https://arm.sputniknews.ru/20220915/nebenzjan-karevvorel-e-hajastani-u-adrbejani-zinvvorakannerin-elman-keter-veradardznely-48363075.html
Նեբենզյան կարևորել է Հայաստանի ու Ադրբեջանի զինվորականներին ելման կետեր վերադարձնելը
Նեբենզյան կարևորել է Հայաստանի ու Ադրբեջանի զինվորականներին ելման կետեր վերադարձնելը
Sputnik Արմենիա
Ռուսական կողմն անընդունելի է համարում Հայաստանի ու Ադրբեջանի միջև խնդիրների լուծման ուժային սցենարը։ 15.09.2022, Sputnik Արմենիա
2022-09-15T19:48+0400
2022-09-15T19:48+0400
2022-09-15T19:52+0400
ադրբեջանի ագրեսիան հայաստանի դեմ
միավորված ազգերի կազմակերպություն (մակ)
վասիլի նեբենզյա
հայաստան
ադրբեջան
հայ-ադրբեջանական
սահման
սահմանային խախտումներ. իրադրությունը սյունիքում և գեղարքունիքում
https://cdn.am.sputniknews.ru/img/1137/68/11376856_0:57:2895:1685_1920x0_80_0_0_be1ae03fc63a409c61f05257c1c3c481.jpg
ԵՐԵՎԱՆ, 15 սեպտեմբերի — Sputnik. Ռուսաստանը խիստ մտահոգված է հայ-ադրբեջանական սահմանի առանձին հատվածներում իրավիճակի կտրուկ սրմամբ։ Տեղեկությունը հայտնել է ՄԱԿ-ում ՌԴ մշտական ներկայացուցիչ Վասիլի Նեբենզյան ՄԱԿ-ի անվտանգության խորհրդի նիստում, որը գումարվել է Ֆրանսիայի նախաձեռնությամբ՝ ադրբեջանական ագրեսիայի կապակցությամբ։Նեբենզյայի խոսքով՝ էսկալացիայի հետևանքով մեծ թվով զինծառայողներ են զոհվել, խաղաղ բնակչության շրջանում էլ տուժածներ կան:Նա ավելացրել է, որ իրավիճակի կայունացման նպատակով Ռուսաստանի ղեկավարությունը սերտ կապի մեջ է Երևանի և Բաքվի հետ: Իսկ ռուս զինվորականները շփումներ են պահպանում Հայաստանի ու Ադրբեջանի գործընկերների հետ՝ կայուն հրադադարի հասնելու և հայ ու ադրբեջանցի զինծառայողներին ելման դիրքեր վերադարձնելու նպատակով։Նեբենզյայի խոսքով՝ Մոսկվան նախկինի պես ելնում է այն բանից, որ Հայաստանի ու Ադրբեջանի միջև բոլոր տարաձայնությունները պետք է կարգավորվեն բանակցությունների միջոցով, խաղաղ ճանապարհով: Իսկ սահմանային հարցերը՝ սահմանազատման հանձնաժողովների աշխատանքի շրջանակում՝ Ռուսաստանի խորհրդատվական աջակցությամբ։ Մոսկվան պատրաստ է ներկայացնել իր փորձը, տրամադրել քարտեզագրական և այլ տվյալներ և խորհրդատվական-տեխնիկական աջակցություն ցուցաբերել։ Դիվանագետը վստահ է, որ բոլոր այդ հարցերը պետք է լուծել առանց արտաքին միջամտության և առկա խնդիրների ավելորդ քաղաքականացման։ Նա նաև ավելացրել է, որ արդյունքի հասնելը ժամանակ ու լուրջ ջանքեր կպահանջի ինչպես Երևանից, այնպես էլ Բաքվից, հարկավոր է նաև միջազգային հանրության միասնականությունը: Իսկ աշխարհաքաղաքական մրցակցությունն ու զրոյական արդյունքով խաղերը կարող են միայն վնասել գործընթացին։Հիշեցնենք, որ սեպտեմբերի 13-ին, ժամը 00:05-ից Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:Սեպտեմբերի 14-ին ադրբեջանցիները կրկին հրետակոծել են Ջերմուկն ու Վերին Շորժան, իսկ ավելի ուշ մարտերը վերսկսվել են նաև Սյունիքի մարզի Իշխանասարի հատվածում։Նիկոլ Փաշինյանը խորհրդարանում հարցուպատասխանի ժամանակ հայտնել է, որ սեպտեմբերի 14–ի դրությամբ հայկական կողմն ունի 105 զոհ։Սեպտեմբերի 15–ի ժամը 11–ի դրությամբ հայ-ադրբեջանական սահմանին էական միջադեպեր չեն արձանագրվել:
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
միավորված ազգերի կազմակերպություն (մակ), վասիլի նեբենզյա, հայաստան, ադրբեջան, հայ-ադրբեջանական, սահման, սահմանային խախտումներ. իրադրությունը սյունիքում և գեղարքունիքում
միավորված ազգերի կազմակերպություն (մակ), վասիլի նեբենզյա, հայաստան, ադրբեջան, հայ-ադրբեջանական, սահման, սահմանային խախտումներ. իրադրությունը սյունիքում և գեղարքունիքում
Նեբենզյան կարևորել է Հայաստանի ու Ադրբեջանի զինվորականներին ելման կետեր վերադարձնելը
19:48 15.09.2022 (Թարմացված է: 19:52 15.09.2022) Ռուսական կողմն անընդունելի է համարում Հայաստանի ու Ադրբեջանի միջև խնդիրների լուծման ուժային սցենարը։
ԵՐԵՎԱՆ, 15 սեպտեմբերի — Sputnik. Ռուսաստանը խիստ մտահոգված է հայ-ադրբեջանական սահմանի առանձին հատվածներում իրավիճակի կտրուկ սրմամբ։ Տեղեկությունը հայտնել է ՄԱԿ-ում ՌԴ մշտական ներկայացուցիչ Վասիլի Նեբենզյան ՄԱԿ-ի անվտանգության խորհրդի նիստում, որը գումարվել է Ֆրանսիայի նախաձեռնությամբ՝ ադրբեջանական ագրեսիայի կապակցությամբ։
Նեբենզյայի խոսքով՝ էսկալացիայի հետևանքով մեծ թվով զինծառայողներ են զոհվել, խաղաղ բնակչության շրջանում էլ տուժածներ կան:
«Ուժի կիրառումն անընդունելի ենք համարում, հույս ունենք, որ Ռուսաստանի միջնորդությամբ ձեռք բերված հրադադարի պայմանավորվածությունները կպահպանվեն։ Կոչ ենք անում Հայաստանին և Ադրբեջանին զերծ մնալ լարվածությունը մեծացնելուց, ինչպես նաև կոչ ենք անում հետևել Հայաստանի, Ադրբեջանի և Ռուսաստանի նախագահների եռակողմ հայտարարություններին», - ասել է նա։
Նա ավելացրել է, որ իրավիճակի կայունացման նպատակով Ռուսաստանի ղեկավարությունը սերտ կապի մեջ է Երևանի և Բաքվի հետ: Իսկ ռուս զինվորականները շփումներ են պահպանում Հայաստանի ու Ադրբեջանի գործընկերների հետ՝ կայուն հրադադարի հասնելու և հայ ու ադրբեջանցի զինծառայողներին ելման դիրքեր վերադարձնելու նպատակով։
Նեբենզյայի խոսքով՝ Մոսկվան նախկինի պես ելնում է այն բանից, որ Հայաստանի ու Ադրբեջանի միջև բոլոր տարաձայնությունները պետք է կարգավորվեն բանակցությունների միջոցով, խաղաղ ճանապարհով: Իսկ սահմանային հարցերը՝ սահմանազատման հանձնաժողովների աշխատանքի շրջանակում՝ Ռուսաստանի խորհրդատվական աջակցությամբ։
Մոսկվան պատրաստ է ներկայացնել իր փորձը, տրամադրել քարտեզագրական և այլ տվյալներ և խորհրդատվական-տեխնիկական աջակցություն ցուցաբերել։ Դիվանագետը վստահ է, որ բոլոր այդ հարցերը պետք է լուծել առանց արտաքին միջամտության և առկա խնդիրների ավելորդ քաղաքականացման։ Նա նաև ավելացրել է, որ արդյունքի հասնելը ժամանակ ու լուրջ ջանքեր կպահանջի ինչպես Երևանից, այնպես էլ Բաքվից, հարկավոր է նաև միջազգային հանրության միասնականությունը: Իսկ աշխարհաքաղաքական մրցակցությունն ու զրոյական արդյունքով խաղերը կարող են միայն վնասել գործընթացին։
Հիշեցնենք, որ սեպտեմբերի 13-ին, ժամը 00:05-ից Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից
սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:
Նիկոլ Փաշինյանը խորհրդարանում հարցուպատասխանի ժամանակ հայտնել է, որ
սեպտեմբերի 14–ի դրությամբ հայկական կողմն ունի 105 զոհ։
Սեպտեմբերի 15–ի ժամը 11–ի դրությամբ հայ-ադրբեջանական սահմանին էական
միջադեպեր չեն արձանագրվել:
