https://arm.sputniknews.ru/20220929/ajspisi-hvokej-e-mez-petq-hajastanum-arajin-angam-sirvoghakan-mrcashar-e-anckacvel-49110251.html

Այսպիսի հոկեյ է մեզ պետք. Հայաստանում առաջին անգամ սիրողական մրցաշար անցկացվեց

Այսպիսի հոկեյ է մեզ պետք. Հայաստանում առաջին անգամ սիրողական մրցաշար անցկացվեց

Sputnik Արմենիա

Հայաստանում մտադիր են լրջորեն զարգացնել հոկեյը, կարծում են, որ երկրում ներուժ կա։ 29.09.2022, Sputnik Արմենիա

2022-09-29T19:15+0400

2022-09-29T19:15+0400

2022-09-29T20:45+0400

հայաստան

հոկեյ

սպորտ

https://cdn.am.sputniknews.ru/img/07e6/09/1d/49093921_0:0:1600:901_1920x0_80_0_0_85b4ef0f0ca1aab1139fde5128d5cb23.jpg

ԵՐԵՎԱՆ, 29 սեպտեմբերի – Sputnik. Երևանում տեղի ունեցավ հոկեյի առաջին մրցաշարի պաշտոնական բացումը` Հայաստանի և Ռուսաստանի հավաքականների մասնակցությամբ: Իրադարձությունը արտառոց է, որովհետև Հայաստանում քչերը գիտեն, որ կա թիմ, որը ոչ միայն հոկեյ է խաղում (թեկուզ սիրողական մակարդակով), այլև մասնակցում է մրցաշարին։Ինչպես լրագրողների հետ զրույցում ասաց «Երևանի առյուծներ» թիմի մարզիչ Արմեն Սարգսյանը, թիմը ստեղծվել է 2016 թվականին:«Թիմում տարբեր մասնագիտությունների ներկայացուցիչներ կան: Կազմը համալրվում էր և փոփոխվում», - ասաց Սարգսյանը։Նրա խոսքով` մեր երկրի բնակչության 95 տոկոսը չգիտի, որ Հայաստանում հոկեյ խաղացողներ կան: Սարգսյանը նշեց, որ կա հոկեյի թիմ, որը համալրված է հաշմանդամություն ունեցող խաղացողներով, առաջիկայում այն կմասնակցի աշխարհի առաջնությանը: Մարզիչն ընդգծեց, որ դա միակ նման թիմն է տարածաշրջանում:Ռուսական «Պերցի» թիմի ավագ Վիկտոր Կուլիկովն իր հերթին ընդգծեց, որ իրենք առաջին անգամ են մասնակցում Երևանում կազմակերպված մրցաշարին:«Անձամբ ես երկրորդ անգամ եմ Երևանում, տղաներից շատերը 5-10 անգամ եկել են այստեղ: Մենք սիրողական խաղացողներ ենք. մեր շարքերում ձեռնարկատերեր կան, ճարտարապետներ, դիզայներներ, բիզնեսմեններ, դասախոսներ, ինժեներներ, մարզիկներ»,- ասաց Կուլիկովը։Նրա խոսքով` թիմը մասնակցել է բազմաթիվ միջազգային մրցաշարերի։ Այն դեռ 2000-ականների սկզբին է ձևավորվել։ Կուլիկովը նշեց, որ կողմ է հոկեյի զարգացմանը, կարծում է, որ պետք է ընդլայնել մտահորիզոնը։Կուլիկովը համարում է, որ հոկեյը հետաքրքիր մարզաձև է, զգացմունքային, ինչպես Հայաստանի ժողովուրդը։ Նրա խոսքով` այս մարզաձևը մարդու մեջ զարգացնում է մարտական հատկությունները, սովորեցնում թիմում խաղալու ունակությունը: Հոկեյը փոքր պատերազմ է, իսկ պատերազմելու համար պետք է պատրաստ լինել ֆիզիկապես և հոգեբանորեն:«Մոսկվայի տուն» մշակութային–գործարար կենտրոնի գլխավոր տնօրեն Վահրամ Կարապետյանն էլ լրագրողների հետ զրույցում նշեց, որ մրցաշարը կազմակերպելու գաղափարը պատկանում է Երևանի «Մոսկվայի տանը»:«Կփորձենք այնպես անել, որ այս մրցաշարն ամենամյա դառնա, ինչպես նաև կընդլայնենք թիմերի մասնակիցների աշխարհագրությունը»,- ասաց Կարապետյանը։Նրա խոսքով` «Մոսկվայի տունը» ամեն ինչ կանի Հայաստանում այդ մարզաձևի զարգացման և պահպանման համար։Նշենք, որ մրցաշարն անցկացվում է Երևանի գեղասահքի և հոկեյի մարզադպրոցում: Առաջին օրը ելույթ կունենան նաև գեղասահքի դպրոցի սաները: Սեպտեմբերի 30-ին` ժամը 14:00-ին, տեղի կունենա վերջին խաղն ու պարգևատրումը: Մրցանակային տեղեր զբաղեցրած թիմերին կստանան գավաթներ, մեդալներ և դիպլոմներ:

https://arm.sputniknews.ru/20220929/khvoakin-kaparvosy-heranum-e-hffn-dadarecnum-e-nra-het-hamagvortsakcutjuny-49074486.html

2022

Լուրեր

am_HY

հայաստան, հոկեյ, սպորտ