Թուրքիան սեփական գաղտնի մշակման բալիստիկ հրթիռի փորձարկում է իրականացրել. տեսանյութ
18:34 18.10.2022 (Թարմացված է: 18:36 18.10.2022)
© Sputnik / Виталий Тимкив / Անցնել մեդիապահոցВизит отряда боевых кораблей ВМС Турции в Новороссийск
© Sputnik / Виталий Тимкив
/ Բաժանորդագրվել
Հրթիռը 458 վայրկյանում անցել է 561 կմ ու ընկել է Սինոպ նավահանգստի ափի մոտ։ Սա բացարձակ ռեկորդ է Թուրքիայի մշակած ցանկացած նման զենքի համար։
ԵՐԵՎԱՆ, 18 հոկտեմբերի – Sputnik. Թուրքիան սեփական գաղտնի մշակման փոքր հեռահարության բալիստիկ հրթիռի փորձարկում է իրականացրել։ Այս մասին հայտնում է Bloomberg գործակալությունը` հղում անելով անանուն երկու աղբյուրի։
Գործակալության տվյալներով` արձակումն իրականացվել էր Վրաստանի սահմանին մոտ գտնվող Ռիզե քաղաքից քիչ հեռու` Սև ծովում գտնվող շարժական հարթակից։
Աղբյուրի տվյալներով`հրթիռը 458 վայրկյանում անցել է 561 կմ ու ընկել է Սինոպ նավահանգստի ափի մոտ։ Սա բացարձակ ռեկորդ է Թուրքիայի մշակած ցանկացած նման զենքի համար։
Նշվում է, որ «Թայֆուն» անունը ստացած գաղտնի նախագծի վրա աշխատում են արդեն մի քանի տարի։ Այլ մանրամասներ հայտնի չեն։
Turkey successfully tested its new ballistic missile "Typhoon". The missile hit a target 561km away in 458 seconds. Turkey is now able to strike targets well beyond Athens. And, I'm pretty sure they want even longer-range missiles as well as the nuclear warheads. pic.twitter.com/wMgBhWDBNa
— Vugar Bakhshalizade (@therealvugar) October 18, 2022
Միևնույն ժամանակ փորձարկումների տեսանյութն արդեն իսկ սոցցանցերում հրապարակել են մի շարք թուրք և ադրբեջանցի օգտատերեր։ Այսպես օրինակ, ոմն Վուգար Բահշալիզադեն (The Jerusalem Post–ի և The National Interest–ի սյունակագիր), մասնավորապես, տեսանյութին կից հետևյալ գրառումն է կատարել. «Թուրքիան հաջողությամբ փորձարկել է իր նոր «Թայֆուն» բալիստիկ հրթիռը։
Հրթիռը 458 վայրկյանում խոցել է 561 կմ հեռավորության վրա գտնվող թիրախը։ Այժմ Թուրքիան կարող է թիրախներ խոցել նույնիսկ Աթենքի սահմաններից դուրս։ Եվ ես գրեթե համոզված եմ, որ նրանց էլ ավելի մեծ հեռահարության հրթիռներ, ինչպես նաև միջուկային մարտագլխիկներ են պետք»։
Հիշեցնենք, որ ավելի վաղ` 2017 թվականին Ռուսաստանն ու Թուրքիան 2.5 մլն դոլարի պայմանագիր էին ստորագրել С-400 ՀՕՊ–ՀՀՊ համակարգերի 4 դիվիզիոնների մատակարարման վերաբերյալ, մատակարարումները թուրքական կողմը ստացել էր 2019 թվականի ամառ–աշնան շրջանում։ Պայմանագիրը ենթադրում էր գնդի համար նախատեսված ևս մեկ հավաքածու։ 2021 թվականի օգոստոսի վերջին Էրդողանը հայտարարեց, որ չի կասկածում, որ Ռուսաստանից С-400–ի երկրորդ խմբաքանակը կգնեն։