«Ծնունդդ շնորհավոր, Ֆրեդի»․ Բրայան Մեյը Երևանում Հոքինգի անվան մեդալ է ստացել
20:19 05.09.2022 (Թարմացված է: 21:31 05.09.2022)
© Sputnik / Aram GareginyanStarmus փառատոնը Երևանում
![Starmus փառատոնը Երևանում Starmus փառատոնը Երևանում - Sputnik Արմենիա, 1920, 05.09.2022](https://cdn.am.sputniknews.ru/img/07e6/09/05/47787762_0:150:1600:1050_1920x0_80_0_0_2eb7a9451869445d944b88891341c9ca.jpg)
© Sputnik / Aram Gareginyan
Բաժանորդագրվել
Երաժշտությամբ զբաղվելուն զուգահետ Մեյը 2000-ականներին վերադարձել է տիեզերական փոշու ուսումնասիրություններին և հաջողությամբ պաշտպանել իր ատենախոսությունը:
ԵՐԵՎԱՆ, 5 սեպտեմբերի – Sputnik. Աշխարհահռչակ երաժիշտ Բրայան Մեյը Երևանում անցկացվող Starmus փառատոնի ժամանակ դարձել է Սթիվեն Հոքինգի անվան մեդալի դափնեկիր:
Գիտությունների և արվեստի փառատոնը, որի հիմնադիրներից մեկը Բրայան Մեյն է, անցկացվում է արդեն վեցերորդ անգամ: Սթիվեն Հոքինգի հիշատակի մեդալը գիտնականներին տրվում է շրջապատող աշխարհի ուսումնասիրման գործում ներդրած ավանդի համար:
Մրցանակը Queen խմբի կիթառահարին հանձնել է մեկ այլ հայտնի երաժիշտ՝ Yes խմբի ստեղնահար Ռիք Ուեյքմանը, որը Հայաստանի ազգային ֆիլհարմոնիկ նվագախմբի հետ միասին բացել է փառատոնային համերգը:
Բրայան Մեյը մրցանակը նվիրել է Ֆրեդի Մերկուրիին․ ռոքի սիրահարներն այսօր նշում են նրա ծննդյան օրը։
«Առաջին բանը, որ ուզում եմ ասել՝ ծնունդդ շնորհավոր, Ֆրեդի»,-կարճ ու պարզ ասել է Բրայանը։
© Photo : official site of the President of RAԱշխարհահռչակ երաժիշտ Բրայան Մեյը Starmus փառատոնի ժամանակ դարձել է Սթիվեն Հոքինգի անվան մեդալի դափնեկիր (5 սեպտեմբերի, 2022թ). Երևան
![Вручение медали имени Стивена Хокинга всемирно известному музыканту и астрофизику Брайану Мэю (5 сентября 2022). Еревaн Вручение медали имени Стивена Хокинга всемирно известному музыканту и астрофизику Брайану Мэю (5 сентября 2022). Еревaн - Sputnik Արմենիա, 1920, 05.09.2022](https://cdn.am.sputniknews.ru/img/07e6/09/05/47794609_0:0:1600:1066_1920x0_80_0_0_bcfd1813827589de3e3c3d06fce95ece.jpg)
Աշխարհահռչակ երաժիշտ Բրայան Մեյը Starmus փառատոնի ժամանակ դարձել է Սթիվեն Հոքինգի անվան մեդալի դափնեկիր (5 սեպտեմբերի, 2022թ). Երևան
© Photo : official site of the President of RA
Նա խոստովանել է` այն, որ փառատոնի հիմնադիրն ինքն է դրա գլխավոր մրցանակը ստանում, մի փոքր շփոթեցնող է։
Բրայանը նշել է, որ այդ պարգևն իրեն չի պատկանում, այլ նրանց, ովքեր հետևում են իրենց կոչմանը և ի ուրախ են սովորել և աշխատել դրա համար:
«Երբ ես դեռահաս էի, երկու բան գրավեցին ինձ՝ երաժշտության աշխարհն ու աստղագիտության աշխարհը։ Դպրոցում ինձ ասում էին․ «Մոռացի՛ր, դու չես կարողանա լրջորեն զբաղվել և՛ մեկով, և՛ մյուսով։ Այս մեդալը նրանց համար է, ովքեր չեն հավատում իրենց ուժերին և կարծում են, թե իրենց մոտ երբեք ոչինչ չի ստացվի»,-ասել է երաժիշտը։
Նշենք, որ 2000-ականներին Բրայան Մեյը վերադարձել է աստղաֆիզիկայի ուսումնասիրություններին, որոնք թողել էր 1970-ականների սկզբին։