։
«Չի կարող ուղեվարձը ստանդարտ և կայուն լինել։ Երևանում 1996 թվականից ուղեվճարը չի փոխվել, այդ պատճառով ուղևորափոխադրման որակից տառապում է երևանցին։ Այդ վճարը պետք է լողացող լինի, և գինը, փոխարժեքով պայմանավորված, կարող է և՛ բարձրանալ, և՛ իջնել»,– նշեց մեր զրուցակիցը։
Եղիազարյանը շեշտեց` ուղևորափոխադրումը, որը նույնպես սպասարկման ոլորտ է, պետք է պետության հոգածության շրջանակում լինի։
