https://arm.sputniknews.ru/20221015/hh-mipn-ajcelel-e-nerqin-hand-ev-khvostacel-kvonkret-arajarkner-kugharkven-karavarutjun-49808203.html
ՀՀ ՄԻՊ–ն այցելել է Ներքին Հանդ և խոստացել` կոնկրետ առաջարկներ կուղարկվեն կառավարություն
ՀՀ ՄԻՊ–ն այցելել է Ներքին Հանդ և խոստացել` կոնկրետ առաջարկներ կուղարկվեն կառավարություն
Sputnik Արմենիա
Գրիգորյանը բնակիչներին տեղեկացրել է, որ փաստահավաք առաքելության հետևությունները կներկայացվեն միջազգային հանրությանը։ 15.10.2022, Sputnik Արմենիա
2022-10-15T11:52+0400
2022-10-15T11:52+0400
2022-10-15T11:54+0400
հայաստան
քրիստինե գրիգորյան
ներքին հանդ
https://cdn.am.sputniknews.ru/img/07e6/0a/0f/49807159_0:0:1440:810_1920x0_80_0_0_0c4086023eb3964fe1393a79a93cd96b.jpg
ԵՐԵՎԱՆ, 15 հոկտեմբերի – Sputnik. Մարդու իրավունքների պաշտպան Քրիստինե Գրիգորյանն այցելել է Սյունիքի մարզի Ներքին Հանդ համայնք, որը ադրբեջանական հարձակման հետևանքով անվտանգային առավել դժվար իրավիճակում է հայտնվել։ Տեղեկությունը հայտնում է ՄԻՊ գրասենյակը։Գրիգորյանին հետաքրքրել են համայնքի բնակիչների անվտանգության ապահովման, կենսական ենթակառուցվածքներից ու հաղորդակցության ուղիներից օգտվելու, բնակիչների սեփականության իրավունքի խախտումների փաստերը։«Պաշտպանն արձանագրել է, որ Հայաստանի սուվերեն տարածքի նկատմամբ ադրբեջանական զինուժի ագրեսիվ ու շարունակվող ոտնձգության հետևանքով համայնքի բնակիչների, հատկապես կանանց ու երեխաների համար ստեղծվել է առավել դժվարին իրավիճակ՝ հոգեբանական ու ֆիզիկական անձեռնմխելիության, բնականոն կենսաապահովման, սեփականության ու կրթության իրավունքի և այլ հիմնարար իրավունքների իրացման համար»,–նշված է հաղորդագրության մեջ։Գրիգորյանը տեղեկացրել է բնակիչներին, որ փաստահավաք առաքելության հետևությունները կներկայացվեն միջազգային հանրությանը, իսկ արձանագրված խնդիրների լուծման կոնկրետ առաջարկները կուղարկվեն կառավարություն։Պաշտպանին ուղեկցել է Սյունիքի մարզպետի տեղակալ Նարե Ղազարյանը։Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:Սեպտեմբերի 14-ի ժամը 20։00-ից հայ-ադրբեջանական սահմանի երկայնքով հրադադարի ռեժիմ սահմանվեց, որը պարբերաբար խախտում է ադրբեջանական կողմը։Քննչական կոմիտեն սեպտեմբերի 30-ին հայտնեց, որ ադրբեջանական ագրեսիայի հետևանքով հայկական կողմն ունի 201 զոհ՝ 197 զինծառայող և 4 քաղաքացիական անձ, վիրավորվել է 293 զինծառայող ու 6 քաղաքացիական անձ, գերեվարվել է 20 զինծառայող:Հոկտեմբերի 4-ին Ադրբեջանը Հայաստանին վերադարձրեց 17 գերիների։
ներքին հանդ
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, քրիստինե գրիգորյան, ներքին հանդ
հայաստան, քրիստինե գրիգորյան, ներքին հանդ
ՀՀ ՄԻՊ–ն այցելել է Ներքին Հանդ և խոստացել` կոնկրետ առաջարկներ կուղարկվեն կառավարություն
11:52 15.10.2022 (Թարմացված է: 11:54 15.10.2022) Գրիգորյանը բնակիչներին տեղեկացրել է, որ փաստահավաք առաքելության հետևությունները կներկայացվեն միջազգային հանրությանը։
ԵՐԵՎԱՆ, 15 հոկտեմբերի – Sputnik. Մարդու իրավունքների պաշտպան Քրիստինե Գրիգորյանն այցելել է Սյունիքի մարզի Ներքին Հանդ համայնք, որը ադրբեջանական հարձակման հետևանքով անվտանգային առավել դժվար իրավիճակում է հայտնվել։ Տեղեկությունը հայտնում է
ՄԻՊ գրասենյակը։
Գրիգորյանին հետաքրքրել են համայնքի բնակիչների անվտանգության ապահովման, կենսական ենթակառուցվածքներից ու հաղորդակցության ուղիներից օգտվելու, բնակիչների սեփականության իրավունքի խախտումների փաստերը։
«Պաշտպանն արձանագրել է, որ Հայաստանի սուվերեն տարածքի նկատմամբ ադրբեջանական զինուժի ագրեսիվ ու շարունակվող ոտնձգության հետևանքով համայնքի բնակիչների, հատկապես կանանց ու երեխաների համար ստեղծվել է առավել դժվարին իրավիճակ՝ հոգեբանական ու ֆիզիկական անձեռնմխելիության, բնականոն կենսաապահովման, սեփականության ու կրթության իրավունքի և այլ հիմնարար իրավունքների իրացման համար»,–նշված է հաղորդագրության մեջ։
Գրիգորյանը տեղեկացրել է բնակիչներին, որ փաստահավաք առաքելության հետևությունները կներկայացվեն միջազգային հանրությանը, իսկ արձանագրված խնդիրների լուծման կոնկրետ առաջարկները կուղարկվեն կառավարություն։
Պաշտպանին ուղեկցել է Սյունիքի մարզպետի տեղակալ Նարե Ղազարյանը։
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ
ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
Սեպտեմբերի 14-ի ժամը 20։00-ից հայ-ադրբեջանական սահմանի երկայնքով
հրադադարի ռեժիմ սահմանվեց, որը պարբերաբար խախտում է ադրբեջանական կողմը։
Քննչական կոմիտեն սեպտեմբերի 30-ին հայտնեց, որ ադրբեջանական ագրեսիայի հետևանքով հայկական կողմն ունի 201 զոհ՝ 197 զինծառայող և 4 քաղաքացիական անձ, վիրավորվել է 293 զինծառայող ու 6 քաղաքացիական անձ, գերեվարվել է 20 զինծառայող:
