https://arm.sputniknews.ru/20221105/hhn-chpetq-e-hajtnvi-rusastan-arevmutq-bakhman-kizaketum-ynddimutjan-hajtararutjuny-50926403.html
ՀՀ–ն չպետք է հայտնվի Ռուսաստան-Արևմուտք բախման կիզակետում. ընդդիմության հայտարարությունը
ՀՀ–ն չպետք է հայտնվի Ռուսաստան-Արևմուտք բախման կիզակետում. ընդդիմության հայտարարությունը
Sputnik Արմենիա
«Դիմադրություն» շարժումն առաջարկում է, որ Հայաստանը միջազգային հարաբերություններում հանդես գա նոր բանակցողով։ 05.11.2022, Sputnik Արմենիա
2022-11-05T19:35+0400
2022-11-05T19:35+0400
2022-11-05T20:27+0400
ընդդիմություն
հանրահավաք
արցախ
հայաստան
հայտարարություն
https://cdn.am.sputniknews.ru/img/07e6/0b/05/50925978_0:83:1600:983_1920x0_80_0_0_ce5a9d4ed4b285592d80cf47eebbd178.jpg
ԵՐԵՎԱՆ, 5 նոյեմբերի – Sputnik. Մենք կողմ ենք հայ-թուրքական, հայ-ադրբեջանական հարաբերությունների կարգավորմանը, բայց առանց նախապայմանների, ուժի կիրառման կամ դրա սպառնալիքի։ Այս մասին ասված է Ֆրանսիայի հրապարակում ընթացող հանրահավաքի ավարտին «Դիմադրություն» շարժման ներկայացրած հայտարարությունում։Նշենք, որ հայտարարությունը Ֆրանսիայի հրապարակում ընթերցում էր Երևանի պետական համալսարանի պրոֆեսոր Գուրգեն Մելիքյանը։Սո՛ւտ է սրանց խոստացած խաղաղությունը. Սաղաթելյանն ասաց` ինչ են անելու երթից հետոՀայտարարության մեջ նշված է, որ Արցախը չի կարող լինել Ադրբեջանի կազմում, իսկ «Զանգեզուրի միջանցքի» թուրք-ադրբեջանական պահանջը չունի որևէ իրավական հիմք։Ընդդիմության ներկայացուցիչները վստահ են, որ այսօրվա բանակցությունները հակասում են միջազգային իրավունքի սկզբունքներին, քանի որ ընթանում են Ադրբեջանի կողմից ուժի կիրառման և դրա սպառնալիքի պայմաններում։ Այսպիսով նրանք առաջարկում են, որ Հայաստանը միջազգային հարաբերություններում հանդես գա նոր բանակցողով։Հիշեցնենք` Երևանի Ֆրանսիայի հրապարակում այսօր ընդդիմությունը հանրահավաք էր կազմակերպել, որն անցկացվեց «Տե՛ր եմ քեզ, ի՛մ Արցախ» կարգախոսի ներքո։
https://arm.sputniknews.ru/20221105/arcakhy-erbeq-chi-linelu-tshnamakan-terutjunneri-kazmum-bagrat-episkvopvos-galstanjan-50911210.html
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ընդդիմություն, հանրահավաք, արցախ, հայաստան, հայտարարություն
ընդդիմություն, հանրահավաք, արցախ, հայաստան, հայտարարություն
ՀՀ–ն չպետք է հայտնվի Ռուսաստան-Արևմուտք բախման կիզակետում. ընդդիմության հայտարարությունը
19:35 05.11.2022 (Թարմացված է: 20:27 05.11.2022) «Դիմադրություն» շարժումն առաջարկում է, որ Հայաստանը միջազգային հարաբերություններում հանդես գա նոր բանակցողով։
ԵՐԵՎԱՆ, 5 նոյեմբերի – Sputnik. Մենք կողմ ենք հայ-թուրքական, հայ-ադրբեջանական հարաբերությունների կարգավորմանը, բայց առանց նախապայմանների, ուժի կիրառման կամ դրա սպառնալիքի։ Այս մասին ասված է Ֆրանսիայի հրապարակում ընթացող հանրահավաքի ավարտին «Դիմադրություն» շարժման ներկայացրած հայտարարությունում։
«Հայաստանը չպետք է հայտնվի Ռուսաստան-Արևմուտք բախման կիզակետում։ Արտաքին կողմնորոշումների քաղաքականությունը Ղարաբաղյան հակամարտության կարգավորման հիմքում դնելը խիստ վտանգավոր է և անընդունելի»,– ասված է հայտարարությունում։
Նշենք, որ հայտարարությունը Ֆրանսիայի հրապարակում ընթերցում էր Երևանի պետական համալսարանի պրոֆեսոր Գուրգեն Մելիքյանը։
Հայտարարության մեջ նշված է, որ Արցախը չի կարող լինել Ադրբեջանի կազմում, իսկ «Զանգեզուրի միջանցքի» թուրք-ադրբեջանական պահանջը չունի որևէ իրավական հիմք։
«Հայաստանի օրվա իշխանությունների վարած քաղաքականությունը վտանգում է Հայաստանի ինքնիշխանությունը, տարածքային ամբողջականությունը, ՀՀ անկախության հռչակագրում ամրագրված դրույթների կյանքի կոչումը, սպառնում է հայկական Արցախի գոյությանը, արցախահայերի անօտարելի իրավունքների իրացմանը, մեր երկիրը ներքաշում է աշխարհաքաղաքական արկածախնդրության, փչացնում մեր հարաբերությունները դաշնակից ու բարեկամ երկրների հետ, բերում է նոր պատերազմ, կորուստներ և կապիտուլյացիա»,– հայտարարեց Մելիքյանը` մեջբերելով ընդդիմության հայտարարությունը։
Ընդդիմության ներկայացուցիչները վստահ են, որ այսօրվա բանակցությունները հակասում են միջազգային իրավունքի սկզբունքներին, քանի որ ընթանում են Ադրբեջանի կողմից ուժի կիրառման և դրա սպառնալիքի պայմաններում։ Այսպիսով նրանք առաջարկում են, որ Հայաստանը միջազգային հարաբերություններում հանդես գա նոր բանակցողով։
Հիշեցնենք` Երևանի Ֆրանսիայի հրապարակում այսօր ընդդիմությունը հանրահավաք էր կազմակերպել, որն անցկացվեց «Տե՛ր եմ քեզ, ի՛մ Արցախ» կարգախոսի ներքո։
