https://arm.sputniknews.ru/20220921/voreve-erkir-rdin-chi-sparnacel-bajdenn-arajarkel-e-avelacnel-akh-andamneri-tivy-48708792.html
Որևէ երկիր ՌԴ–ին չի սպառնացել. Բայդենն առաջարկել է ավելացնել ՄԱԿ–ի ԱԽ անդամների թիվը
Որևէ երկիր ՌԴ–ին չի սպառնացել. Բայդենն առաջարկել է ավելացնել ՄԱԿ–ի ԱԽ անդամների թիվը
Sputnik Արմենիա
ԱՄՆ նախագահը խոսել է Պուտինի վերջին հայտարարությունների, Ուկրաինային օգնելու մասին, հիշել պարենային ճգնաժամը, անդրադարձել Իրանին ու Չինաստանին։ 21.09.2022, Sputnik Արմենիա
2022-09-21T20:56+0400
2022-09-21T20:56+0400
2022-09-21T21:00+0400
ամն
ռուսաստան
ջո բայդեն
չինաստան
իրանի իսլամական հանրապետություն
միջուկային զենք
https://cdn.am.sputniknews.ru/img/07e6/09/15/48704959_0:0:1601:901_1920x0_80_0_0_5f3a3aadd4d7ead8f2d351884e258cb2.jpg
ԵՐԵՎԱՆ, 21 սեպտեմբերի – Sputnik. ԱՄՆ նախագահ Ջո Բայդենը ՄԱԿ–ի ԳՎ–ի ամբիոնից հայտարարել է, որ որևէ երկիր ՌԴ–ին չի սպառնացել։ Նա մեղադրել է Մոսկվային ՄԱԿ–ի կանոնադրությունն անտեսելու և միջուկային սպառնալիք ստեղծելու մեջ։ՌԴ նախագահ Վլադիմիր Պուտինն այսօր ժողովրդին ուղղված իր ուղերձում ասել է. «Նրանք, ովքեր փորձում են մեզ շանտաժի ենթարկել միջուկային զենքով, պետք է իմանան, որ քամիները կարող են շրջվել իրենց կողմ»։Խոսելով ուկրաինական ճգնաժամի մասին` նա ընդգծել է, որ ԱՄՆ–ն փորձել է կանխել սրացումը և շարունակելու է համերաշխություն դրսևորել Ուկրաինայի նկատմամբ։«ԱՄՆ–ն ուզում է, որ ռազմական հակամարտությունը արդար պայմաններով ավարտվի, այն պայմաններով, որի տակ բոլորս կստորագրեինք», – հավելել է Բայդենը։ԱՄՆ նախագահը հաստատել է, որ իր երկիրը չի պատրաստվում ճանաչել Դոնբասում և ՌԴ վերահսկողության տակ գտնվող Խերսոնի և Զապորոժիեի մարզերում կայանալիք հանրաքվեի արդյունքները։Նա շեշտել է` ՌԴ առաջնորդի` Եվրոպային ուղղված միջուկային սպառնալիքներով հայտարարությունն անտեսում է միջուկային զենքի չտարածման պարտավորությունները։Ըստ Բայդենի` ԱՄՆ–ն մտադիր է սպառազինության հսկողության հետ կապված միջոցներ ձեռնարկել` անկախ երկրում տիրող իրավիճակից։ԱՄՆ-ն լուրջ է ընդունում միջուկային զենքի վերաբերյալ Պուտինի խոսքերը. Սպիտակ տուն«Թո՛ւյլ տվեք դիվանագիտության օգնությամբ հորդորել բոլոր երկրներին հաստատել իրենց համերաշխությունը միջուկային չտարածման ռեժիմն ամրապնդելու հարցում։ Անկախ նրանից, թե ինչ է կատարվում աշխարհում, ԱՄՆ–ն պատրաստ է ծայրահեղ կարևոր միջոցներ ձեռնարկել սպառազինության նկատմամբ վերահսկողություն հաստատելու համար», – ասել է նա։Նա նաև հանդես է եկել ՄԱԿ–ի ԱԽ–ի ինչպես մշտական, այնպես էլ ոչ մշտական անդամների թվաքանակն ավելացնելու օգտին։Բայդենի խոսքով` ՄԱԿ–ը պետք է ավելի ներառական դառնա, այնպես, որ համապատասխանի ժամանակակից աշխարհի պահանջներին։«ՄԱԿ–ի ԱԽ անդամները, այդ թվում` ԱՄՆ–ն, պետք է մշտապես պահպանեն և պաշտպանեն ՄԱԿ–ի կանոնադրությունը, ինչպես նաև զերծ մնան վետոյի կիրառման իրավունքից, բացի եզակի, ծայրահեղ իրավիճակներից` ԱԽ–ի արդյունավետությունն ապահովելու համար», – հայտարարել է ԱՄՆ առաջնորդը։Ըստ նրա` Միացյալ Նահանգները հասնելու է նրան, որ մյուս երկրները էներգառեսուրսները չօգտագործեն որպես զենք, և կոչ է արել երկարաձգել ուկրաինական հացահատիկի արտահանման գործարքը։Այդ առնչությամբ Բայդենը հայտարարել է, որ այս տարի ևս 2.9 մլրդ դոլար կհատկացվի մարդասիրական և պարենային անվտանգության ապահովման համար։ Այսօր աշխարհում մոտ 193 մլն մարդ պարենային հասանելիության լուրջ խնդիրներ ունի, և պատերազմն ավելի է վատթարացնում իրավիճակը։«Միայն Ռուսաստանը կարող է դրան վերջ դնել»,– համոզմունք է հայտնել ԱՄՆ նախագահը։Նա անդրադարձել է նաև Իրանին և ընդգծել` ԱՄՆ–ն երբեք թույլ չի տա, որ այդ երկիրը միջուկային զենք ունենա, սակայն հավատում է, որ դիվանագիտությունն այդ նպատակին հասնելու լավագույն միջոցն է։ Սպիտակ տան ղեկավարի մեկ այլ կարևոր հայտարարություն էլ վերաբերել է Չինաստանին. «Մենք սառը պատերազմի չենք ձգտում։ Որևէ երկրի մենք չենք խնդրում ընտրություն կատարել Միացյալ Նահանգների կամ որևէ այլ գործընկերոջ միջև»։ՆԱՏՕ-ն ՌԴ միջուկային ուժերի պատրաստվածության մեջ փոփոխություններ չի տեսնում. Ստոլտենբերգ
ամն
չինաստան
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամն, ռուսաստան, ջո բայդեն, չինաստան, իրանի իսլամական հանրապետություն, միջուկային զենք
ամն, ռուսաստան, ջո բայդեն, չինաստան, իրանի իսլամական հանրապետություն, միջուկային զենք
Որևէ երկիր ՌԴ–ին չի սպառնացել. Բայդենն առաջարկել է ավելացնել ՄԱԿ–ի ԱԽ անդամների թիվը
20:56 21.09.2022 (Թարմացված է: 21:00 21.09.2022) ԱՄՆ նախագահը խոսել է Պուտինի վերջին հայտարարությունների, Ուկրաինային օգնելու մասին, հիշել պարենային ճգնաժամը, անդրադարձել Իրանին ու Չինաստանին։
ԵՐԵՎԱՆ, 21 սեպտեմբերի – Sputnik. ԱՄՆ նախագահ Ջո Բայդենը ՄԱԿ–ի ԳՎ–ի ամբիոնից հայտարարել է, որ որևէ երկիր ՌԴ–ին չի սպառնացել։ Նա մեղադրել է Մոսկվային ՄԱԿ–ի կանոնադրությունն անտեսելու և միջուկային սպառնալիք ստեղծելու մեջ։
ՌԴ նախագահ Վլադիմիր Պուտինն այսօր ժողովրդին ուղղված
իր ուղերձում ասել է. «Նրանք, ովքեր փորձում են մեզ շանտաժի ենթարկել միջուկային զենքով, պետք է իմանան, որ քամիները կարող են շրջվել իրենց կողմ»։
«Ռուսաստանն անամոթաբար խախտել է ՄԱԿ կանոնադրության հիմնական սկզբունքները... Ոչ ոք Ռուսաստանին չի սպառնացել, ոչ ոք նրա հետ կոնֆլիկտ չի փնտրել», - ասել է Բայդենը։
Խոսելով ուկրաինական ճգնաժամի մասին` նա ընդգծել է, որ ԱՄՆ–ն փորձել է կանխել սրացումը և շարունակելու է համերաշխություն դրսևորել Ուկրաինայի նկատմամբ։
«ԱՄՆ–ն ուզում է, որ ռազմական հակամարտությունը արդար պայմաններով ավարտվի, այն պայմաններով, որի տակ բոլորս կստորագրեինք», – հավելել է Բայդենը։
ԱՄՆ նախագահը հաստատել է, որ իր երկիրը չի պատրաստվում ճանաչել Դոնբասում և ՌԴ վերահսկողության տակ գտնվող Խերսոնի և Զապորոժիեի մարզերում կայանալիք հանրաքվեի արդյունքները։
Նա շեշտել է` ՌԴ առաջնորդի` Եվրոպային ուղղված միջուկային սպառնալիքներով հայտարարությունն անտեսում է միջուկային զենքի չտարածման պարտավորությունները։
Ըստ Բայդենի` ԱՄՆ–ն մտադիր է սպառազինության հսկողության հետ կապված միջոցներ ձեռնարկել` անկախ երկրում տիրող իրավիճակից։
«Թո՛ւյլ տվեք դիվանագիտության օգնությամբ հորդորել բոլոր երկրներին հաստատել իրենց համերաշխությունը միջուկային չտարածման ռեժիմն ամրապնդելու հարցում։ Անկախ նրանից, թե ինչ է կատարվում աշխարհում, ԱՄՆ–ն պատրաստ է ծայրահեղ կարևոր միջոցներ ձեռնարկել սպառազինության նկատմամբ վերահսկողություն հաստատելու համար», – ասել է նա։
Նա նաև հանդես է եկել ՄԱԿ–ի ԱԽ–ի ինչպես մշտական, այնպես էլ ոչ մշտական անդամների թվաքանակն ավելացնելու օգտին։
Բայդենի խոսքով` ՄԱԿ–ը պետք է ավելի ներառական դառնա, այնպես, որ համապատասխանի ժամանակակից աշխարհի պահանջներին։
«ՄԱԿ–ի ԱԽ անդամները, այդ թվում` ԱՄՆ–ն, պետք է մշտապես պահպանեն և պաշտպանեն ՄԱԿ–ի կանոնադրությունը, ինչպես նաև զերծ մնան վետոյի կիրառման իրավունքից, բացի եզակի, ծայրահեղ իրավիճակներից` ԱԽ–ի արդյունավետությունն ապահովելու համար», – հայտարարել է ԱՄՆ առաջնորդը։
Ըստ նրա` Միացյալ Նահանգները հասնելու է նրան, որ մյուս երկրները էներգառեսուրսները չօգտագործեն որպես զենք, և կոչ է արել երկարաձգել ուկրաինական հացահատիկի արտահանման գործարքը։
Այդ առնչությամբ Բայդենը հայտարարել է, որ այս տարի ևս 2.9 մլրդ դոլար կհատկացվի մարդասիրական և պարենային անվտանգության ապահովման համար։ Այսօր աշխարհում մոտ 193 մլն մարդ պարենային հասանելիության լուրջ խնդիրներ ունի, և պատերազմն ավելի է վատթարացնում իրավիճակը։
«Միայն Ռուսաստանը կարող է դրան վերջ դնել»,– համոզմունք է հայտնել ԱՄՆ նախագահը։
Նա անդրադարձել է նաև Իրանին և ընդգծել` ԱՄՆ–ն երբեք թույլ չի տա, որ այդ երկիրը միջուկային զենք ունենա, սակայն հավատում է, որ դիվանագիտությունն այդ նպատակին հասնելու լավագույն միջոցն է։ Սպիտակ տան ղեկավարի մեկ այլ կարևոր հայտարարություն էլ վերաբերել է Չինաստանին. «Մենք սառը պատերազմի չենք ձգտում։ Որևէ երկրի մենք չենք խնդրում ընտրություն կատարել Միացյալ Նահանգների կամ որևէ այլ գործընկերոջ միջև»։
