Նորամարգում ավտոկռունկը շրջվել է գազատար խողովակի վրա ու վնասել այն
21:29 20.10.2022 (Թարմացված է: 21:30 20.10.2022)
© Photo : official site of MES of RA Նորամարգ գյուղի սկզբնամասում «MAZ» մակնիշի ավտոկռունկն ընկել է գազատար խողովակաշարի վրա
![Նորամարգ գյուղի սկզբնամասում «MAZ» մակնիշի ավտոկռունկն ընկել է գազատար խողովակաշարի վրա Նորամարգ գյուղի սկզբնամասում «MAZ» մակնիշի ավտոկռունկն ընկել է գազատար խողովակաշարի վրա - Sputnik Արմենիա, 1920, 20.10.2022](https://cdn.am.sputniknews.ru/img/07e6/0a/14/50134115_0:10:551:319_1920x0_80_0_0_fca045bdac7d7aeb5e5e481752fc5031.jpg)
Նորամարգ գյուղի սկզբնամասում «MAZ» մակնիշի ավտոկռունկն ընկել է գազատար խողովակաշարի վրա
© Photo : official site of MES of RA
Բաժանորդագրվել
Նորամարգ գյուղի սկզբնամասում «MAZ» մակնիշի ավտոկռունկը դուրս է եկել ճանապարհի երթևեկելի հատվածից և ընկել գազատար խողովակաշարի վրա, ինչի հետևանքով առաջացել է գազի արտահոսք:
ԵՐԵՎԱՆ, 20 հոկտեմբերի - Sputnik. Այսօր ժամը 19։07-ին Արարատի մարզային ճգնաժամային կառավարման կենտրոն ահազանգ է ստացվել, որ Նորամարգ գյուղում ավտոկռունկը շրջվել է գազատար խողովակի վրա. առկա է գազի արտահոսք:
Տեղեկությունը հայտնում են ՀՀ արտակարգ իրավիճակների նախարարությունից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Նորամարգ գյուղի սկզբնամասում «MAZ» մակնիշի ավտոկռունկը (վարորդ՝ Ա. Պ., ծնված 1978 թ․) դուրս է եկել ճանապարհի երթևեկելի հատվածից և ընկել գազատար խողովակաշարի վրա (մոտ 200 մմ տրամաչափի բարձր ճնշման), ինչի հետևանքով առաջացել է գազի արտահոսք:
Գազի արտահոսքը դադարեցվել է գազի վթարային ծառայության աշխատակիցների կողմից։
Փրկարարները հոսանքազրկել են ավտոմեքենան և իրականացրել հերթապահություն՝ մինչ գազի վթարային ծառայության աշխատակիցների կողմից վթարավերականգնողական աշխատանքների ավարտը: