ՄԱԳԱՏԷ-ն կշարունակի աջակցել Մեծամորի ատոմային էլեկտրակայանին․ Գրոսի
10:58 05.10.2022 (Թարմացված է: 11:22 05.10.2022)
© Photo : Twitter / Rafael MarianoGrossiՌաֆայել Մարիանո Գրոսին Մեծամորի ատոմակայանում
Ռաֆայել Մարիանո Գրոսին Մեծամորի ատոմակայանում
© Photo : Twitter / Rafael MarianoGrossi
Բաժանորդագրվել
ՄԱԳԱՏԷ–ի տնօրենը նշել է, որ ուրախ է տեսնել Մեծամորում արված անվտանգային բարեփոխումները։
ԵՐԵՎԱՆ, 5 հոկտեմբերի – Sputnik. Հայաստանի տնտեսությունը հենված է Մեծամորի ատոմային էլեկտրակայանի վրա։ Թվիթերյան իր էջում նման գրառում է արել Ատոմային էներգետիկայի միջազգային գործակալության գլխավոր տնօրեն Ռաֆայել Մարիանո Գրոսին, որն աշխատանքային այցով Հայաստանում է։
Armenia's economy relies on Metsamor NPP, and @IAEAorg will continue to offer support, to help the plant provide low-carbon energy safely and securely. Pleased to see the safety and security improvements made to Metsamor and impressed with the commitment of its dedicated staff. pic.twitter.com/fSVKc3IThd
— Rafael MarianoGrossi (@rafaelmgrossi) October 4, 2022
«Ատոմային էներգետիկայի միջազգային գործակալությունը շարունակելու է իր աջակցությունն առաջարկել՝ օգնելու ատոմակայանին ցածր ածխածնային էներգիան մատակարարել անվտանգ կերպով։ Միաժամանակ, ուրախ եմ տեսնել Մեծամորում արված անվտանգային բարեփոխումները, տպավորված եմ անձնակազմի հանձնառությամբ»,–գրել է նա։
Հիշեցնենք, որ Գրոսիի հետ արդեն հանդիպել են ՀՀ արտգործնախարար Արարատ Միրզոյանն ու վարչապետ Նիկոլ Փաշինյանը։ Վարչապետի հետ հանդիպման ընթացքում զրուցակիցներն անդրադարձել են Հայկական ատոմային էլեկտրակայանի անվտանգության մակարդակի բարձրացման ուղղությամբ աշխատանքներին, մտքեր փոխանակել Հայաստանի և ԱԷՄԳ-ի միջև համագործակցության խորացման հնարավորությունների շուրջ:
Գրոսին Հայաստանում կլինի հոկտեմբերի 4-5-ը։