https://arm.sputniknews.ru/20220916/petq-e-tarerajnvoren-durs-gal-pvoghvoc-qaghaqacinery-karavarutjan-mvotic-sharzhvecin-depi-azh-48379480.html

Պետք է տարերայնորեն դուրս գալ փողոց. քաղաքացիները կառավարության մոտից շարժվեցին դեպի ԱԺ

Պետք է տարերայնորեն դուրս գալ փողոց. քաղաքացիները կառավարության մոտից շարժվեցին դեպի ԱԺ

Sputnik Արմենիա

ՀՀ կառավարության շենքի մոտ հավաքվել էին քաղաքացիներ, որոնք պահանջում էին Փաշինյանի հրաժարականը։ Նրանք հիմա գնում են Ազգային ժողովի մոտ` շարունակելու իրենց... 16.09.2022, Sputnik Արմենիա

2022-09-16T10:22+0400

2022-09-16T10:22+0400

2022-09-16T10:28+0400

բողոքի ակցիա

հայաստան

ադրբեջան

հայ-ադրբեջանական

սահման

սահմանային խախտումներ. իրադրությունը սյունիքում և գեղարքունիքում

կարին տոնոյան

ավետիք չալաբյան

հհ կառավարություն

աժ (ազգային ժողով)

https://cdn.am.sputniknews.ru/img/07e6/09/10/48377199_0:47:1600:947_1920x0_80_0_0_c1e68defda79c15582eb515f2529ca50.jpg

ԵՐԵՎԱՆ, 16 սեպտեմբերի – Sputnik. ՀՀ կառավարության շենքի մոտ հավաքվել են քաղաքացիներ, որոնք պահանջում են Փաշինյանի հրաժարականը։Նշենք, որ քաղաքացիներն արդեն 3 օր է բողոքի ակցիաներ են իրականացնում։ Այս ամենը սկսվել է այն բանից հետո, երբ ադրբեջանական զինված ուժերը հարձակվեցին Հայաստանին ինքնիշխան տարածքի վրա, իսկ խորհրդարանում Փաշինյանը հայտարարեց, որ հայկական կողմն ուզում է ստորագրել մի թուղթ, որի արդյունքում շատերն իրենց դավաճան կանվանեն, ժողովուրդը գուցե որոշի հեռացնել նրանց իշխանությունից, սակայն իրենք գոհ ու շնորհակալ կլինեն, որ Հայաստանը 29 800 քկմ տարածքով տևական խաղաղություն կստանա։«Համախմբում» շարժման ղեկավարներից մեկը` Մենուա Սողոմոնյանը, լրագրողների հետ զրույցում կոչ արեց հայրենակիցներին տարերային կերպով դուրս գալ փողոց և խաղաղ անհնազանդության ակցիաներ անել։«Մարզերի բնակիչները կարող են փակել մարզպետարանները, համայնքապետարանները, Երևանում էլ բազմաթիվ են պետական հաստատությունները, ինչպես նաև այս իշխանություններին սպասարկող լրատվամիջոցները։ Ցանկալի է այդ ամենն իրականացնել առավոտյան ժամերին, որպեսզի բնականոն աշխատանքները խաթարվեն»,– նշեց Սողոմոնյանը։44-օրյա պատերազմում զոհված Մենուա Հովհաննիսյանի մայրը` Կարին Տոնոյանն էլ հորդորեց քաղաքացիներին գործադուլ անել, պայքարել։«Արար» հիմնադրամի համահիմնադիր, հասարակական գործիչ Ավետիք Չալաբյանն էլ ընդգծեց, որ պետք է հանել Փաշինյանին, քանի որ վերջինս աշխատում է ՀՀ շահերի դեմ։ Չալաբյանը նշում է, որ բանակի դիմադրելու շնորհիվ է, որ Սյունիքի մարզը շարունակում է ՀՀ հսկողության տակ գտնվել։«Հայաստանում գլխավոր իշխանափոխությունը եղել է Խորհրդային Միության փլուզումից հետո` փողոցում։ Այսօր էլ պետք է նոր իշխանությունը ձևավորել փողոցում։ Ամեն ինչ պետք է լինի կազմակերպված կառույցների տեսքով, մենք էլ աշխատում ենք, որպեսզի ամեն ինչ լինի հավուր պատշաճի։ Այդ ամենը հեշտ ու արագ չի լինի, սակայն կարող ենք անել»,– ասաց հասարակական գործիչը։Նշենք նաև, որ կառավարության շենքի մոտ և Հանրապետության հրապարակի շրջակայքում կան բազմաթիվ ոստիկանական ուժեր։Հիշեցնենք, որ սեպտեմբերի 13-ին, ժամը 00:05-ից Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:Սեպտեմբերի 14-ին ադրբեջանցիները կրկին հրետակոծել են Ջերմուկն ու Վերին Շորժան, իսկ ավելի ուշ մարտերը վերսկսվել են նաև Սյունիքի մարզի Իշխանասարի հատվածում։Նիկոլ Փաշինյանը խորհրդարանում հարցուպատասխանի ժամանակ հայտնել է, որ սեպտեմբերի 14–ի դրությամբ հայկական կողմն ունի 105 զոհ։Սեպտեմբերի 14–ի երեկոյան ժամը 8–ից հայ–ադրբեջանական սահմանի երկայնքով պահպանվում է հրադադարի ռեժիմը։

ադրբեջան

2022

Լուրեր

am_HY

բողոքի ակցիա, հայաստան, ադրբեջան, հայ-ադրբեջանական, սահման, սահմանային խախտումներ. իրադրությունը սյունիքում և գեղարքունիքում, կարին տոնոյան, ավետիք չալաբյան, հհ կառավարություն, աժ (ազգային ժողով)