https://arm.sputniknews.ru/20220924/rusastanum-qreakan-patizh-e-sahmanvum-dasalqutjan-ev-kamavvor-geri-handznvelu-hamar-48840060.html
Ռուսաստանում քրեական պատիժ է սահմանվում դասալքության և կամավոր գերի հանձնվելու համար
Ռուսաստանում քրեական պատիժ է սահմանվում դասալքության և կամավոր գերի հանձնվելու համար
Sputnik Արմենիա
Մասնակի զորահավաք անցկացնելու մասին հրամանագրից երեք օր անց Ռուսաստանի նախագահը ստորագրել է զինվորական ծառայությանը վերաբերող փոփոխությունների փաթեթը: 24.09.2022, Sputnik Արմենիա
2022-09-24T18:27+0400
2022-09-24T18:27+0400
2022-09-24T18:45+0400
ռուսաստան
դասալիք
զորահավաք
քրեական գործ
պատիժ
https://cdn.am.sputniknews.ru/img/07e6/09/18/48837399_0:128:3033:1834_1920x0_80_0_0_1fc0334d4dfaa9d683062758a9687f18.jpg
ԵՐԵՎԱՆ, 24 սեպտեմբերի - Sputnik. ՌԴ նախագահ Վլադիմիր Պուտինը ստորագրել է ՌԴ Քրեական օրենսգրքում փոփոխություններ կատարելու մասին օրենքները, որոնք նախատեսում են մինչև 10 տարվա ազատազրկում գերի հանձնվելու համար։ Պատիժ է նախատեսված նաև դիակապտության ու թալանի համար։ Համապատասխան փաստաթուղթը հրապարակվել է իրավական տեղեկատվության պաշտոնական ինտերնետ-պորտալում:Նոր փոփոխություններով 3–10 տարի ժամկետով քրեական պատասխանատվություն է սահմանվում կամավոր գերի հանձնվելու համար, եթե բացակայում են «պետական դավաճանության» հոդվածով նախատեսված հանցագործության հատկանիշները:Պատիժ է նախատեսվում նաև զինծառայողների դասալքության կամ զորակոչով ծառայության չներկայանալու համար։ Պահեստազորում գտնվող քաղաքացիները զինվորական հավաքներ անցնելու ժամանակ կկրեն նույն քրեական պատասխանատվությունը, ինչ սահմանված է պայմանագրով զինվորական ծառայություն անցնող զինծառայողների համար:Ընդ որում` նշվում է, որ զինծառայողը կարող է ազատվել ծառայության չներկայանալու կամ դասալքության համար քրեական պատասխանատվությունից, եթե «զորամասը կամ ծառայության վայրն ինքնակամ թողնելը, ինչպես նաև առանց հարգելի պատճառների ժամանակին ծառայության չներկայանալը ծանր հանգամանքների հետ համընկնելու հետևանք են»։Քրեական պատասխանատվություն է սահմանվում նաև կողոպուտի համար (մինչեւ 15 տարի), պետական պաշտպանական պատվերի պայմանագրի պայմանների կրկնակի խախտման համար 4-ից մինչև 8 տարի գաղութում, իսկ եթե խնդիրը չի կատարվել կամ վնասը կազմել է առնվազն 5 միլիոն ռուբլի` 5-ից մինչև 10 տարի ժամկետով, պետական պաշտպանական պատվերի պայմանագրի կնքումից կրկնակի հրաժարվելու համար (4-ից մինչև 8 տարի):Հիշեցնենք՝ ՌԴ նախագահի հրամանագրով սեպտեմբերի 21-ից մասնակի զորահավաք է հայտարարվել։ ՌԴ ՊՆ նախարար Սերգեյ Շոյգուի խոսքով՝ ընդհանուր առմամբ զորակոչվելու է 300 հազար պահեստազորային. դա ՌԴ մոբիլիզացիոն ռեսուրսի 1%-ն է։Փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Ուկրաինայում մարտական գործողություններն ընթանում են արդեն 212-րդ օրը։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, դասալիք, զորահավաք, քրեական գործ, պատիժ
ռուսաստան, դասալիք, զորահավաք, քրեական գործ, պատիժ
Ռուսաստանում քրեական պատիժ է սահմանվում դասալքության և կամավոր գերի հանձնվելու համար
18:27 24.09.2022 (Թարմացված է: 18:45 24.09.2022) Մասնակի զորահավաք անցկացնելու մասին հրամանագրից երեք օր անց Ռուսաստանի նախագահը ստորագրել է զինվորական ծառայությանը վերաբերող փոփոխությունների փաթեթը:
ԵՐԵՎԱՆ, 24 սեպտեմբերի - Sputnik. ՌԴ նախագահ Վլադիմիր Պուտինը ստորագրել է ՌԴ Քրեական օրենսգրքում փոփոխություններ կատարելու մասին օրենքները, որոնք նախատեսում են մինչև 10 տարվա ազատազրկում գերի հանձնվելու համար։ Պատիժ է նախատեսված նաև դիակապտության ու թալանի համար։ Համապատասխան փաստաթուղթը հրապարակվել է իրավական տեղեկատվության պաշտոնական ինտերնետ-պորտալում:
Նոր փոփոխություններով 3–10 տարի ժամկետով քրեական պատասխանատվություն է սահմանվում կամավոր գերի հանձնվելու համար, եթե բացակայում են «պետական դավաճանության» հոդվածով նախատեսված հանցագործության հատկանիշները:
Պատիժ է նախատեսվում նաև զինծառայողների դասալքության կամ զորակոչով ծառայության չներկայանալու համար։ Պահեստազորում գտնվող քաղաքացիները զինվորական հավաքներ անցնելու ժամանակ կկրեն նույն քրեական պատասխանատվությունը, ինչ սահմանված է պայմանագրով զինվորական ծառայություն անցնող զինծառայողների համար:
Ընդ որում` նշվում է, որ զինծառայողը կարող է ազատվել ծառայության չներկայանալու կամ դասալքության համար քրեական պատասխանատվությունից, եթե «զորամասը կամ ծառայության վայրն ինքնակամ թողնելը, ինչպես նաև առանց հարգելի պատճառների ժամանակին ծառայության չներկայանալը ծանր հանգամանքների հետ համընկնելու հետևանք են»։
Քրեական պատասխանատվություն է սահմանվում նաև կողոպուտի համար (մինչեւ 15 տարի), պետական պաշտպանական պատվերի պայմանագրի պայմանների կրկնակի խախտման համար 4-ից մինչև 8 տարի գաղութում, իսկ եթե խնդիրը չի կատարվել կամ վնասը կազմել է առնվազն 5 միլիոն ռուբլի` 5-ից մինչև 10 տարի ժամկետով, պետական պաշտպանական պատվերի պայմանագրի կնքումից կրկնակի հրաժարվելու համար (4-ից մինչև 8 տարի):
Հիշեցնենք՝ ՌԴ նախագահի հրամանագրով սեպտեմբերի 21-ից
մասնակի զորահավաք է հայտարարվել։ ՌԴ ՊՆ նախարար Սերգեյ Շոյգուի խոսքով՝ ընդհանուր առմամբ զորակոչվելու է 300 հազար պահեստազորային. դա ՌԴ մոբիլիզացիոն ռեսուրսի 1%-ն է։
Փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 212-րդ օրը։
