Կալանավորվել է դատավոր Արուսյակ Ալեքսանյանի օգնականը
17:43 21.10.2022 (Թարմացված է: 17:46 21.10.2022)
![Կալանավայր Կալանավայր - Sputnik Արմենիա, 1920, 21.10.2022](https://cdn.am.sputniknews.ru/img/1120/66/11206632_0:6:3072:1734_1920x0_80_0_0_fc83c3c9139ae5a58b6dc818c8b8c714.jpg)
Կալանավայր
© Sputnik / Vitaliy Belousov
/ Բաժանորդագրվել
Հոկտեմբեր 19–ին կալանավորվել էր նաև Երևանի ընդհանուր իրավասության դատարանի դատավոր Արուսյակ Ալեքսանյանը։
ԵՐԵՎԱՆ, 21 հոկտեմբերի - Sputnik. Դատարանը կալանավորեց նաև դատավոր Արուսյակ Ալեքսանյանի օգնականին։ Տեղեկությունը «Ֆեյսբուքի» իր էջում գրել է փաստաբան Երեմ Սարգսյանը:
«Իհարկե, նախկինում այս աստիճանի երբեք չէին հասնում, կային չգրված սահմանափակումներ՝ աղջիկների, կանանց մասով, նույն տանից երկու հոգու մասով, և այլն, առավել ևս, որ դատավորի օգնականին կալանավորելու բացարձակապես որևէ հիմք չկա։ Սակայն ակնհայտորեն ցանկանում են այս ճնշման միջոցով ցանկալի ցուցմունք ստանալ և ազատ արձակել, որպեսզի փրկեն խարխլված քրեական գործը», - գրել է Սարգսյանը:
Հիշեցնենք` դատարանի որոշմամբ հոկտեմբեր 19–ին կալանավորվել էր Երևանի ընդհանուր իրավասության դատարանի դատավոր Արուսյակ Ալեքսանյանը։
Ավելի վաղ հայտնի էր դարձել, որ դատավոր Արուսյակ Ալեքսանյանին պաշտոնեական լիազորությունները չարաշահելու մեղադրանք է առաջադրվել։ Նույն գործի շրջանակներում այսօր կալանավորվել է նաև փաստաբան Էրիկ Ալեքսանյանը՝ դատավոր Ալեքսանյանին աջակցելու համար: