https://arm.sputniknews.ru/20220912/erekhanery-hetaqrqrvats-en-masnagety-pndum-e-vor-hajastanum-suseramarty-karvogh-e-zarganal-48085522.html

Երեխաները հետաքրքրված են. մասնագետը պնդում է, որ Հայաստանում սուսերամարտը կարող է զարգանալ

Երեխաները հետաքրքրված են. մասնագետը պնդում է, որ Հայաստանում սուսերամարտը կարող է զարգանալ

Sputnik Արմենիա

Երևան քաղաքում գործում է սուսերամարտի 3 մարզադպրոց, մեկական էլ կա Գյումրիում և Վանաձորում: 12.09.2022, Sputnik Արմենիա

2022-09-12T17:00+0400

2022-09-12T17:00+0400

2022-09-12T17:55+0400

սուսերամարտ

«մոսկվայի տուն»

երևան

մրցաշար

ռուսաստան

հայաստան

https://cdn.am.sputniknews.ru/img/07e6/09/0c/48079154_0:84:1601:984_1920x0_80_0_0_860f5ea3786b9b799e0d815c261e3123.jpg

ԵՐԵՎԱՆ, 12 սեպտեմբերի – Sputnik. Մոսկվայի օրերի շրջանակում Երևանում մեկնարկեց սուսերամարտի մրցաշարը, որն անցկացվելու է սեպտեմբերի 12-13-ը:Այսօր անցկացվում էր ճկասուսեր զենքաձևի մրցումները, որին մասնակցում էին մինչև 14 տարեկան աղջիկներ և տղաներ։Մրցաշարին ընդհանուր առմամբ մասնակցում է 15 աղջիկ և 23 տղա։ Նրանք Երևանի և Գյումրու մարզադպրոցների սաներ են: Սեպտեմբերի 13-ին մրցաշարը կշարունակվի խոցասուսեր զենքաձևով:Լինելու է 1 առաջին տեղ, 1 երկրորդ տեղ և 2 երրորդ տեղ:Կրկնակի օլիմպիական չեմպիոն, սուսերամարտիկ Յանա Եգորյանը նշեց, որ ուրախ է հայրենիք գալու և երեխաների մրցաշարին ներկա լինելու համար։«Ուրախ եմ, որ այսքան շատ երեխա հետաքրքրված է իմ սիրելի սպորտաձևով։ Ձեր կյանքում շատ պարտություններ կարող են լինել, սակայն դրանք ձեզ միայն ուժեղ կդարձնեն։ Հաջողություն եմ մաղթում բոլորիդ,ու փորձեք չունենալ վնասվածքներ»,– դիմելով երեխաներին` ասաց Եգորյանը։«Դոմ Մոսկվի» կենտրոնի գլխավոր տնօրեն Վահրամ Կարապետյանը նշեց` շատ ուրախ են, որ կարողացել են առաջին անգամ Մոսկվայի օրերի շրջանակում կազմակերպել մրցաշարեր:«Հույս ունենք, որ սա կդառնա ավանդույթ և կունենա շարունակականություն: Մեզ համար շատ հաճելի է, որ այսօր այստեղ մեզ հետ է նաև օլիմպիական կրկնակի չեմպիոն Յանա Եգորյանը: Փոքր տարիքում մեզանից շատերն իրենց հերոսներն են ունեցել: Այս սպորտաձևում դուք ունեք այդ հերոսին, կարող եք ձգտել նմանվել նրան, քանի որ նա հասել է իր նպատակին և առաջինն է ամբողջ աշխարհում»,- ասաց Կարապետյանը:Ալբերտ Գրիգորյանի անվան սուսերամարտի դպրոցի տնօրեն Արտաշես Մադոյանն էլ լրագրողների հետ զրույցում ասաց, որ Հայաստանի սուսերամարտի հավաքականը պարբերաբար տարբեր տարիքային խմբերով մասնակցում է Եվրոպայի և աշխարհի առաջնություններին:«Ունեցել ենք բավականին հաջող արդյունքներ՝ և՛ հաղթողներ, և՛ մրցանակակիրներ: Տվյալ պահին հավաքականն առջևում մրցումներ չունի, բայց հաջորդ տարի` փետրվարին, Եվրոպայի պատանիների առաջնությանն ենք պատրաստվում, լինելու են ուսումնամարզական հավաքներ ու տարբեր կարգի այլ մրցաշարեր։ Երեխաների հետաքրքրվածությունը բավականին մեծ է»,– նշեց Մադոյանը:Նրա խոսքով` Հայաստանում սուսերամարտով զբաղվելու համար պայմաններ կան, սակայն ցանկալի է, որպեսզի ֆեդերացիայի բյուջեն ավելի մեծ լինի, քան ներկայում է։Մադոյանը շեշտեց, որ այժմյան բյուջեով հնարավոր չի լինում շատ մրցումներ և ուսումնամարզական հավաքներ անցկացնել, ինչի հետևանքով երեխաների մոտ մրցակցային փորձի պակաս է առաջանում։ Այնուամենայնիվ` Մադոյանն ընդգծեց, որ այս մրցաձևը Հայաստանում կարող է զարգանալ։Նշենք, որ Երևան քաղաքում գործում է սուսերամարտի 3 մարզադպրոց, մեկական էլ կա Գյումրիում և Վանաձորում:

երևան

2022

Լուրեր

am_HY

սուսերամարտ, «մոսկվայի տուն», երևան, մրցաշար, ռուսաստան, հայաստան