https://arm.sputniknews.ru/20221005/hajkakan-apranqanishnery-rdum-tshanachvats-en-ev-pahanjvats-erevanum-cucahandes-e-bacvel--49354680.html
Հայկական ապրանքանիշները ՌԴ–ում ճանաչված են և պահանջված․ Երևանում ցուցահանդես է բացվել
Հայկական ապրանքանիշները ՌԴ–ում ճանաչված են և պահանջված․ Երևանում ցուցահանդես է բացվել
Sputnik Արմենիա
Ցուցահանդեսն անկասկած ներդրում ունի երկրների միջև առևտրատնտեսական համագործակցության մեջ։ 05.10.2022, Sputnik Արմենիա
2022-10-05T17:33+0400
2022-10-05T17:33+0400
2022-10-05T17:45+0400
ցուցահանդես
հայաստան
ռուսաստան
արտադրանք
արտահանում
էքսպո
https://cdn.am.sputniknews.ru/img/07e6/0a/05/49337209_0:0:1601:901_1920x0_80_0_0_70deffd80c32d1873448ce972c0ca7eb.jpg
ԵՐԵՎԱՆ, 5 հոկտեմբերի — Sputnik. Հայկական ապրանքանիշները, հատկապես մթերային, Ռուսաստանում ճանաչելի են և պահանջված։ Խոսքը ոչ միայն չրեր և պահածոներ արտադրողների, այլև թարմ մրգեր և բանջարեղեն մատակարարողների մասին է։ Տեղեկությունը լրագրողների հետ զրույցում հայտնեց Հայաստանում Ռուսաստանի Դաշնության առևտրային ներկայացուցիչ Աննա Դոնչենկոն՝ «Ռուսաստան– Հայաստան էքսպո– 2022» 9-րդ միջազգային արդյունաբերական ցուցահանդեսի բացմանը։Անդրադառնալով ներդրումային միջավայրի վրա երկրում ու մասնավորապես սահմանին անկայուն իրավիճակի ազդեցությանը՝ Դոնչենկոն նշեց, որ առևտրային ներկայացուցչությունը պատասխանատու է ու կշարունակի պատասխանատու լինել առևտրատնտեսական օրակարգի համար: Նրա խոսքով՝ լարվածության ֆոնին ցուցանիշները ոչ մի կերպ չեն փոխվել։ Ավելին` ապրանքաշրջանառության վերաբերյալ տվյալները վկայում են դրական դինամիկայի մասին։Նրա խոսքով՝ 2022 թվականի առաջին կիսամյակում Հայաստանի հետ Ռուսաստանի ապրանքաշրջանառությունը կազմել է 2 մլրդ դոլար, ինչը գերազանցում է նախորդ տարվա նույն ժամանակահատվածի ցուցանիշը գրեթե 50 տոկոսով: Ռուսաստանից Հայաստան արտահանումը նշված ժամանակահատվածում կազմել է 1,4 մլրդ դոլար (40,5% աճ)։ Հայաստանից Ռուսաստան ներկրումն ավելացել է 66,3 տոկոսով՝ կազմելով 0,6 մլրդ դոլար։Մեկնաբանելով էքսպոյի տիպի միջոցառումների դերը՝ Հայաստանում ՌԴ առևտրային ներկայացուցիչն ընդգծեց, որ դա հիանալի հարթակ է նոր հեռանկարային փոխհարաբերությունների, պայմանագրերի հաստատման համար: Դոնչենկոն խոստովանեց, որ մեծ հույսեր է կապում ցուցահանդեսի հետ, քանի որ այստեղ հիմնականում ներկայացված են ռուսական ընկերությունները: Ավելին`ավելի քան 100 մասնակիցներ կմասնակցեն առցանց տարբերակով։Նա վստահ է, որ հաշվի առնելով ապրանքաշրջանառության միտումները՝ հեռանկարները շատ մեծ են։Ընդ որում` Դոնչենկոն նշեց, որ առևտրային ներկայացուցչությունը դեպի Ռուսաստան հայկական ապրանքների արտահանման բազմաթիվ հարցումներ է ստանում:Ցուցահանդեսին Ռուսաստանը ներկայացնում են «ԿամԱԶ»-ը, «Ռեյլկոմպը», «IEK»-ը, «Սամարավոլգոմաշը», ՊՐՈՄՍԻՆՏԵԶ-ը և այլ ընկերություններ: Ռուսական համալսարանների և գիտական կազմակերպությունների ներկայացուցիչների թվում են Վորոնեժի և Սուրգուտի պետական համալսարանները, Բաշկիրիայի պետական մանկավարժական համալսարանը, Ռուսաստանի կառավարությանն առընթեր Ֆինանսական համալսարանը, Ռեանիմատոլոգիայի և ռեաբիլիտոլոգիայի կենտրոնը, «ԳԵՈՏԵԽ» ԳՊԿ-ն, «ՄԻԷՏ» ազգային հետազոտական համալսարանը:Հիշեցնենք, որ Երևանում հոկտեմբերի 5-7-ը անցկացվում է «Ռուսաստան– Հայաստան էքսպո– 2022» 9-րդ միջազգային արդյունաբերական ցուցահանդեսը: Դրա նպատակն է խորացնել Ռուսաստանի և Հայաստանի միջև տնտեսական, գիտատեխնիկական, մշակութային և քաղաքական համագործակցությունը, ինչպես նաև զարգացնել համատեղ բիզնես, առևտրատնտեսական և ներդրումային հարաբերությունները։ Միջոցառումն իրականացվում է Ռուսաստանի արտաքին գործերի նախարարության, Առևտրի նախարարության, տնտեսական զարգացման նախարարության, Էներգետիկայի նախարարության, Կրթության և գիտության նախարարության, գյուղատնտեսության նախարարության, Հայաստանի կառավարական, խորհրդարանական և գործարար շրջանակների, ինչպես նաև Ռուսաստանի Դաշնության ու Մոսկվայի առևտրաարդյունաբերական պալատների հովանու ներքո:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ցուցահանդես, հայաստան, ռուսաստան, արտադրանք, արտահանում, էքսպո
ցուցահանդես, հայաստան, ռուսաստան, արտադրանք, արտահանում, էքսպո
Հայկական ապրանքանիշները ՌԴ–ում ճանաչված են և պահանջված․ Երևանում ցուցահանդես է բացվել
17:33 05.10.2022 (Թարմացված է: 17:45 05.10.2022) Ցուցահանդեսն անկասկած ներդրում ունի երկրների միջև առևտրատնտեսական համագործակցության մեջ։
ԵՐԵՎԱՆ, 5 հոկտեմբերի — Sputnik. Հայկական ապրանքանիշները, հատկապես մթերային, Ռուսաստանում ճանաչելի են և պահանջված։ Խոսքը ոչ միայն չրեր և պահածոներ արտադրողների, այլև թարմ մրգեր և բանջարեղեն մատակարարողների մասին է։ Տեղեկությունը լրագրողների հետ զրույցում հայտնեց Հայաստանում Ռուսաստանի Դաշնության առևտրային ներկայացուցիչ Աննա Դոնչենկոն՝ «Ռուսաստան– Հայաստան էքսպո– 2022» 9-րդ միջազգային արդյունաբերական ցուցահանդեսի բացմանը։
«Հայաստանից ձկան 90 տոկոսը արտահանվում է, ու հիմնական սպառողները մենք ենք»,-ասաց Դոնչենկոն:
Անդրադառնալով ներդրումային միջավայրի վրա երկրում ու մասնավորապես սահմանին անկայուն իրավիճակի ազդեցությանը՝ Դոնչենկոն նշեց, որ առևտրային ներկայացուցչությունը պատասխանատու է ու կշարունակի պատասխանատու լինել առևտրատնտեսական օրակարգի համար: Նրա խոսքով՝ լարվածության ֆոնին ցուցանիշները ոչ մի կերպ չեն փոխվել։ Ավելին` ապրանքաշրջանառության վերաբերյալ տվյալները վկայում են դրական դինամիկայի մասին։
Նրա խոսքով՝ 2022 թվականի առաջին կիսամյակում Հայաստանի հետ Ռուսաստանի ապրանքաշրջանառությունը կազմել է 2 մլրդ դոլար, ինչը գերազանցում է նախորդ տարվա նույն ժամանակահատվածի ցուցանիշը գրեթե 50 տոկոսով: Ռուսաստանից Հայաստան արտահանումը նշված ժամանակահատվածում կազմել է 1,4 մլրդ դոլար (40,5% աճ)։ Հայաստանից Ռուսաստան ներկրումն ավելացել է 66,3 տոկոսով՝ կազմելով 0,6 մլրդ դոլար։
«Մենք մեծ ներուժ, փոխգործակցության դրական աստիճան ենք տեսնում։ Այսօրվա դրությամբ` դրական փոփոխություններից բացի ոչինչ չեմ տեսնում», - նշեց Դոնչենկոն։
Մեկնաբանելով էքսպոյի տիպի միջոցառումների դերը՝ Հայաստանում ՌԴ առևտրային ներկայացուցիչն ընդգծեց, որ դա հիանալի հարթակ է նոր հեռանկարային փոխհարաբերությունների, պայմանագրերի հաստատման համար: Դոնչենկոն խոստովանեց, որ մեծ հույսեր է կապում ցուցահանդեսի հետ, քանի որ այստեղ հիմնականում ներկայացված են ռուսական ընկերությունները: Ավելին`ավելի քան 100 մասնակիցներ կմասնակցեն առցանց տարբերակով։
Նա վստահ է, որ հաշվի առնելով ապրանքաշրջանառության միտումները՝ հեռանկարները շատ մեծ են։
Ընդ որում` Դոնչենկոն նշեց, որ առևտրային ներկայացուցչությունը դեպի Ռուսաստան հայկական ապրանքների արտահանման բազմաթիվ հարցումներ է ստանում:
«Մեզ դա շատ հետաքրքիր է, մեր ներմուծման պորտֆելը վաղուց լեփ-լեցուն է, հասունացել է ցուցահանդեսների անցկացման անհրաժեշտությունը, որտեղ կկենտրոնացվի հայկական արտադրանքը կամ միայն Հայաստանի ներուժը»,-ասաց Դոնչենկոն:
Ցուցահանդեսին Ռուսաստանը ներկայացնում են «ԿամԱԶ»-ը, «Ռեյլկոմպը», «IEK»-ը, «Սամարավոլգոմաշը», ՊՐՈՄՍԻՆՏԵԶ-ը և այլ ընկերություններ: Ռուսական համալսարանների և գիտական կազմակերպությունների ներկայացուցիչների թվում են Վորոնեժի և Սուրգուտի պետական համալսարանները, Բաշկիրիայի պետական մանկավարժական համալսարանը, Ռուսաստանի կառավարությանն առընթեր Ֆինանսական համալսարանը, Ռեանիմատոլոգիայի և ռեաբիլիտոլոգիայի կենտրոնը, «ԳԵՈՏԵԽ» ԳՊԿ-ն, «ՄԻԷՏ» ազգային հետազոտական համալսարանը:
Հիշեցնենք, որ Երևանում հոկտեմբերի 5-7-ը անցկացվում է «Ռուսաստան– Հայաստան էքսպո– 2022» 9-րդ միջազգային արդյունաբերական ցուցահանդեսը: Դրա նպատակն է խորացնել Ռուսաստանի և Հայաստանի միջև տնտեսական, գիտատեխնիկական, մշակութային և քաղաքական համագործակցությունը, ինչպես նաև զարգացնել համատեղ բիզնես, առևտրատնտեսական և ներդրումային հարաբերությունները։ Միջոցառումն իրականացվում է Ռուսաստանի արտաքին գործերի նախարարության, Առևտրի նախարարության, տնտեսական զարգացման նախարարության, Էներգետիկայի նախարարության, Կրթության և գիտության նախարարության, գյուղատնտեսության նախարարության, Հայաստանի կառավարական, խորհրդարանական և գործարար շրջանակների, ինչպես նաև Ռուսաստանի Դաշնության ու Մոսկվայի առևտրաարդյունաբերական պալատների հովանու ներքո:
