ԵԱՀԿ Մինսկի խմբի ամերիկացի նորանշանակ համանախագահը Երևանում է
10:01 08.09.2022 (Թարմացված է: 10:03 08.09.2022)
© AFP 2024 / Tolga AkmenԵԱՀԿ Մինսկի խմբի նորանշանակ ամերիկացի համանախագահ, Կովկասի հարցերով բանակցություններում ԱՄՆ հատուկ ներկայացուցիչ Ֆիլիպ Ռիքերը
![ԵԱՀԿ Մինսկի խմբի նորանշանակ ամերիկացի համանախագահ, Կովկասի հարցերով բանակցություններում ԱՄՆ հատուկ ներկայացուցիչ Ֆիլիպ Ռիքերը ԵԱՀԿ Մինսկի խմբի նորանշանակ ամերիկացի համանախագահ, Կովկասի հարցերով բանակցություններում ԱՄՆ հատուկ ներկայացուցիչ Ֆիլիպ Ռիքերը - Sputnik Արմենիա, 1920, 08.09.2022](https://cdn.am.sputniknews.ru/img/07e6/08/19/47242556_0:0:1601:901_1920x0_80_0_0_907b489e3c7dbcd4074b82cfa6ea73eb.jpg)
ԵԱՀԿ Մինսկի խմբի նորանշանակ ամերիկացի համանախագահ, Կովկասի հարցերով բանակցություններում ԱՄՆ հատուկ ներկայացուցիչ Ֆիլիպ Ռիքերը. Արխիվային լուսանկար
© AFP 2024 / Tolga Akmen
Բաժանորդագրվել
Դեսպանատան տարածած հայտարարության մեջ նշվում է, որ Ռիքերը սեպտեմբերի 8-10-ը իր այցի ընթացքում կհանդիպի ՀՀ կառավարության պաշտոնյաների հետ։
ԵՐԵՎԱՆ, 8 սեպտեմբերի – Sputnik. Հայաստանում ԱՄՆ դեսպանությունը ողջունում է ԵԱՀԿ Մինսկի խմբի նորանշանակ ամերիկացի համանախագահ, Կովկասի հարցերով բանակցություններում ԱՄՆ հատուկ ներկայացուցիչ Ֆիլիպ Ռիքերի այցը Երևան։
Դեսպանատան տարածած հայտարարության մեջ նշվում է, որ Ռիքերը սեպտեմբերի 8-10-ը իր այցի ընթացքում կհանդիպի ՀՀ կառավարության պաշտոնյաների հետ՝ քննարկելու Հայաստանի և Ադրբեջանի միջև կայուն խաղաղության և հայ-թուրքական հարաբերությունների կարգավորման աջակցությանն ուղղված ԱՄՆ–ի դիվանագիտական ջանքերը։
Սեպտեմբերի 6-ին ԱՄՆ Պետդեպարտամենտի փոխխոսնակ Վեդանթ Պատելը լրագրողներին ասել էր, որ ԱՄՆ-ը ակնկալում է, որ սա Ֆիլիպ Ռիքերի տարածաշրջան կատարվելիք այցերը պարբերական բնույթ կկրեն։
Ռիքերի տարածաշրջանային այցը կմեկնարկի այսօր` Հայաստանից։
Ամերիկացի պաշտոնյան Հայաստանից ուղևորվելու է, Վրաստան, ապա Ադրբեջան։ Բոլոր երեք երկրներում հանդիպելու է բարձրաստիճան պաշտոնյաների հետ՝ քննարկելու տարածաշրջանին առնչվող հիմնական հարցերը։
Ֆիլիպ Ռիքերը ԵԱՀԿ Մինսկի խմբի ԱՄՆ ներկայացուցիչ համանախագահ է նշանակվել 2022թ–ի օգոստոսի 23-ին` այդ պաշտոնում փոխարինելով Էնդրյու Շոֆերին։