https://arm.sputniknews.ru/20221005/kvorvonavirusi-hamavarak-kartses-te-hasnum-enq-ezragtsin-49359841.html

Կորոնավիրուսի համավարակ. կարծես թե հասնում ենք եզրագծին

Կորոնավիրուսի համավարակ. կարծես թե հասնում ենք եզրագծին

Sputnik Արմենիա

Մարդկությունը հաշվի առավ սեփական սխալներն ու թերացումները և բավական արդյունավետ միջոցներ մշակեց։ 05.10.2022, Sputnik Արմենիա

2022-10-05T21:54+0400

2022-10-05T21:54+0400

2022-10-05T22:00+0400

հայաստան

կորոնավիրուս

համավարակ

առողջապահության համաշխարհային կազմակերպություն (ահկ)

պատվաստում

գրիպ

5 րոպե դուլյանի հետ

https://cdn.am.sputniknews.ru/img/2315/58/23155835_0:85:1600:985_1920x0_80_0_0_042b34dc95992bdfea430d9977446aa9.jpg

Եկեք անկեղծ լինենք։ Առողջապահության համաշխարհային կազմակերպության ղեկավարի կանխատեսումը կարծես թե իրականություն է դառնում։ Ամանորյա իր ուղերձում Թեդրոս Հեբրեյեսուսը կարծիք էր հայտնել, որ կորոնավիրուսի համավարակը կարող է ավարտվել 2022 թվականին, եթե իհարկե բոլոր երկրները համատեղեն իրենց ջանքերը։Հիմա կասեք՝ այդ ինչպե՞ս է ավարտվում համավարակը, եթե միայն անցած շաբաթ՝ սեպտեմբերի ու հոկտեմբերի սահմանագծին, Հայաստանում վարակվածների թիվը կազմել է 910 մարդ։ Կներե՛ք, բայց օգոստոսյան շաբաթներին այդ ցուցանիշը կրկնակի է եղել։ Եվ այն ժամանակ հայաստանցի մասնագետները հաստատ պնդում էին՝ աշնանը համավարակի նոր հզոր ալիք է սպասվում, քանզի այդպես է եղել նախորդ երկու տարիներին՝ դպրոցներն ու բուհերը բացում են իրենց դռները, եղանակը ցրտում է, մարդիկ փակում են պատուհանները և չեն օդափոխում սենյակները. մի խոսքով, աշունը կորոնավիրուսի առումով թեժ է լինելու։Եկավ աշունը, և ոչ միայն որևէ ահավոր բան չպատահեց, այլև հիվանդացության թվերը նվազեցին երկու անգամ։Մյուս հանգամանքը, որը լավատեսություն է ներշնչում, որքան էլ զարմանալի թվա, վիրուսի նոր տեսակն է՝ «Օմիկրոնը»։ Այո՛, այն ավելի վարակիչ է, բայց դա նաև շահեկան է մարդկության համար։ Բրիտանացի պրոֆեսոր Յեն Ջոնսը փաստում է. «Որքան ավելի վարակիչ է վիրուսը, այնքան այն ավելի պակաս վտանգավոր է։ Նման վիրուսը գրավում է շնչուղիների միայն վերին մասը, որտեղից շատ ավելի հեշտ է փոխանցվում նոր վարակակրին և չի հասնում ներքևի հատվածին, որտեղ կարող է հանգեցնել թոքերի բորբոքման։ Ուստի մահացությունը կտրուկ նվազում է, իսկ հիվանդությունն ավելի թեթև է ընթանում»։Եվ էլի մի կարևոր հանգամանք, որն արագացնում է համավարակի ավարտը։ Հիմա մարդկությունն արդեն սովորել է պայքարել կորոնավիսուսի դեմ, այնինչ, երբ այն հայտնվեց, մենք լրիվ անպատրաստ էինք, և նույնիսկ պետությունների ղեկավարները, մեղմ ասած, թերագնահատում էին վտանգը։ Օրինակ` Բրազիլիայի նախագահ Ժաիր Բոլսոնարուն, որն այժմ պայքարում է վերընտրվելու համար, սկզբում պնդում էր, թե կորոնավիրուսը սովորական գրիպից ավելի վտանգավոր չէ, հետո ինքը վարակվեց, իսկ երբ ապաքինվեց, ի զարմանս բոլորի հայտարարեց, թե ողջ երկիրը հաղթահարել է համաճարակը։ Այնինչ հիվանդացածների թվով Բրազիլիան այն ժամանակ աշխարհում երրորդ տեղում էր Միացյալ նահանգներից և Հնդկաստանից հետո։Հիվանդանոցներում մոտ 100 քաղաքացի է բուժվում. Նանուշյանը` ՀՀ–ում COVID-19-ի դեպքերի մասինԵրևի հիշում եք, որ Հայաստանի առողջապահության նախկին նախարարն էլ մի ժամանակ հոռետեսորեն էր վերաբերվում խանութներում և դեղատներում վաճառվող դիմակներին և նույնիսկ պնդում, թե դրանք դնելն անիմաստ է։ Բայց ի վերջո մարդկությունը հաշվի առավ սեփական սխալներն ու թերացումները և բավական արդյունավետ միջոցներ մշակեց, որոնցից, թերևս, ամենակարևորն է պատվաստումը։ Հիշենք, որ այդ գործին իր նպաստը բերեց նաև հայազգի գիտնական, ձեռներեց և բարերար Նուբար Աֆեյանը, որը «Մոդեռնա» ընկերության համահիմնադիրներից է։Հաշվի առնելով այս ամենը` ոմանք հարցադրում են անում՝ իսկ արդյոք ժամանակը չէ՞ հայտարարելու համավարակի ավարտը։ Պրոֆեսոր Յեն Ջոնսն այսպես է պատասխանում. ««Համավարակ» բառը ենթադրում է, որ վիրուսը աշխարհով մեկ է տարածված, ուրեմն տեխնիկապես դրա ավարտի մասին դեռ վաղ է խոսել։ Իրականում կորոնավիրուսը չի էլ վերանա, բայց կգա մի պահ, երբ հիվանդացությունն այնքան կնվազի, որ մենք համավարակն արդեն իրավունք կունենանք անվանելու «սեզոնային ինֆեկցիա»՝ գրիպի նման»։ Փաստենք, որ առայժմ դեռ մեծ տարբերություն կա գրիպի և կորոնավիրուսի հետևանքների միջև։ Միացյալ նահանգներում, օրինակ, գրիպից տարեկան մահանում է 12-ից 50 հազար մարդ, իսկ կորոնավիրուսից միայն այս օգոստոսին, այսինքն՝ ընդամենը մեկ ամսում, մահացել է 15 հազար ամերիկացի։Հայաստանում ամեն երկրորդ մահացության դեպքը սրտանոթային հիվանդությունների պատճառով էԵվ այնուամենայնիվ, Առողջապահության համաշխարհային կազմակերպության ղեկավար Թեդրոս Հեբրեյեսուսը լավատես է։ «Աշխարհը,– ասում է նա,– ընդհուպ մոտեցել է համավարակի ավարտին՝ այն արդեն երևում է հորիզոնում, բայց դա մեզ չպետք է հանգստացնի։ Չէ՞ որ երբ դուք մասնակցում եք մարաթոնին և արդեն տեսնում եք վերջնագծի ժապավենը, որքան էլ հոգնած լինեք, չեք թուլացնում ձեր թափն ու ջանքերը, քաջ գիտակցելով, որ դա կարող է հանգեցնել պարտության։ Դուք մոբիլիզացնում եք ձեր բոլոր ուժերը։ Եվ հաղթում եք»։ Համաձայնե՛ք` Հեբրեյեսուսի այս խոսքերը միշտ հրատապ են։ Եվ ոչ միայն կորոնավիրուսի դեմ պայքարում։

https://arm.sputniknews.ru/20221003/hajastanum-kvorvonavirusi-910-nvor-depq-e-grancvel-mek-shabatum-8-mard-e-mahacel-varakic-49225236.html

2022

Լուրեր

am_HY

հայաստան, կորոնավիրուս, համավարակ, առողջապահության համաշխարհային կազմակերպություն (ահկ), պատվաստում, գրիպ, 5 րոպե դուլյանի հետ