https://arm.sputniknews.ru/20221107/datakhazutjuny-pahanjum-e-sil-plazaji-sepakanutjan-iravunqic-zrkel-suqiasjanin-50949320.html
Դատախազությունը պահանջում է «Սիլ Պլազայի» սեփականության իրավունքից զրկել Սուքիասյանին
Դատախազությունը պահանջում է «Սիլ Պլազայի» սեփականության իրավունքից զրկել Սուքիասյանին
Sputnik Արմենիա
Հայաստանի վարչական դատարանի դատավոր Անի Հարությունյանի որոշմամբ` հոկտեմբերի 28–ին հայցադիմումն ընդունվել է վարույթ: 07.11.2022, Sputnik Արմենիա
2022-11-07T11:16+0400
2022-11-07T11:16+0400
2022-11-07T14:47+0400
խաչատուր սուքիասյան
հհ դատախազություն
քրեական գործ
https://cdn.am.sputniknews.ru/img/07e6/03/0d/39712049_0:0:1600:901_1920x0_80_0_0_644b4ad9c77fdccdff5e06e46ba6dcdc.jpg
ԵՐԵՎԱՆ, 7 նոյեմբերի – Sputnik. ՀՀ դատախազությունը հայց է հարուցել վարչական դատարան` վիճարկելու համար Երևանի կենտրոնում գտնվող բիզնես կենտրոնի («Սիլ պլազա» - խմբ.) սեփականաշնորհման օրինականությունը։ Տեղեկությունը Sputnik Արմենիային հայտնեցին դատախազության լրատվական ծառայությունից։Դատախազությունից հայտնում են, որ պետական շահերի պաշտպանության վարչությունում ուսումնասիրություն է նախաձեռնվել «Հետքի» «$ 5655. սեփականաշնորհում «ջրի գնով»» վերտառությամբ հրապարակման հիման վրա։Հիշեցնենք` «Հետքը» դեռ նախորդ տարի գրել էր, որ «Սիլ պլազայի» շենքը «Քաղաքացիական պայմանագիր» խմբակցության պատգամավոր Խաչատուր Սուքիասյանը սեփականաշնորհել է 5655 դոլարով (1995 թվականին), իսկ սեփականաշնորհման որոշումը կայացրել է Երևանի քաղաքային խորհրդի գործկոմի նախագահ Վահագն Խաչատուրյանի օրոք, որն այսօր զբաղեցնում է ՀՀ նախագահի պաշտոնը։Հայաստանի վարչական դատարանի դատավոր Անի Հարությունյանի որոշմամբ` հոկտեմբերի 28–ին հայցադիմումն ընդունվել է վարույթ:Նույն օրը մեկ այլ որոշմամբ բավարարվել է հայցի ապահովում կիրառելու մասին հայցվոր Հայաստանի գլխավոր դատախազության միջնորդությունը՝ Հայաստանի կադաստրի կոմիտեին վիճելի հասցեների անշարժ գույքերի նկատմամբ իրավունքի պետական գրանցում կատարելու վերաբերյալ: Խաչատուր Սուքիասյանը դեմ է, որ իր թիմակից Տիգրան Ավինյանը Երևանի քաղաքապետ դառնա«ԴԱՀԿ ծառայության Երևան քաղաքի Կենտրոն, Նորք-Մարաշ, Էրեբունի-Նուբարաշեն վարչական շրջանների բաժնի ավագ հարկադիր կատարողը հոկտեմբերի 28-ին որոշում է կայացրել արգելել կադաստրի կոմիտեին Երևան քաղաքի Արամի 3 և 5 հասցեների անշարժ գույքերի նկատմամբ իրավունքի պետական գրանցում կատարելը»,– հայտնում են դատախազությունից:Նույն ուսումնասիրության արդյունքներով հարուցվել է նաև քրեական գործ:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
խաչատուր սուքիասյան, հհ դատախազություն, քրեական գործ
խաչատուր սուքիասյան, հհ դատախազություն, քրեական գործ
Դատախազությունը պահանջում է «Սիլ Պլազայի» սեփականության իրավունքից զրկել Սուքիասյանին
11:16 07.11.2022 (Թարմացված է: 14:47 07.11.2022) Հայաստանի վարչական դատարանի դատավոր Անի Հարությունյանի որոշմամբ` հոկտեմբերի 28–ին հայցադիմումն ընդունվել է վարույթ:
ԵՐԵՎԱՆ, 7 նոյեմբերի – Sputnik. ՀՀ դատախազությունը հայց է հարուցել վարչական դատարան` վիճարկելու համար Երևանի կենտրոնում գտնվող բիզնես կենտրոնի («Սիլ պլազա» - խմբ.) սեփականաշնորհման օրինականությունը։ Տեղեկությունը
Sputnik Արմենիային հայտնեցին դատախազության լրատվական ծառայությունից։
Դատախազությունից հայտնում են, որ պետական շահերի պաշտպանության վարչությունում ուսումնասիրություն է նախաձեռնվել
«Հետքի» «$ 5655. սեփականաշնորհում «ջրի գնով»» վերտառությամբ հրապարակման հիման վրա։
Հիշեցնենք` «Հետքը» դեռ նախորդ տարի գրել էր, որ «Սիլ պլազայի» շենքը «Քաղաքացիական պայմանագիր» խմբակցության պատգամավոր Խաչատուր Սուքիասյանը սեփականաշնորհել է 5655 դոլարով (1995 թվականին), իսկ սեփականաշնորհման որոշումը կայացրել է Երևանի քաղաքային խորհրդի գործկոմի նախագահ Վահագն Խաչատուրյանի օրոք, որն այսօր զբաղեցնում է ՀՀ նախագահի պաշտոնը։
«Հայց է հարուցվել ՀՀ վարչական դատարան՝ Երքաղխորհրդի գործկոմի և «Աստղիկ-1» կոոպերատիվի միջև Երևան քաղաքի Արամի փող. 3 և 5 հասցեների անշարժ գույքի օտարման իրավահարաբերության բացակայությունը ճանաչելու և որպես հետևանք իրավունքի պետական գրանցումները և սեղանամատյանի գրառումներն անվավեր ճանաչելու պահանջներով»,– ասացին դատախազության լրատվական ծառայությունից:
Հայաստանի վարչական դատարանի դատավոր Անի Հարությունյանի որոշմամբ` հոկտեմբերի 28–ին հայցադիմումն ընդունվել է վարույթ:
Նույն օրը մեկ այլ որոշմամբ բավարարվել է հայցի ապահովում կիրառելու մասին հայցվոր Հայաստանի գլխավոր դատախազության միջնորդությունը՝ Հայաստանի կադաստրի կոմիտեին վիճելի հասցեների անշարժ գույքերի նկատմամբ իրավունքի պետական գրանցում կատարելու վերաբերյալ:
«ԴԱՀԿ ծառայության Երևան քաղաքի Կենտրոն, Նորք-Մարաշ, Էրեբունի-Նուբարաշեն վարչական շրջանների բաժնի ավագ հարկադիր կատարողը հոկտեմբերի 28-ին որոշում է կայացրել արգելել կադաստրի կոմիտեին Երևան քաղաքի Արամի 3 և 5 հասցեների անշարժ գույքերի նկատմամբ իրավունքի պետական գրանցում կատարելը»,– հայտնում են դատախազությունից:
Նույն ուսումնասիրության արդյունքներով հարուցվել է նաև քրեական գործ:
