https://arm.sputniknews.ru/20221006/2008-i-pastatughty-amenahajanpast-lutsumnern-er-entadrum-oskanjani-pataskhany-pashinjanin-49400393.html
2008-ի փաստաթուղթը ամենահայանպաստ լուծումներն էր ենթադրում․ Օսկանյանի պատասխանը Փաշինյանին
2008-ի փաստաթուղթը ամենահայանպաստ լուծումներն էր ենթադրում․ Օսկանյանի պատասխանը Փաշինյանին
Sputnik Արմենիա
ՀՀ նախկին արտգործնախարար Վարդան Օսկանյանը պատասխանել է ՀՀ վարչապետ Նիկոլ Փաշինյանի քննադատություններին։ 06.10.2022, Sputnik Արմենիա
2022-10-06T16:50+0400
2022-10-06T16:50+0400
2022-10-06T16:51+0400
վարդան օսկանյան
նիկոլ փաշինյան
հայաստան
արցախ
ադրբեջան
https://cdn.am.sputniknews.ru/img/639/15/6391589_0:0:1601:901_1920x0_80_0_0_0061ea57952a2fb795009bac7f328190.jpg
ԵՐԵՎԱՆ, 6 հոկտեմբերի – Sputnik. Իշխանություններն իրենց վարած քաղաքականության արդյունքում մեզ դրել են անելանելի երկընտրանքի առաջ՝ ընդունել Ադրբեջանի ամենամաքսիմալիստական պահանջները, եթե ոչ՝ պատերազմ։ Հայտարարել է Հայաստանի նախկին արտգործնախարար Վարդան Օսկանյանը՝ արձագանքելով Հայաստանի վարչապետ Նիկոլ Փաշինյանի՝ իրեն ուղղված քննադատությանը։ Ալիևի տեսակետներն էր վերարտադրում. Քոչարյանի գրասենյակից արձագանքել են Փաշինյանի ելույթինՀիշեցնենք, որ երեկ կառավարության հետ հարցուպատասխանի ժամանակ ՀՀ վարչապետ Նիկոլ Փաշինյանը հայտարարել էր, որ ՀՀ նախկին արտգործնախարար Վարդան Օսկանյանի օրոք է ԼՂ–ն Ադրբեջանի կազմում ճանաչվել, քանի որ այն պահին, երբ ՀՀ–ն ընդունել է Մադրիդյան սկզբունքները, ճանաչել է Ղարաբաղն Ադրբեջանի կազմում։ Բացի այդ, վարչապետը նշել էր, որ Օսկանյանը հրապարակային Հայաստանը ճանաչել է «օկուպանտ»:«Իմացա Ազգային ժողովում Նիկոլ Փաշինյանի երեկ արած հայտարարությունների մասին։ Այդ կապակցությամբ ընդամենը կարող եմ վերահաստատել այն, ինչ բազմիցս ասել եմ՝ 2008-ին սեղանին դրված փաստաթուղթը ամենահայանպաստ լուծումներն էր ենթադրում, որը հմուտ օգտագործման դեպքում կհանգեցներ Արցախի ինքնորոշման՝ միջազգայնորեն ճանաչելի իրացմանը»,- գրել է Վարդան Օսկանյանը։Նա պնդում է, որ դեռ 2018-ին Նիկոլ Փաշինյանը ստացել էր այնպիսի բանակցային ժառանգություն, որ այն չարհամարհելու, զրոյական կետից չսկսելու և հանցավոր ինքնավստահություն չդրսևորելու դեպքում ոչ միայն կարող էր բացառել պատերազմը, այլև հենց այդ փաստաթղթերում առկա դրույթների վրա հենվելով՝ հասնել Հայաստանի համար ընդունելի լուծումների:Վարդան Օսկանյանը անդրադարձել է նաև վերջին օրերի դիվանագիտական ակտիվությանը։ Նա ակնհայտ է համարել, որ այսօր սեղանի վրա են Ադրբեջանի երեք պահանջները՝ Ղարաբաղի ճանաչումը Ադրբեջանի մաս, միջանցքը, սահմանազատման խնդիրը, այսինքն՝ անկլավները։Դիվանագիտական առևտուրը, ըստ Օսկանյանի, կարծես թե գնում է հենց այս եռանկյունու շրջանակում, որտեղ հայկական կողմի մոտեցումն է Ղարաբաղը Ադրբեջանի մաս ճանաչելով՝ Ադրբեջանին դրդել հրաժարվել միջանցքից և անկլավներից։ Նախկին արտգործնախարարի կարծիքով, այս մոտեցման իրականացումը կլինի Արցախի վերջնական կորստի ամենակարճ ճանապարհը։«Թեկուզև ժամանակի առումով արդեն ուշ է, ես, համենայն դեպս, կարծում եմ, որ Պրահայում Փաշինյանը նախ պետք է խուսափի փաստաթուղթ ստորագրելու ժամկետների պարտադրանքից, ապա ամեն կերպ փորձի դուրս գալ Ադրբեջանի թելադրած և պարտադրած ու ոչ մի լավ տեղ չտանող այդ օրակարգից և փակ շրջանակից։ Բանակցային այս օրակարգն այնքան նեղ ու միակողմանի է, որ սեղանի վրա առկա հարցերի շուրջ որևէ առևտուր միանշանակ լինելու է ի վնաս Հայաստանի»,- նշել է Օսկանյանը։Ըստ նախկին արտգործնախարարի Հայաստանը պետք է կարողանա բանակցային սեղանին դնել իր օրակարգային խնդիրները, այդ թվում՝ Շուշիի և Հադրութի ճակատագրի, Լեռնային Ղարաբաղի կարգավիճակի, Հայաստանի ինքնիշխան տարածքից ադրբեջանական զորքերի դուրսբերման և գերիների վերադարձի խնդիրները։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վարդան օսկանյան, նիկոլ փաշինյան, հայաստան, արցախ, ադրբեջան
վարդան օսկանյան, նիկոլ փաշինյան, հայաստան, արցախ, ադրբեջան
2008-ի փաստաթուղթը ամենահայանպաստ լուծումներն էր ենթադրում․ Օսկանյանի պատասխանը Փաշինյանին
16:50 06.10.2022 (Թարմացված է: 16:51 06.10.2022) ՀՀ նախկին արտգործնախարար Վարդան Օսկանյանը պատասխանել է ՀՀ վարչապետ Նիկոլ Փաշինյանի քննադատություններին։
ԵՐԵՎԱՆ, 6 հոկտեմբերի – Sputnik. Իշխանություններն իրենց վարած քաղաքականության արդյունքում մեզ դրել են անելանելի երկընտրանքի առաջ՝ ընդունել Ադրբեջանի ամենամաքսիմալիստական պահանջները, եթե ոչ՝ պատերազմ։ Հայտարարել է Հայաստանի նախկին արտգործնախարար Վարդան Օսկանյանը՝ արձագանքելով Հայաստանի վարչապետ Նիկոլ Փաշինյանի՝ իրեն ուղղված քննադատությանը։
Հիշեցնենք, որ երեկ կառավարության հետ հարցուպատասխանի ժամանակ
ՀՀ վարչապետ Նիկոլ Փաշինյանը հայտարարել էր, որ ՀՀ նախկին արտգործնախարար Վարդան Օսկանյանի օրոք է ԼՂ–ն Ադրբեջանի կազմում ճանաչվել, քանի որ այն պահին, երբ ՀՀ–ն ընդունել է Մադրիդյան սկզբունքները, ճանաչել է Ղարաբաղն Ադրբեջանի կազմում։ Բացի այդ, վարչապետը նշել էր, որ Օսկանյանը հրապարակային Հայաստանը ճանաչել է «օկուպանտ»:
«Իմացա Ազգային ժողովում Նիկոլ Փաշինյանի երեկ արած հայտարարությունների մասին։ Այդ կապակցությամբ ընդամենը կարող եմ վերահաստատել այն, ինչ բազմիցս ասել եմ՝ 2008-ին սեղանին դրված փաստաթուղթը ամենահայանպաստ լուծումներն էր ենթադրում, որը հմուտ օգտագործման դեպքում կհանգեցներ Արցախի ինքնորոշման՝ միջազգայնորեն ճանաչելի իրացմանը»,- գրել է Վարդան Օսկանյանը։
Նա պնդում է, որ դեռ 2018-ին Նիկոլ Փաշինյանը ստացել էր այնպիսի բանակցային ժառանգություն, որ այն չարհամարհելու, զրոյական կետից չսկսելու և հանցավոր ինքնավստահություն չդրսևորելու դեպքում ոչ միայն կարող էր բացառել պատերազմը, այլև հենց այդ փաստաթղթերում առկա դրույթների վրա հենվելով՝ հասնել Հայաստանի համար ընդունելի լուծումների:
«Իրականում նույնիսկ ամենամեծ զիջումների դեպքում լուծումը կլիներ անհամեմատ ավելի լավը, քան այն ընտրությունը կամ նույնիսկ ընտրության բացակայությունը, ինչին հանգեցրել է գործող իշխանության փորձի ու գիտելիքի բացը»,- ասել է նախկին արտգործնախարարը։
Վարդան Օսկանյանը անդրադարձել է նաև վերջին օրերի դիվանագիտական ակտիվությանը։ Նա ակնհայտ է համարել, որ այսօր սեղանի վրա են Ադրբեջանի երեք պահանջները՝ Ղարաբաղի ճանաչումը Ադրբեջանի մաս, միջանցքը, սահմանազատման խնդիրը, այսինքն՝ անկլավները։
Դիվանագիտական առևտուրը, ըստ Օսկանյանի, կարծես թե գնում է հենց այս եռանկյունու շրջանակում, որտեղ հայկական կողմի մոտեցումն է Ղարաբաղը Ադրբեջանի մաս ճանաչելով՝ Ադրբեջանին դրդել հրաժարվել միջանցքից և անկլավներից։ Նախկին արտգործնախարարի կարծիքով, այս մոտեցման իրականացումը կլինի Արցախի վերջնական կորստի ամենակարճ ճանապարհը։
«Թեկուզև ժամանակի առումով արդեն ուշ է, ես, համենայն դեպս, կարծում եմ, որ Պրահայում Փաշինյանը նախ պետք է խուսափի փաստաթուղթ ստորագրելու ժամկետների պարտադրանքից, ապա ամեն կերպ փորձի դուրս գալ Ադրբեջանի թելադրած և պարտադրած ու ոչ մի լավ տեղ չտանող այդ օրակարգից և փակ շրջանակից։ Բանակցային այս օրակարգն այնքան նեղ ու միակողմանի է, որ սեղանի վրա առկա հարցերի շուրջ որևէ առևտուր միանշանակ լինելու է ի վնաս Հայաստանի»,- նշել է Օսկանյանը։
Ըստ նախկին արտգործնախարարի Հայաստանը պետք է կարողանա բանակցային սեղանին դնել իր օրակարգային խնդիրները, այդ թվում՝ Շուշիի և Հադրութի ճակատագրի, Լեռնային Ղարաբաղի կարգավիճակի, Հայաստանի ինքնիշխան տարածքից ադրբեջանական զորքերի դուրսբերման և գերիների վերադարձի խնդիրները։
