https://arm.sputniknews.ru/20221015/erekhanery-petq-e-svovvoren-heqiatin-havatal-hajastani-pvoqrik-ergichner-khumby-30-tarekan-e-49818204.html

Երեխաները պետք է սովորեն հեքիաթին հավատալ. «Հայաստանի փոքրիկ երգիչներ» խումբը 30 տարեկան է

Երեխաները պետք է սովորեն հեքիաթին հավատալ. «Հայաստանի փոքրիկ երգիչներ» խումբը 30 տարեկան է

Sputnik Արմենիա

Հոբելյանական համերգից առաջ Sputnik Արմենիան ներկա է եղել փորձերից մեկին, զրուցել «Հայաստանի փոքրիկ երգիչներ» երգչախմբի գեղարվեստական ղեկավար, գլխավոր դիրիժոր... 15.10.2022, Sputnik Արմենիա

2022-10-15T19:20+0400

2022-10-15T19:20+0400

2022-10-15T20:04+0400

հայաստան

երգ

երգչախումբ

«հայաստանի փոքրիկ երգիչներ» երգչախումբ

տիգրան հեքեքյան

մարիո ստեֆանո պիետրոդարկի

https://cdn.am.sputniknews.ru/img/07e6/0a/0e/49781106_0:84:1600:984_1920x0_80_0_0_964a810f210f009d0bc3112b2ede3d7f.jpg

«Հայաստանի փոքրիկ երգիչներ» երգչախմբի սան Մարինե Մարգարյանը 30 տարի առաջ դժվար թե պատկերացներ, որ հարազատ խումբը հենց իր «Աշխարհին խաղաղություն» երգով է շրջագայելու աշխարհով մեկ։ 90–ականներին, երբ Ադրբեջանը Հայաստանին որպես ագրեսոր էր ներկայացնում աշխարհին, մեր երկիրը խաղաղություն քարոզող դարձավ հենց այս երգչախմբի շնորհիվ, որը հաշված օրեր անց` հոկտեմբերի 17–ին, հանդիսատեսին կներկայանա հոբելյանական համերգով։Պատասխանատու համերգից առաջ երգչախմբի գեղարվեստական ղեկավար, գլխավոր դիրիժոր Տիգրան Հեքեքյանը փորձերից մեկի ընթացքում մեզ հետ զրուցելու ժամանակ գտավ։««Աշխարհին խաղաղություն» երգը գրվել է 1994-95 թվականներին, և մենք այդ երգով հանդես եկանք եվրոպական 7 երկրում և ԱՄՆ–ի 15 նահանգում։ Մասնակցեցինք ՄԱԿ–ի և ՅՈւՆԵՍԿՕ–ի 50–ամյակներին։ Երբ տեսնում էին իմ երգչախմբի երեխաներին, չէին կարողանում չսիրահարվել։ Այդ պատճառով այն դեսպանները, որ մեր համերգներին գալիս էին, ասես խոսքները մեկ արած ասում էին` Հայաստանին այսպիսի դեսպաններ են պետք։ Ու հաշված օրերում մեր փոքրիկները դարձան խաղաղության փոքրիկ դեսպաններ»,–ասում է Հեքեքյանը։Հոբելյանական համերգի ընթացքում հանդիսատեսը ոչ միայն երգչախմբի կատարումները կլսի, այլև կվայելի համաշխարհային մեծության երաժիշտների ներկայությունը։«Ունենք ստեղծագործություն, որը հատուկ մեր երգչախմբի ու աշխարհահռչակ ակորդեոնահար Մարիո Ստեֆանո Պիետրոդարկիի համար գրել է արգենտինացի հայտնի կոմպոզիտոր Մարտին Պալմիերին։ Պիետրոդարկին ևս մասնակցելու է մեր հոբելյանական համերգին ու կատարելու է մի քանի ստեղծագործություն։ Լինելու են շատ հայտնի երգչախմբերի խմբավարներ Շվեյցարիայից, Լիտվայից, Վրաստանից, որոնք մեր երգչախմբի հետ ստեղծագործություններ են կատարելու։ Վրաստանից իրենց միջոցներով գալիս է մանկական երգչախումբ, որը ևս ելույթ կունենա»,–պատմում է Հեքեքյանը։Հետո հպարտությամբ է նշում, որ Մարիո Ստեֆանոն անգամ հոնորար չի պահանջել, դա եղել է իր ցանկությունը։Համերգի ընթացքում հնչելու են նաև դժվարագույն գործեր, որոնցից մեկը, ինչպես նշում է Հեքեքյանը, աշխարհում ոչ մի երգչախումբ չի կարողացել կատարել. խոսքը Արթուր Ահարոնյանի «Ուլունք» ստեղծագործության մասին է։30 տարիների ընթացքում երգչախումբը կատարել է ավելի քան 1000 ստեղծագործություն, որոնցից մի քանի հարյուրն արխիվում են, իսկ մոտ 400–ը` երգչախմբի մշտական ծրագրում։ Այս համերգին մասնակցելու համար նախկին սաներ են ժամանել ԱՄՆ–ից, Ավստրալիայից, Ուկրաինայից, Ֆրանսիայից։Մինչ Հեքեքյանն բեմ է բարձրանում, հանդիսատեսի շարքերում ողջագուրվում են երգչախմբի ավագ սերնդի ներկայացուցիչները։ Նրանցից մեկը` 42–ամյա Գայանե Ավդալյանը, արտերկրից Հայաստան է ժամանել հենց համերգին մասնակցելու համար։«Ես 1992 թվականից երգել եմ մաեստրոյի մոտ, ավելի քան 8 տարի, որից հետո ամուսնացել եմ, տեղափոխվել արտերկիր։ Երազում էի, որ դուստրս ևս հաճախի երգչախումբ, բայց, ցավոք, հեռավորությունն արգելք դարձավ»,–ասում է Գայանեն։Նա մեծ խանդավառությամբ է փորձերին գալիս, ասում է`չնայած հետ էր վարժվել, բայց մեկ–երկու փորձ հետո ուղեղն ինքն իրեն վերհիշել է ամեն ինչ։«Հուզմունքը, կարոտն ու հեքիաթ մանկությունն իրար են խառնվել։ Սա մեր հեքիաթի շարունակությունն է, միայն թե ափսոսում ենք, որ համերգից հետո փորձերը կդադարեն, ու գուցե մեր կապն էլի խզվի»,–նշում է նա։Երգչախմբի հին սերնդի ներկայացուցիչներից մյուսը` 27–ամյա Արփինե Հարոյանն էլ, որը 5 տարի առաջ է լքել երգչախումբն ու ուսման նպատակով մեկնել արտերկիր, վերադարձել է, որ անպայման մասնակցի համերգին։ Նրա խոսքով` այս տարիների ընթացքում երբեք կապը չի խզել երգչախմբի հետ։«Ես ամեն ինչ արեցի, որ հասցնեմ գալ վերջին փորձերին։ Այսօր հուզմունքս շատ է, քանի որ տարիների դադարից հետո առաջին անգամ եմ երգելու»,–ասում է լրագրող–հետազոտողի մասնագիտություն ձեռք բերած Արփինեն։Նա սկզբում որոշել է երաժշտագետ դառնալ, հետո հասկացել է, որ ուզում է երաժշտությունն իր կյանքի հաճելի մասը մնա։Հարցին, թե Հեքեքյանի խստությունը ոչ մի կերպ չի անդրադարձել այդ հաճելի հիշողությունների վրա, ծիծաղով պատասխանում է, թե լեգենդներ են պտտվում մաեստրոյի հետ աշխատելու դժվարությունների մասին։Հետո շեշտում է, որ Հեքեքյանը հաճախ ամեն ինչ դիտավորյալ է բարդացնում, որ սաներն ավելի լավը դառնան ու երբեք դժվարություններից չընկճվեն։Ու հենց այսպիսի հաղթական տրամադրությամբ էլ սաները ավելի քան 2 ժամ տևողությամբ համերգ են տալու, և միայն զգեստափոխվելու ժամանակ է ծրագիրը ընդմիջվելու փոքրիկ վավերագրական ֆիլմերով։Ասում են` հանդիսատեսին ներկայանալու են ամեն երգի ժամանակաշրջանին ու ոճին հարիր զգեստներով։Սա միայն համերգ չի լինելու, այլև սերունդների փոփոխություն բեմում ու դրանց միջև կապ։ Ի դեպ, երգչախումբը իր ստեղծումից`1992 թվականից մինչ օրս 4 սերունդ է տվել, իսկ 5–րդն արդեն նոր եկող փոքրիկներն են։«Մեր ազդագրի մեջ նրանք` մեծ ու փոքր սերունդները, հանդիսատեսին մեջքանց գնում են, բայց դրանով ոչինչ չի վերջանում` եկել են և գնում են, ու գալու են նորերը։ Սերունդների հաջորդականությունն ու նրանց միջև կապը մեզ համար շատ կարևոր է։ Մի սերունդը մյուսին է փոխանցում իր գիտելիքը»,–ասում է Հեքեքյանը։Անդրադառնալով սերունդների հետ աշխատանքի դժվարություններին` մաեստրոն նշում է, որ նախորդները գուցե տեխնիկապես շատ ավելի թույլ էին, բայց այնքան խինդ կար նրանց մեջ, որ փոխանցվում էր անգամ ձայնագրությունից։ Ներկայիս սերունդը տեխնիկապես այնպիսի գործեր է հաղթահարում, որ նախկին սերնդի սաները տառապում էին, բայց նոր սերնդի մեջ պակասել են խինդն ու երջանկությունը։«Մի օր խիստ բարկացա, ասացի, որ այսպես չի լինի, ինձ պատասխանեցին, որ իրենց հոգսերը շատ են, ես ապշեցի, հետո հավելեցին, որ մենակ իրենք չեն այդպես։ Եվ իսկապես սա ուղերձ է աշխարհին, որ մենք լուրջ մտածենք մեր երեխաներին ուրախացնելու մասին, միայն հունիսի 1–ով չբավարարվենք, որովհետև երեկվա 15 տարեկան երեխան ավելի ուրախ էր, ավելի ոգևորվող, հեքիաթին հավատացող, քանի հիմիկվա 5 տարեկան երեխան, որն անգամ Ձմեռ պապի գոյությանը չի հավատում»,–ասում է մաեստրոն։Հեքեքյանը հուսով է` ծնողները մի օր կգիտակցեն, որ երեխաներին ուրախացնելու համար պարտադիր չէ նոր հեռախոս կամ համակարգիչ գնել, այլև պետք է կյանքի իրական ուրախությունների հետ ծանոթացնել, որոնցից մեկն էլ երգն է։Հայաստանի փոքրիկ երգիչները հաղթել են «Խաղաղություն աշխարհին 2021» մրցույթում

2022

Լուրեր

am_HY

հայաստան, երգ, երգչախումբ, «հայաստանի փոքրիկ երգիչներ» երգչախումբ, տիգրան հեքեքյան, մարիո ստեֆանո պիետրոդարկի