https://arm.sputniknews.ru/20220909/starmus-y-lavagujn-vkajutjunn-e-nra-vor-gitutjuny-naev-shahavet-e-hh-nakhagah-47999333.html
Starmus-ը լավագույն վկայությունն է նրա, որ գիտությունը նաև շահավետ է. ՀՀ նախագահ
Starmus-ը լավագույն վկայությունն է նրա, որ գիտությունը նաև շահավետ է. ՀՀ նախագահ
Sputnik Արմենիա
ՀՀ նախագահի խոսքով՝ Հայաստանը պետք է ամեն ինչ անի, որպեսզի մեր գիտությունն ու մշակույթը դառնան գրավիչ ոչ միայն STARMUS-ի, այլև նմանօրինակ բազմաթիվ միջազգային... 09.09.2022, Sputnik Արմենիա
2022-09-09T22:26+0400
2022-09-09T22:26+0400
2022-09-09T22:33+0400
սթարմուս
վահագն խաչատուրյան
հայաստան
գիտնական
https://cdn.am.sputniknews.ru/img/07e6/09/09/47997832_0:166:1601:1066_1920x0_80_0_0_795b0cd080c90bd0d6014a2e42356429.jpg
ԵՐԵՎԱՆ, 9 սեպտեմբերի – Sputnik. Starmus-ը լավագույն վկայությունն է նրա, որ գիտությունը ամեն ինչից զատ նաև շահավետ է, որտեղ յուրաքանչյուր ներդրում երաշխավորված է արդյունքներով:ՀՀ նախագահ Վահագն Խաչատուրյանն այսօր երեկոյան ներկա է գտնվել գիտության ու արվեստի միջազգային STARMUS VI փառատոնի փակման արարողությանը: Տեղեկությունը հայտնում է նախագահի մամուլի ծառայությունը։Խաչատուրյանն ընդգծել է, որ STARMUS գիտության և արվեստի 6-րդ միջազգային փառատոնը նոր շունչ ու նոր ոգևորություն բերեց Հայաստանին:«Starmus-ը վստահաբար կդառնա մի նոր խթան մեր երիտասարդ ստեղծագործողների ու գիտնականների, մեր կրթական ու գիտական հաստատությունների, համալսարանների և ընդհանրապես գիտամշակութային հանրույթի համար, որպեսզի նոր եռանդով ու ոգևորությամբ զբաղվեն իրենց գործով»,-ասել է նա։Նախագահն ընդգծել է, որ անցած 5 օրերի ընթացքում Հայաստանը դարձել էր յուրօրինակ խաչմերուկ համաշխարհային գիտության ամենաարդիական ու համարձակ նվաճումների և հայկական քաղաքակրթական արժեքների հատման համար: Միևնույն ժամանակ Starmus-ը լայն բացված պատուհան էր հայ գիտնականների ու արվեստագետների համար դեպի տիեզերք, գիտության ու արվեստի նոր հորիզոններ։«Բոլորս միահամուռ կերպով շարունակելու ենք նոր ջանասիրությամբ ու եռանդով աշխատել՝ յուրաքանչյուրս մեր տեղում, որպեսզի անցած 5 օրերին կուտակված էներգիան ու ոգևորությունը չսպառվի անարդյունք, որպեսզի ապագայում էլ մեր երկիրը, մեր գիտությունն ու մշակույթը դառնան գրավիչ ոչ միայն STARMUS-ի, այլև նմանօրինակ բազմաթիվ միջազգային փառատոնների և դրանց ներկայացուցիչների համար»,-ասել է Խաչատուրյանը:STARMUS VI գիտության և արվեստի փառատոնը Երևանում անցկացվում է սեպտեմբերի 5-10-ը։ Այն կրում է «STARMUS VI. 50 տարի Մարսի վրա» խորագիրը և նվիրված է Մարսի վրա Մարս 3 տիեզերակայանի առաջին վայրէջքի 50-ամյակին: Հատկանշական է, որ Մարս 3-ը տեղափոխել է դեպի Կարմիր մոլորակ հայ մեծանուն ինժեներ Ալեքսանդր Քեմուրջյանի Prop-M (Փրոփ-Էմ) ռոբոտը։STARMUS աշխարհահռչակ փառատոնը կապված է Սթիվեն Հոքինգի, Բրայան Մեյի, Ալեքսեյ Լեոնովի և աշխարհահռչակ այլ հայտնի անունների հետ։ Այն անցկացվում է 2011 թվականից և միավորում է գիտությունը, կրթությունը, արվեստն ու տեխնոլոգիաները։STARMUS փառատոնը հիմնադրվել է աստղաֆիզիկոս Գարիկ Իսրայելյանի և լեգենդար Queen խմբի կիթառահար, աստղաֆիզիկոս Բրայան Մեյի կողմից՝ դառնալով համաշխարհային ճանաչում ունեցող գիտնականների, նոբելյան մրցանակակիրների, տիեզերագնացների մտածողների, գիտության մշակույթի ու արվեստի գործիչների միավորող հարթակ, որի շրջանակում նրանք հանրությանն են ներկայացնում իրենց գիտելիքները, փորձն ու նորագույն հայտնագործությունները։ Նրանց միավորումը մեկ հարթակի շուրջ հնարավոր է դարձնում մեր ժամանակների խնդիրների վերհանումն ու լուծումների շուրջ քննարկումները։Տիեզերական մթնոլորտ և 4000-ամյա վիշապաքար. Starmus-ը Գյումրիում է
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
starmus պատուհան հայ գիտնական հհ նախագահ
starmus պատուհան հայ գիտնական հհ նախագահ
Starmus-ը լավագույն վկայությունն է նրա, որ գիտությունը նաև շահավետ է. ՀՀ նախագահ
22:26 09.09.2022 (Թարմացված է: 22:33 09.09.2022) ՀՀ նախագահի խոսքով՝ Հայաստանը պետք է ամեն ինչ անի, որպեսզի մեր գիտությունն ու մշակույթը դառնան գրավիչ ոչ միայն STARMUS-ի, այլև նմանօրինակ բազմաթիվ միջազգային փառատոնների համար։
ԵՐԵՎԱՆ, 9 սեպտեմբերի – Sputnik. Starmus-ը լավագույն վկայությունն է նրա, որ գիտությունը ամեն ինչից զատ նաև շահավետ է, որտեղ յուրաքանչյուր ներդրում երաշխավորված է արդյունքներով:ՀՀ նախագահ Վահագն Խաչատուրյանն այսօր երեկոյան ներկա է գտնվել գիտության ու արվեստի միջազգային STARMUS VI փառատոնի փակման արարողությանը: Տեղեկությունը
հայտնում է նախագահի մամուլի ծառայությունը։
Խաչատուրյանն ընդգծել է, որ STARMUS գիտության և արվեստի 6-րդ միջազգային փառատոնը նոր շունչ ու նոր ոգևորություն բերեց Հայաստանին:
«Starmus-ը վստահաբար կդառնա մի նոր խթան մեր երիտասարդ ստեղծագործողների ու գիտնականների, մեր կրթական ու գիտական հաստատությունների, համալսարանների և ընդհանրապես գիտամշակութային հանրույթի համար, որպեսզի նոր եռանդով ու ոգևորությամբ զբաղվեն իրենց գործով»,-ասել է նա։
Նախագահն ընդգծել է, որ անցած 5 օրերի ընթացքում Հայաստանը դարձել էր յուրօրինակ խաչմերուկ համաշխարհային գիտության ամենաարդիական ու համարձակ նվաճումների և հայկական քաղաքակրթական արժեքների հատման համար: Միևնույն ժամանակ Starmus-ը լայն բացված պատուհան էր հայ գիտնականների ու արվեստագետների համար դեպի տիեզերք, գիտության ու արվեստի նոր հորիզոններ։
«Բոլորս միահամուռ կերպով շարունակելու ենք նոր ջանասիրությամբ ու եռանդով աշխատել՝ յուրաքանչյուրս մեր տեղում, որպեսզի անցած 5 օրերին կուտակված էներգիան ու ոգևորությունը չսպառվի անարդյունք, որպեսզի ապագայում էլ մեր երկիրը, մեր գիտությունն ու մշակույթը դառնան գրավիչ ոչ միայն STARMUS-ի, այլև նմանօրինակ բազմաթիվ միջազգային փառատոնների և դրանց ներկայացուցիչների համար»,-ասել է Խաչատուրյանը:
STARMUS VI գիտության և արվեստի փառատոնը
Երևանում անցկացվում է սեպտեմբերի 5-10-ը։ Այն կրում է «STARMUS VI. 50 տարի Մարսի վրա» խորագիրը և նվիրված է Մարսի վրա Մարս 3 տիեզերակայանի առաջին վայրէջքի 50-ամյակին: Հատկանշական է, որ Մարս 3-ը տեղափոխել է դեպի Կարմիր մոլորակ հայ մեծանուն ինժեներ Ալեքսանդր Քեմուրջյանի Prop-M (Փրոփ-Էմ) ռոբոտը։
STARMUS աշխարհահռչակ փառատոնը կապված է Սթիվեն Հոքինգի, Բրայան Մեյի, Ալեքսեյ Լեոնովի և աշխարհահռչակ այլ հայտնի անունների հետ։ Այն անցկացվում է 2011 թվականից և միավորում է գիտությունը, կրթությունը, արվեստն ու տեխնոլոգիաները։
STARMUS փառատոնը հիմնադրվել է աստղաֆիզիկոս Գարիկ Իսրայելյանի և լեգենդար Queen խմբի կիթառահար, աստղաֆիզիկոս Բրայան Մեյի կողմից՝ դառնալով համաշխարհային ճանաչում ունեցող գիտնականների, նոբելյան մրցանակակիրների, տիեզերագնացների մտածողների, գիտության մշակույթի ու արվեստի գործիչների միավորող հարթակ, որի շրջանակում նրանք հանրությանն են ներկայացնում իրենց գիտելիքները, փորձն ու նորագույն հայտնագործությունները։ Նրանց միավորումը մեկ հարթակի շուրջ հնարավոր է դարձնում մեր ժամանակների խնդիրների վերհանումն ու լուծումների շուրջ քննարկումները։
