https://arm.sputniknews.ru/20221110/hanrajin-transpvorty-krkin-kpvokhancvi-masnavvor-ynkerutjunnerin-51097885.html
Հանրային տրանսպորտը կրկին կփոխանցվի մասնավոր ընկերություններին
Հանրային տրանսպորտը կրկին կփոխանցվի մասնավոր ընկերություններին
Sputnik Արմենիա
Օրենքի ընդունման դեպքում այն կտարածվի ոչ միայն մարզային, այլև երևանյան տրանսպորտի վրա։ 10.11.2022, Sputnik Արմենիա
2022-11-10T11:50+0400
2022-11-10T11:50+0400
2022-11-10T17:16+0400
հհ կառավարություն
տրանսպորտ
հայաստան
երևան
մարզ
https://cdn.am.sputniknews.ru/img/2272/38/22723893_0:0:2560:1441_1920x0_80_0_0_873b360d7de9d75364db6f4b2f9fc688.jpg
ԵՐԵՎԱՆ, 10 նոյեմբերի – Sputnik. Կառավարությունը վերանայում է ներհամայնքային կանոնավոր ուղևորափոխադրումների գործող կարգավորումները` ոլորտի կառավարումը հանձնելով մասնավոր կազմակերպություններին։Համապատասխան որոշումն ընդունվել է կառավարության այսօրվա նիստում։Այս կարգավորումներով համայնքների կողմից կազմակերպվող մրցույթները չեն կայանում հայտերի բացակայության պատճառով, և համայնքները փաստացի մնում են առանց տրասնպորտային սպասարկման։5 տարում ոչինչ չի փոխվել. ինչու նոր միկրոավտոբուսները չլուծեցին Գյումրու տրանսպորտի խնդիրըԽնդրի լուծման համար կառավարությունն առաջարկում է փոփոխել գործող օրենքն ու ներհամայնքային երթուղիների սպասարկման կազմակերպման ընտրությունը կատարել ոչ միայն մրցույթով, այլև գնման ընթացակարգով։Ուղևորների վճարած փոխադրավարձը, նոր կարգով, ամբողջությամբ վճարվելու է համայնքի բյուջե, և փոխադրող կազմակերպությունը համայնքից ստանալու է իր ծառայության ֆիքսված գնման գործընթացի շրջանակներում սահմանված վճարը՝ անկախ փոխադրված ուղևորների քանակից: Պայմանագիրը կնքվելու է 5-10 տարի ժամկետով, տրանսպորտային միջոցների տարիքը չպիտի գերազանցի 10 տարին։Առաջարկվում է կանոնակարգել նաև 100 տոկոս համայնքային մասնակցությամբ կազմակերպությունների կողմից ներհամայնքային կանոնավոր ուղևորափոխադրումների սպասարկման պահանջը և նման իրավունք վերապահել ցանկացած կազմակերպության կամ անհատ ձեռնարկատիրոջ։Քաղաքային տրանսպորտը մինչև գարուն 90 տոկոսով նորացված կլինի. Երևանի քաղաքապետարանՕրենքի փոփոխությունների ընդունման արդյունքում, կառավարության համոզմամբ, կբարձրանա կանոնավոր ուղևորափոխադրումների որակն ու արդյունավետությունը։ Իսկ յուրաքանչյուր կիլոմետրի համար ֆիքսված վճար ստանալով` փոխադրողն այլևս շահագրգիռ չի լինելու տեղափոխել թույլատրելի քանակից ավել ուղևորներ, կայանել կանգառից դուրս կամ կատարել այլ խախտումներ: Համայնքի ավագանին իր հերթին հնարավորություն կունենա սահմանել արտոնություններ որոշ ուղևորների համար (ըստ սոցիալական խմբերի), ինքնուրույն որոշել ուղեվարձի չափը։Նշենք, որ օրենքի փոփոխության ընդունման դեպքում այն կտարածվի ոչ միայն մարզային, այլև երևանյան տրանսպորտի վրա։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հհ կառավարություն, տրանսպորտ, հայաստան, երևան, մարզ
հհ կառավարություն, տրանսպորտ, հայաստան, երևան, մարզ
Հանրային տրանսպորտը կրկին կփոխանցվի մասնավոր ընկերություններին
11:50 10.11.2022 (Թարմացված է: 17:16 10.11.2022) Օրենքի ընդունման դեպքում այն կտարածվի ոչ միայն մարզային, այլև երևանյան տրանսպորտի վրա։
ԵՐԵՎԱՆ, 10 նոյեմբերի – Sputnik. Կառավարությունը վերանայում է ներհամայնքային կանոնավոր ուղևորափոխադրումների գործող կարգավորումները` ոլորտի կառավարումը հանձնելով մասնավոր կազմակերպություններին։
Համապատասխան որոշումն ընդունվել է կառավարության այսօրվա նիստում։
«Ավտոմոբիլային տրանսպորտի մասին» գործող օրենքով սահմանված է, որ օպերատորը 100 տոկոս համայնքային կազմակերպություն է, իսկ երթուղիների սպասարկման իրավունքը կազմակերպություններին տրամադրվում է միայն մրցույթով:
Այս կարգավորումներով համայնքների կողմից կազմակերպվող մրցույթները չեն կայանում հայտերի բացակայության պատճառով, և համայնքները փաստացի մնում են առանց տրասնպորտային սպասարկման։
Խնդրի լուծման համար կառավարությունն առաջարկում է փոփոխել գործող օրենքն ու ներհամայնքային երթուղիների սպասարկման կազմակերպման ընտրությունը կատարել ոչ միայն մրցույթով, այլև գնման ընթացակարգով։
«Այս դեպքում գնման գործընթացի հաղթող կճանաչվի երթուղու մեկ կիլոմետրի սպասարկման համար ամենացածր արժեք ներկայացրած կազմակերպությունը, ի տարբերություն գործող կարգավորումներով սահմանված մեկ ուղևորի տեղափոխման արժեքի»,– ասված է որոշման նախագծում։
Ուղևորների վճարած փոխադրավարձը, նոր կարգով, ամբողջությամբ վճարվելու է համայնքի բյուջե, և փոխադրող կազմակերպությունը համայնքից ստանալու է իր ծառայության ֆիքսված գնման գործընթացի շրջանակներում սահմանված վճարը՝ անկախ փոխադրված ուղևորների քանակից: Պայմանագիրը կնքվելու է 5-10 տարի ժամկետով, տրանսպորտային միջոցների տարիքը չպիտի գերազանցի 10 տարին։
Առաջարկվում է կանոնակարգել նաև 100 տոկոս համայնքային մասնակցությամբ կազմակերպությունների կողմից ներհամայնքային կանոնավոր ուղևորափոխադրումների սպասարկման պահանջը և նման իրավունք վերապահել ցանկացած կազմակերպության կամ անհատ ձեռնարկատիրոջ։
Օրենքի փոփոխությունների ընդունման արդյունքում, կառավարության համոզմամբ, կբարձրանա կանոնավոր ուղևորափոխադրումների որակն ու արդյունավետությունը։ Իսկ յուրաքանչյուր կիլոմետրի համար ֆիքսված վճար ստանալով` փոխադրողն այլևս շահագրգիռ չի լինելու տեղափոխել թույլատրելի քանակից ավել ուղևորներ, կայանել կանգառից դուրս կամ կատարել այլ խախտումներ: Համայնքի ավագանին իր հերթին հնարավորություն կունենա սահմանել արտոնություններ որոշ ուղևորների համար (ըստ սոցիալական խմբերի), ինքնուրույն որոշել ուղեվարձի չափը։
Նշենք, որ օրենքի փոփոխության ընդունման դեպքում այն կտարածվի ոչ միայն մարզային, այլև երևանյան տրանսպորտի վրա։
