ՀՀ ԱԳՆ–ն ցավակցություններ է հայտնել Սեուլում տեղի ունեցած ողբերգության կապակցությամբ
11:38 30.10.2022 (Թարմացված է: 11:44 30.10.2022)
© AP Photo / Lee Jin-manՀելոուինին նվիրված միջոցառումների ժամանակ տեղի ունեցած հրմշտոցի հետևանքով առնվազն 151 մարդ է զոհվել։
![Հելոուինին նվիրված միջոցառումների ժամանակ տեղի ունեցած հրմշտոցի հետևանքով առնվազն 151 մարդ է զոհվել։ Հելոուինին նվիրված միջոցառումների ժամանակ տեղի ունեցած հրմշտոցի հետևանքով առնվազն 151 մարդ է զոհվել։ - Sputnik Արմենիա, 1920, 30.10.2022](https://cdn.am.sputniknews.ru/img/07e6/0a/1e/50600490_0:0:1601:901_1920x0_80_0_0_35563568baab8384c9e4c921bc3331f5.jpg)
Հելոուինին նվիրված միջոցառումների ժամանակ տեղի ունեցած հրմշտոցի հետևանքով առնվազն 151 մարդ է զոհվել։
© AP Photo / Lee Jin-man
Բաժանորդագրվել
Հարավային Կորեայի նախագահ Յուն Սոկ Յոլը մինչև նոյեմբերի 5-ը ներառյալ ազգային սուգ է հայտարարել։
ԵՐԵՎԱՆ, 30 հոկտեմբերի – Sputnik. ՀՀ արտաքին գործերի նախարարությունը ցավակցություններ է հայտնել Հարավային Կորեայի մայրաքաղաք Սեուլի Իթհեվոն շրջանում հրմշտոցի ժամանակ տեղի ունեցած ողբերգության կապակցությամբ։
Այս մասին Twitter-ում գրել է ԱԳՆ մամուլի խոսնակ Վահան Հունանյանը։
«Մենք ցնցված ենք Սեուլի ողբերգական լուրերից։ Մեր խորին ցավակցությունն ենք հայտնում բոլոր նրանց, ովքեր կորցրել են սիրելի անձանց։ Տուժածներին շուտափույթ ապաքինում ենք մաղթում»,– գրել է Հունանյանը։
We are shocked by the tragic news of a deadly stampede from #Seoul. Our deepest condolences to all those who lost loved ones and wishes of swift recovery for those injured. @MOFAkr_eng
— Spokesperson of MFA of Armenia (@ArmSpoxMFA) October 30, 2022
Հիշեցնենք, որ Հելոուինին նվիրված միջոցառումների ժամանակ տեղի ունեցած հրմշտոցի հետևանքով առնվազն 151 մարդ է զոհվել, ևս 82-ը վնասվածքներ են ստացել։ Զոհերի թվում 22 օտարերկրացի կա, այդ թվում ՌԴ 3 քաղաքացի։ Անհետ կորած է համարվում 350 մարդ։
Հարավային Կորեայի նախագահ Յուն Սոկ Յոլը ողբերգության կապակցությամբ մինչև նոյեմբերի 5-ը ներառյալ ազգային սուգ է հայտարարել։