https://arm.sputniknews.ru/20221014/putiny-kvoghm-e-vor-aphn-ditvord-darna-hapk-um-bajc-patrast-e-lsel-hhi-mtahvogutjuny-49754915.html

Պուտինը կողմ է, որ ԱՊՀ–ն դիտորդ դառնա ՀԱՊԿ-ում, բայց պատրաստ է լսել ՀՀ–ի մտահոգությունը

Պուտինը կողմ է, որ ԱՊՀ–ն դիտորդ դառնա ՀԱՊԿ-ում, բայց պատրաստ է լսել ՀՀ–ի մտահոգությունը

Sputnik Արմենիա

Ռուսաստանի ղեկավարը հայտարարել է, որ պետք է հաշվի առնել Հայաստանի` ԱՊՀ-ի և ՀԱՊԿ-ի հարաբերությունների հետ կապված մտահոգությունը։ 14.10.2022, Sputnik Արմենիա

2022-10-14T12:17+0400

2022-10-14T12:17+0400

2022-10-14T12:21+0400

հայաստան

անկախ պետությունների համագործակցություն (ապհ)

հավաքական անվտանգության պայմանագիր կազմակերպություն (հապկ)

վլադիմիր պուտին

ռուսաստան

https://cdn.am.sputniknews.ru/img/07e6/0a/0e/49751250_0:1:1247:702_1920x0_80_0_0_612c291d69616bc80c9b7ac61b901450.jpg

ԵՐԵՎԱՆ, 14 հոկտեմբերի – Sputnik. Ռուսաստանի նախագահ Վլադիմիր Պուտինը կողմ է ԱՊՀ–ին Հավաքական անվտանգության պայմանագրի կազմակերպությունում (ՀԱՊԿ) դիտորդի կարգավիճակ տալու գաղափարին, քանի որ դա, նրա համոզմամբ, լրացուցիչ մեխանիզմներ կստեղծի անվտանգության խնդիրների լուծման համար։ՌԴ նախագահն այդ մասին հայտարարել է Աստանայում ԱՊՀ առաջնորդների խորհրդի ընդլայնված նիստում, որտեղ ստորագրման է ներկայացվել տվյալ կարգավիճակի ընդունման մասին փաստաթուղթը։Միաժամանակ Պուտինը կարծիք է հայտնել, որ ԱՊՀ–ին ՀԱՊԿ-ում դիտորդի կարգավիճակ տալը որևէ մեկին չի խանգարում, ընդհակառակը` այդ բոլոր հարթակները խորհրդատվության և լուծումների որոնման համար օգտագործելու լրացուցիչ հնարավորություններ է ստեղծում։Հիշեցնենք, որ ի տարբերություն ՀԱՊԿ–ի, ԱՊՀ–ին անդամակցում է նաև Ադրբեջանը։ Վլադիմիր Պուտինի Հայաստանին ուղղված մտահոգությունն ամենայն հավանականությամբ հենց այս հանգամանքով է պայմանավորված։ՀԱՊԿ անդամներն են Հայաստանը, Ռուսաստանը, Բելառուսը, Ղազախստանը, Ղրղզստանը և Տաջիկստանը։ ԱՊՀ–ում, բացի նշվածներից, ընդգրկված են նաև Ադրբեջանը, Մոլդովան, Ուզբեկստանը։Հիշեցնենք` որ ԱՊՀ պետությունների ղեկավարների գագաթնաժողովը նախ նեղ կազմով է անցկացվել, ապա միացել են պատվիրակությունների ներկայացուցիչները։Նեղ կազմով հանդիպմանը մասնակցել են ՌԴ նախագահ Վլադիմիր Պուտինը, Հայաստանի վարչապետ Նիկոլ Փաշինյանը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը, Տաջիկստանի նախագահ Էմոմալի Ռահմոնը, Թուրքմենստանի նախագահ Սերդար Բերդիմուհամեդովը, Ուզբեկստանի նախագահ Շավքաթ Միրզիյոևը, Ադրբեջանի նախագահ Իլհամ Ալիևը և ԱՊՀ գործադիր քարտուղար Սերգեյ Լեբեդևը։Փաշինյանը Ղազախստան է մեկնել հոկտեմբերի 13-ին։

2022

Լուրեր

am_HY

հայաստան, անկախ պետությունների համագործակցություն (ապհ), հավաքական անվտանգության պայմանագիր կազմակերպություն (հապկ), վլադիմիր պուտին, ռուսաստան