https://arm.sputniknews.ru/20221021/zartughi-kerpov-varordakan-vkajakan-stanaly-hamakargajin-korupciaji-drsevorum-e--50209482.html
Զարտուղի կերպով վարորդական վկայական ստանալը համակարգային կոռուպցիայի դրսևորում է
Զարտուղի կերպով վարորդական վկայական ստանալը համակարգային կոռուպցիայի դրսևորում է
Sputnik Արմենիա
Ճանապարհային ոստիկանության նախկին տեսուչ Սմբատ Արսենյանը Sputnik Արմենիայի եթերում անդրադարձել է ապօրինի ճանապարհով վարորդական վկայական ձեռք բերելու երևույթին։ 21.10.2022, Sputnik Արմենիա
2022-10-21T19:39+0400
2022-10-21T19:39+0400
2022-10-21T22:33+0400
վարորդական իրավունք
կաշառք
ճանապարհային ոստիկանություն(ճո)
ռադիո
պոդկաստ
https://cdn.am.sputniknews.ru/img/07e6/0a/15/50209703_0:158:1600:1058_1920x0_80_0_0_ad5aca79e1384beb420dae0ce09cda41.jpg
Քաղաքացիներն էլ իրենց պահվածքով ունեն մեղքի բաժին, երբ տեսուչներին դրդում են կաշառակերության
Sputnik Արմենիա
Քաղաքացիներն էլ իրենց պահվածքով ունեն մեղքի բաժին, երբ տեսուչներին դրդում են կաշառակերության
Զարտուղի կերպով վարորդական իրավունք ստանալը համակարգային կոռուպցիայի դրսևորում է։ Sputnik Արմենիայի հետ զրույցում նման կարծիք հայտնեց Ճանապարհային ոստիկանության նախկին տեսուչ Սմբատ Արսենյանը։ Հակակոռուպցիոն դատարանը 28 անձի վերաբերյալ կայացրել է մեղադրական դատավճիռ՝ կաշառքի դիմաց վարորդական իրավունքի վկայականներն ապօրինի ձեռք բերելու համար: Գլխավոր դատախազությունն էլ դիմելու է ոստիկանություն՝ քաղաքացիների կողմից ապօրինի ձեռք բերված վարորդական իրավունքի վկայականներն անվավեր ճանաչելու միջնորդությամբ։ Այս տարի միայն Երևանում վարորդական իրավունքից զրկվել է 1727 քաղաքացի«Տվյալ ապօրինության պատճառները տարբեր են` արհեստական հերթեր, բավարար գիտելիքների պակաս, ՃՈ պատասխանատու աշխատակիցների գաղթակղություն, վերադասի կողմից պատշաճ վերահսկողության բացակայություն։ Երբ տեսուչն է վարորդից կաշառք պահանջում, ապա նա սովորաբար ունենում է հովանավորչություն, ցուցումներ է ստանում վերադասից, տեսուչն առյուծի կաթ չի խմել, որ ինքնուրույն գործի, թեև չեն բացառվում նաև նման դեպքեր, սակայն դրանք խիստ հազվադեպ են»,– ասաց ՃՈ նախկին տեսուչը։Արսենյանի կարծիքով` երբ ներկայացնում են կոռուպցիոն հանցագործությունների դեպքեր` շարքային աշխատակիցների վրա դնելով ծանր հոդվածներ, գուցե տպավորություն ստեղծվի, թե գործ ունենք կոնկրետ անհատների հետ, բայց իրականում նրանք քավության նոխազ են, արատավոր համակարգի մի մասը, և նրանց պատասխանատվության ենթարկելուց հետո համակարգը մնում է անփոփոխ։Մեր զրուցակիցը չի կիսում երկրի ղեկավարի այն տեսակետը, թե ճանապարհային տեսուչը կամ պարեկը կարող է բարձրագույն կրթություն չունենալ։ Նրա պնդմամբ` աշխատանքին անլուրջ վերաբերմունք է ցուցաբերվում նաև վարորդական իրավունքի գրանցման ու ստացման քննական բաժանմունքներում, որտեղ կան ցածորակ աշխատակիցներ, ովքեր այդտեղ աշխատանքի են անցնում միջնորդությամբ։ «Եթե մարդը ոչ բավարար գիտելիքներով և հովանավորչությամբ գնում է ինչ–որ տեղ աշխատելու, արդյունքում ստացվում է մի իրավիճակ, երբ նա վաճառում է վարորդական վկայականը ճիշտ այնպես, ինչպես իրեն են վաճառում իր աշխատատեղը, հետևաբար նա ձգտելու է այնպես անել, որ մի քանի անգամ ավել այդ գումարը հետ բերի։ Քաղաքացիներն էլ ունեն իրենց մեղքի բաժինը, որովհետև իրենց պահվածքով և որոշ վերադաս ոստիկանների թողտվության պատճառով տեսուչներին դրդում են նման քայլի` փորձելով խուսափել հերթերից, քննություն հանձնելուց»,– նշեց Արսենյանը։ Նրա համոզմամբ` երթևեկության և անվտանգության ապահովման կանոններին պետք է ծանոթանալ հանրակրթական դպրոցից, հիմքը պետք է դրվի հենց սկզբից։ Բավարար գիտելիքների դեպքում քաղաքացիներն ավելի հեշտ կհանձնեն վկայական ստանալու քննությունը և չեն դիմի անօրինական միջոցների։ Վարորդական իրավունք տալու համար երևանցի տղամարդը 3 մլն դրամից ավելի կաշառք է վերցրել. ՔԿՀիշեցնենք, որ Ազգային անվտանգության ծառայության քննչական դեպարտամենտում հարուցված և Հակակոռուպցիոն կոմիտեում քննված քրեական գործով քաղաքացիներին մեղադրանք էր առաջադրվել այն բանի համար, որ նրանք օժանդակողի միջոցով Ճանապարհային ոստիկանության Երևանի հաշվառման-քննական բաժնի վարորդական իրավունքի վկայականների հատկացման բաժանմունքի տեսուչին ընդհանուր առմամաբ մոտ 3 մլն դրամ կաշառք են տվել` ապօրինի ձեռք բերելով վարորդական իրավունքի վկայականներ։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
վարորդական իրավունք, կաշառք, ճանապարհային ոստիկանություն(ճո), аудио, պոդկաստ
վարորդական իրավունք, կաշառք, ճանապարհային ոստիկանություն(ճո), аудио, պոդկաստ
Զարտուղի կերպով վարորդական վկայական ստանալը համակարգային կոռուպցիայի դրսևորում է
19:39 21.10.2022 (Թարմացված է: 22:33 21.10.2022) Ճանապարհային ոստիկանության նախկին տեսուչ Սմբատ Արսենյանը Sputnik Արմենիայի եթերում անդրադարձել է ապօրինի ճանապարհով վարորդական վկայական ձեռք բերելու երևույթին։
Զարտուղի կերպով վարորդական իրավունք ստանալը համակարգային կոռուպցիայի դրսևորում է։
Sputnik Արմենիայի հետ զրույցում նման կարծիք հայտնեց Ճանապարհային ոստիկանության նախկին տեսուչ Սմբատ Արսենյանը։
Հակակոռուպցիոն դատարանը 28 անձի վերաբերյալ կայացրել է մեղադրական դատավճիռ՝ կաշառքի դիմաց վարորդական իրավունքի վկայականներն ապօրինի ձեռք բերելու համար: Գլխավոր դատախազությունն էլ դիմելու է ոստիկանություն՝ քաղաքացիների կողմից ապօրինի ձեռք բերված վարորդական իրավունքի վկայականներն անվավեր ճանաչելու միջնորդությամբ։
«Տվյալ ապօրինության պատճառները տարբեր են` արհեստական հերթեր, բավարար գիտելիքների պակաս, ՃՈ պատասխանատու աշխատակիցների գաղթակղություն, վերադասի կողմից պատշաճ վերահսկողության բացակայություն։ Երբ տեսուչն է վարորդից կաշառք պահանջում, ապա նա սովորաբար ունենում է հովանավորչություն, ցուցումներ է ստանում վերադասից, տեսուչն առյուծի կաթ չի խմել, որ ինքնուրույն գործի, թեև չեն բացառվում նաև նման դեպքեր, սակայն դրանք խիստ հազվադեպ են»,– ասաց ՃՈ նախկին տեսուչը։
Արսենյանի կարծիքով` երբ ներկայացնում են կոռուպցիոն հանցագործությունների դեպքեր` շարքային աշխատակիցների վրա դնելով ծանր հոդվածներ, գուցե տպավորություն ստեղծվի, թե գործ ունենք կոնկրետ անհատների հետ, բայց իրականում նրանք քավության նոխազ են, արատավոր համակարգի մի մասը, և նրանց պատասխանատվության ենթարկելուց հետո համակարգը մնում է անփոփոխ։
«Ոչ թե չեն կարողանում համակարգային կոռուպցիայի վերջը տալ, այլ պարզապես չեն ցանկանում դա անել։ Այսօր ունենք կոռուպցիոն հանցագործությունները քննող մի քանի մարմին, սակայն նրանց աշխատանքն արդյունք չի տալիս, որովհետև առկա է համակարգային կոռուպցիա։ Խնդիրը և՛ քաղաքացիների, և՛ ճանապարհային տեսուչների, և՛ պետության դաշտում է»,– ասաց Արսենյանը։
Մեր զրուցակիցը չի կիսում երկրի ղեկավարի այն տեսակետը, թե ճանապարհային տեսուչը կամ պարեկը կարող է բարձրագույն կրթություն չունենալ։ Նրա պնդմամբ` աշխատանքին անլուրջ վերաբերմունք է ցուցաբերվում նաև վարորդական իրավունքի գրանցման ու ստացման քննական բաժանմունքներում, որտեղ կան ցածորակ աշխատակիցներ, ովքեր այդտեղ աշխատանքի են անցնում միջնորդությամբ։
«Եթե մարդը ոչ բավարար գիտելիքներով և հովանավորչությամբ գնում է ինչ–որ տեղ աշխատելու, արդյունքում ստացվում է մի իրավիճակ, երբ նա վաճառում է վարորդական վկայականը ճիշտ այնպես, ինչպես իրեն են վաճառում իր աշխատատեղը, հետևաբար նա ձգտելու է այնպես անել, որ մի քանի անգամ ավել այդ գումարը հետ բերի։ Քաղաքացիներն էլ ունեն իրենց մեղքի բաժինը, որովհետև իրենց պահվածքով և որոշ վերադաս ոստիկանների թողտվության պատճառով տեսուչներին դրդում են նման քայլի` փորձելով խուսափել հերթերից, քննություն հանձնելուց»,– նշեց Արսենյանը։
Նրա համոզմամբ` երթևեկության և անվտանգության ապահովման կանոններին պետք է ծանոթանալ հանրակրթական դպրոցից, հիմքը պետք է դրվի հենց սկզբից։ Բավարար գիտելիքների դեպքում քաղաքացիներն ավելի հեշտ կհանձնեն վկայական ստանալու քննությունը և չեն դիմի անօրինական միջոցների։
Հիշեցնենք, որ Ազգային անվտանգության ծառայության քննչական դեպարտամենտում հարուցված և Հակակոռուպցիոն կոմիտեում քննված քրեական գործով քաղաքացիներին մեղադրանք էր առաջադրվել այն բանի համար, որ նրանք օժանդակողի միջոցով Ճանապարհային ոստիկանության Երևանի հաշվառման-քննական բաժնի վարորդական իրավունքի վկայականների հատկացման բաժանմունքի տեսուչին ընդհանուր առմամաբ մոտ 3 մլն դրամ կաշառք են տվել` ապօրինի ձեռք բերելով վարորդական իրավունքի վկայականներ։
