https://arm.sputniknews.ru/20220929/nvazagujn-ashkhatavardzi-bardzracumn-ajs-pahin-voreve-kerp-gnatshi-het-chi-khvosum-49101814.html
Նվազագույն աշխատավարձի բարձրացումն այս պահին որևէ կերպ գնաճի հետ «չի խոսում»
Նվազագույն աշխատավարձի բարձրացումն այս պահին որևէ կերպ գնաճի հետ «չի խոսում»
Sputnik Արմենիա
Հայաստանի աուդիտորների պալատի նախագահ, տնտեսագետ Նաիրի Սարգսյանը Sputnik Արմենիայի եթերում անդրադարձել է այն հարցին, թե նվազագույն աշխատավարձը 7000 դրամով... 29.09.2022, Sputnik Արմենիա
2022-09-29T23:16+0400
2022-09-29T23:16+0400
2022-10-10T13:17+0400
ռադիո
պոդկաստ
նպաստ
գնաճ
աշխատավարձ
հայաստան
տնտեսագետ
https://cdn.am.sputniknews.ru/img/07e6/09/1d/49089701_0:79:1600:979_1920x0_80_0_0_f88720fa4b8f4f743e3dbc30eb1539e7.jpg
Նվազագույն աշխատավարձի բարձրացումն այս պահին որևէ կերպ գնաճի հետ չի համակերպվում
Sputnik Արմենիա
Նվազագույն աշխատավարձի բարձրացումն այս պահին որևէ կերպ գնաճի հետ չի համակերպվում
Նվազագույն աշխատավարձը 7000 դրամով բարձրացնելու տնտեսագիտական հիմնավորումն ու այս պահի նպատակահարմարությունը խիստ վիճելի են։ Sputnik Արմենիայի հետ զրույցում նման կարծիք հայտնեց տնտեսագետ Նաիրի Սարգսյանը։ՀՀ կառավարությունն այսօրվա նիստում ընդունեց որոշում, ըստ որի` 2023թ–ի հունվարի 1-ից նվազագույն աշխատավարձը կբարձրանա` 68 000 դրամից դառնալով 75 000 դրամ։Սարգսյանի դիտարկմամբ` երկրորդ հանգամանքն այն է, որ նվազագույն աշխատավարձի այս չափով բարձրացումը տվյալ պահի դրությամբ որևէ կերպ չի կարող գնաճի հետ համեմատվել, քանի որ գնաճն առաջանցիկ է։«Կարևոր է հաշվի առնել, թե գնաճը հատկապես երբ է շատ բարձր լինում։ Անհրաժեշտ է պարբերաբար անցկացնել մոնիթորինգ ու հետևել միտումներին։ Իրականում, երբ ամսվա սկզբին բաշխում են աշխատավարձերը, սոցիալական նպաստներն ու թոշակները, այդ ժամանակ մանրածախ առևտրում տեղի է ունենում շեշտակի գնաճ, որն օրվա ընթացքում կարող է մի քանի անգամ տատանվել, իսկ ամսվա կեսից՝ որոշակիորեն նվազել։ Ճիշտ է, ամսական միջին գնաճը հայտարարվում է, բայց ծախսերի ամենաշատ կատարման ժամանակահատվածում գնաճը լինում է ոչ թե 8 կամ 9 տոկոս, այլ 20 կամ 30 տոկոս»,– պարզաբանեց Սարգսյանը։Նրա կարծիքով` եթե առաջնորդվենք պոպուլիստական մոտեցումներով, ապա կարելի է ասել, որ կառավարությունն ունի ռեսուրսներ նվազագույն աշխատավարձն ավելի շատ բարձրացնելու համար, բայց քննադատությունը, ըստ նրա, պետք է լինի օբյեկտիվ։Պետական աշխատավարձերը կավելանան, պարգևավճարները կնվազեն. ֆինանսների նախարար«Իրականում այս պահին չպետք է բարձրացվեր ոչ նվազագույն աշխատավարձը, ոչ էլ կենսաթոշակը։ Դրա համար պետք է ստեղծվի համարժեք տնտեսական պոտենցիալ։ Տնտեսությունն ամբողջ սոցիալական բեռը վերցնում է իր վրա և առաջիկա մեկ–երկու տարվա ընթացքում ամբողջ այդ բեռը կսպասարկի, բայց իրականում շուկայում կունենանք բոլորովին այլ պատկեր։ Այս պահին գործ ունենք բյուջետային միջոցների վատնման հետ, որովհետև Հայաստանի ներդրումային միջավայրի գրավչությունը խիստ վտանգված է։ Եթե կառավարությունը կարողանում է այս պահին որոշակի գումարներ հավաքագրել և դրանով իսկ սպասարկել ընթացիկ ծախսերը, ապա երկու–երեք տարի հետո կանգնելու է լուրջ խնդիրների առջև»,– ասաց տնտեսագետը։Նրա կարծիքով` ապագայում կառավարությունը չի կարողանալու սպասարկել ընթացիկ ծախսերը և ստիպված է լինելու պետական պարտք ներգրավել, որն իր հերթին հանգեցնելու է հարկադրույքների բարձրացման։ Ըստ նրա` մինչև չցուցաբերվի համակարգված մոտեցում, և բյուջետային ծախսերն ըստ նպատակայնության, ըստ կարևորության և ըստ տնտեսական էֆեկտի չդասակարգվեն, ապա կառավարության ոչ մի որոշում և ծախսային ոչ մի փոփոխություն չի կարելի համարել լուրջ։Հայաստանում տնտեսությունն աճում է, գնաճը` պահպանվումՆշենք, որ այս ծրագրված բարձրացման մասին ՀՀ վարչապետ Նիկոլ Փաշինյանը հայտարարել էր դեռ 2022թ–ի հունիսին, երբ կառավարությունը հաստատում էր կենսաթոշակների ու նպաստների ավելացման որոշումը։Հիշեցնենք, որ բազային կենսաթոշակներն ու հաշմանդամության նպաստները կառավարությունը սեպտեմբերի 1-ից բարձրացրել է 3000 դրամով։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պոդկաստ, նպաստ, գնաճ, աշխատավարձ, հայաստան, տնտեսագետ, аудио
պոդկաստ, նպաստ, գնաճ, աշխատավարձ, հայաստան, տնտեսագետ, аудио
Նվազագույն աշխատավարձի բարձրացումն այս պահին որևէ կերպ գնաճի հետ «չի խոսում»
23:16 29.09.2022 (Թարմացված է: 13:17 10.10.2022) Հայաստանի աուդիտորների պալատի նախագահ, տնտեսագետ Նաիրի Սարգսյանը Sputnik Արմենիայի եթերում անդրադարձել է այն հարցին, թե նվազագույն աշխատավարձը 7000 դրամով բարձրացնելը որքանով կփոխհատուցի շարունակական գնաճը։
Նվազագույն աշխատավարձը 7000 դրամով բարձրացնելու տնտեսագիտական հիմնավորումն ու այս պահի նպատակահարմարությունը խիստ վիճելի են։
Sputnik Արմենիայի հետ զրույցում նման կարծիք հայտնեց տնտեսագետ Նաիրի Սարգսյանը։
ՀՀ կառավարությունն այսօրվա
նիստում ընդունեց որոշում, ըստ որի` 2023թ–ի հունվարի 1-ից նվազագույն աշխատավարձը կբարձրանա` 68 000 դրամից դառնալով 75 000 դրամ։
«Հաշվարկը կատարվել է հետևյալ կերպ. քանի որ հայտարարված գնաճը մոտավորապես կազմում է 8-9 տոկոս ըստ տարբեր ամիսների, ապա այդ հաշվարկով էլ իրականացվել է նվազագույն աշխատավարձի բարձրացում, բայցևայնպես նման քայլի գնալուց առաջ պետք է կատարվեն բավականին լուրջ աշխատանքներ, որովհետև շատ դեպքերում նվազագույն աշխատավարձի վերանայումները կարող են խանգարել շուկայում ընդհանրապես աշխատավարձերի գնագոյացմանը»,– ասաց տնտեսագետը։
Սարգսյանի դիտարկմամբ` երկրորդ հանգամանքն այն է, որ նվազագույն աշխատավարձի այս չափով բարձրացումը տվյալ պահի դրությամբ որևէ կերպ չի կարող գնաճի հետ համեմատվել, քանի որ գնաճն առաջանցիկ է։
«Կարևոր է հաշվի առնել, թե գնաճը հատկապես երբ է շատ բարձր լինում։ Անհրաժեշտ է պարբերաբար անցկացնել մոնիթորինգ ու հետևել միտումներին։ Իրականում, երբ ամսվա սկզբին բաշխում են աշխատավարձերը, սոցիալական նպաստներն ու թոշակները, այդ ժամանակ մանրածախ առևտրում տեղի է ունենում շեշտակի գնաճ, որն օրվա ընթացքում կարող է մի քանի անգամ տատանվել, իսկ ամսվա կեսից՝ որոշակիորեն նվազել։ Ճիշտ է, ամսական միջին գնաճը հայտարարվում է, բայց ծախսերի ամենաշատ կատարման ժամանակահատվածում գնաճը լինում է ոչ թե 8 կամ 9 տոկոս, այլ 20 կամ 30 տոկոս»,– պարզաբանեց Սարգսյանը։
Նրա կարծիքով` եթե առաջնորդվենք պոպուլիստական մոտեցումներով, ապա կարելի է ասել, որ կառավարությունն ունի ռեսուրսներ նվազագույն աշխատավարձն ավելի շատ բարձրացնելու համար, բայց քննադատությունը, ըստ նրա, պետք է լինի օբյեկտիվ։
«Իրականում այս պահին չպետք է բարձրացվեր ոչ նվազագույն աշխատավարձը, ոչ էլ կենսաթոշակը։ Դրա համար պետք է ստեղծվի համարժեք տնտեսական պոտենցիալ։ Տնտեսությունն ամբողջ սոցիալական բեռը վերցնում է իր վրա և առաջիկա մեկ–երկու տարվա ընթացքում ամբողջ այդ բեռը կսպասարկի, բայց իրականում շուկայում կունենանք բոլորովին այլ պատկեր։ Այս պահին գործ ունենք բյուջետային միջոցների վատնման հետ, որովհետև Հայաստանի ներդրումային միջավայրի գրավչությունը խիստ վտանգված է։ Եթե կառավարությունը կարողանում է այս պահին որոշակի գումարներ հավաքագրել և դրանով իսկ սպասարկել ընթացիկ ծախսերը, ապա երկու–երեք տարի հետո կանգնելու է լուրջ խնդիրների առջև»,– ասաց տնտեսագետը։
Նրա կարծիքով` ապագայում կառավարությունը չի կարողանալու սպասարկել ընթացիկ ծախսերը և ստիպված է լինելու պետական պարտք ներգրավել, որն իր հերթին հանգեցնելու է հարկադրույքների բարձրացման։ Ըստ նրա` մինչև չցուցաբերվի համակարգված մոտեցում, և բյուջետային ծախսերն ըստ նպատակայնության, ըստ կարևորության և ըստ տնտեսական էֆեկտի չդասակարգվեն, ապա կառավարության ոչ մի որոշում և ծախսային ոչ մի փոփոխություն չի կարելի համարել լուրջ։
Նշենք, որ այս ծրագրված բարձրացման մասին ՀՀ վարչապետ Նիկոլ Փաշինյանը հայտարարել էր դեռ 2022թ–ի հունիսին, երբ կառավարությունը հաստատում էր կենսաթոշակների ու նպաստների ավելացման որոշումը։
Հիշեցնենք, որ բազային կենսաթոշակներն ու հաշմանդամության նպաստները կառավարությունը սեպտեմբերի 1-ից բարձրացրել է 3000 դրամով։
