https://arm.sputniknews.ru/20221019/npataky-dznagndiki-pes-metsacav-inchpes-e-yntanum-aleqsanjani-anvan-marzadprvoci-karucumy-50071281.html
Նպատակը ձնագնդիկի պես մեծացավ․ ինչպես է ընթանում Ալեքսանյանի անվան մարզադպրոցի կառուցումը
Նպատակը ձնագնդիկի պես մեծացավ․ ինչպես է ընթանում Ալեքսանյանի անվան մարզադպրոցի կառուցումը
Sputnik Արմենիա
Միջազգային չափորոշիչներին համապատասխանող մարզադպրոցում հնարավորություն կունենան մարզվել նաև արտերկրի մարզիկները։ 19.10.2022, Sputnik Արմենիա
2022-10-19T22:46+0400
2022-10-19T22:46+0400
2022-10-19T22:52+0400
արթուր ալեքսանյան
մարզադպրոց
գյումրի
շինարարություն
https://cdn.am.sputniknews.ru/img/07e5/08/07/28588421_0:0:1390:782_1920x0_80_0_0_ca904b2758fb55dc14ba1432c94c067a.jpg
ԵՐԵՎԱՆ, 19 հոկտեմբերի - Sputnik. Գյումրիում՝ մոտ 10 հա տարածքում, շարունակվում են ըմբշամարտիկ Արթուր Ալեքսանյանի անվան մարզադպրոցի կառուցման աշխատանքները։ Այս մասին տեղեկանում ենք ՀՀ կառավարության լրատվական ծառայությունից։Գրառմանը կից տեսանյութում ՀՀ կրթության, գիտության, մշակույթի և սպորտի փոխնախարար Կարեն Գիլոյանը նշում է, որ Ալեքսանյանն այսօրվա ամենատիտղոսակիր և ամենաուժեղ մարզիկն է, ու տրամաբանական է, որ նրա անունով մարզադպրոց լինի։«Գյումրին սպորտային ամենաուժեղ քաղաքներից է և աշխարհին այնքան օլիմպիական, Եվրոպայի և աշխարհի չեմպիոններ է տվել, որ շատ երկրներ կցանկանան նման արդյունքներ ունենալ»,- նշում է Գիլոյանը։Արթուր Ալեքսանյանի անձնական մարզիչ Գևորգ Ալեքսանյանն էլ ընդգծում է, որ սկզբում նախատեսվել է մարզադպրոցի վերանորոգման ծրագիր իրականացնել, սակայն հետագայում նպատակ է դրվել նոր և մեծ մարզադպրոց կառուցել։Նրա խոսքով՝ նմանատիպ մարզադպրոցը երազանք է ոչ միայն մարզիկների, այլև մարզիչների համար։Միջազգային չափորոշիչներին համապատասխանող այս մարզադպրոցում պատանի ու երիտասարդ մարզիկներից բացի հնարավորություն կունենան մարզվել նաև արտերկրի մարզիկները, կանցկացվեն նաև միջազգային մրցաշարեր։Արթուր Ալեքսանյանը 4–րդ անգամ նվաճեց աշխարհի չեմպիոնի տիտղոսըՇինարարական ընկերության աշխղեկ Միշա Թամամյանը շեշտում է, որ 6 մասնաշենքից բաղկացած է լինելու սպորտային համալիրը, 4 մասնաշենքից էլ`հյուրանոցային համալիրը։ Թամամյանը վստահեցնում է, որ լինելու է նաև 4 կորտ՝ թենիսի, վոլեյբոլի, ֆուտբոլի համար։Մարզադպրոցի շինարարական աշխատանքները մեկնարկել են 2021 թվականին, ընթացքում կատարվել է նախագծի փոփոխություն՝ ավելացվել է միջազգային չափորոշիչներին համապատասխան փակ լողավազան։ Այն հնարավորություն կտա նաև լողի մրցաշարեր անցկացնել։Ծրագրված է մարզադպրոցի կառուցումն ավարտին հասցնել 2025 թվականին, սակայն հնարավոր է, որ 2024 թվականին արդեն իսկ շահագործման հանձնվի համալիրը։«Հատուկ շնորհակալություն հորս». Արթուր Ալեքսանյանը ցուցադրել է իր մեդալների հավաքածուն
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արթուր ալեքսանյան, մարզադպրոց, գյումրի, շինարարություն
արթուր ալեքսանյան, մարզադպրոց, գյումրի, շինարարություն
Նպատակը ձնագնդիկի պես մեծացավ․ ինչպես է ընթանում Ալեքսանյանի անվան մարզադպրոցի կառուցումը
22:46 19.10.2022 (Թարմացված է: 22:52 19.10.2022) Միջազգային չափորոշիչներին համապատասխանող մարզադպրոցում հնարավորություն կունենան մարզվել նաև արտերկրի մարզիկները։
ԵՐԵՎԱՆ, 19 հոկտեմբերի - Sputnik. Գյումրիում՝ մոտ 10 հա տարածքում, շարունակվում են ըմբշամարտիկ Արթուր Ալեքսանյանի անվան մարզադպրոցի կառուցման աշխատանքները։ Այս մասին տեղեկանում ենք ՀՀ կառավարության լրատվական ծառայությունից։
«Անվանի ըմբիշի դպրոցում նախատեսվում է անցկացնել 6 և ավելի մարզաձևից պարապմունքներ: Կառավարությունը 5.8 մլրդ դրամ է հատկացրել միջազգային չափանիշներով մարզադպրոցի կառուցման համար»,- ասվում է կառավարության հրապարակման մեջ:
Գրառմանը կից տեսանյութում ՀՀ կրթության, գիտության, մշակույթի և սպորտի փոխնախարար Կարեն Գիլոյանը նշում է, որ Ալեքսանյանն այսօրվա ամենատիտղոսակիր և ամենաուժեղ մարզիկն է, ու տրամաբանական է, որ նրա անունով մարզադպրոց լինի։
«Գյումրին սպորտային ամենաուժեղ քաղաքներից է և աշխարհին այնքան օլիմպիական, Եվրոպայի և աշխարհի չեմպիոններ է տվել, որ շատ երկրներ կցանկանան նման արդյունքներ ունենալ»,- նշում է Գիլոյանը։
Արթուր Ալեքսանյանի անձնական մարզիչ Գևորգ Ալեքսանյանն էլ ընդգծում է, որ սկզբում նախատեսվել է մարզադպրոցի վերանորոգման ծրագիր իրականացնել, սակայն հետագայում նպատակ է դրվել նոր և մեծ մարզադպրոց կառուցել։
«Ինչպես ձնագնդիկն է գլորվում ու մեծանում, այնպես էլ մեր նպատակը մեծացավ ու կարելի է ասել, որ կդառնա մարզաբազա։ Հայաստանում նման սպորտբազա չկա։ Ծաղկաձորձում կա մեծ տարածք, բայց նմանատիպ մարզադահլիճներ այնտեղ չկան»,- ասում է մարզիչը։
Նրա խոսքով՝ նմանատիպ մարզադպրոցը երազանք է ոչ միայն մարզիկների, այլև մարզիչների համար։
Միջազգային չափորոշիչներին համապատասխանող այս մարզադպրոցում պատանի ու երիտասարդ մարզիկներից բացի հնարավորություն կունենան մարզվել նաև արտերկրի մարզիկները, կանցկացվեն նաև միջազգային մրցաշարեր։
Շինարարական ընկերության աշխղեկ Միշա Թամամյանը շեշտում է, որ 6 մասնաշենքից բաղկացած է լինելու սպորտային համալիրը, 4 մասնաշենքից էլ`հյուրանոցային համալիրը։ Թամամյանը վստահեցնում է, որ լինելու է նաև 4 կորտ՝ թենիսի, վոլեյբոլի, ֆուտբոլի համար։
Մարզադպրոցի շինարարական աշխատանքները մեկնարկել են 2021 թվականին, ընթացքում կատարվել է նախագծի փոփոխություն՝ ավելացվել է միջազգային չափորոշիչներին համապատասխան փակ լողավազան։ Այն հնարավորություն կտա նաև լողի մրցաշարեր անցկացնել։
Ծրագրված է մարզադպրոցի կառուցումն ավարտին հասցնել 2025 թվականին, սակայն հնարավոր է, որ 2024 թվականին արդեն իսկ շահագործման հանձնվի համալիրը։
