ԱՄՆ-ի բանակը սպառազինություն է տեղափոխել Եվրոպա և Հարավային Կորեա
CC BY 2.0 / The U.S. Army / Convoy OperationԱմերիկյան տանկեր
![Ամերիկյան տանկեր Ամերիկյան տանկեր - Sputnik Արմենիա, 1920, 03.09.2022](https://cdn.am.sputniknews.ru/img/07e4/09/0f/24468447_0:90:1000:653_1920x0_80_0_0_436d162ce7462293ceb723f7a93ebb37.jpg)
Ամերիկյան տանկեր
Բաժանորդագրվել
Ռոտացիան կսկսվի 2022 թվականի հոկտեմբերին։
ԵՐԵՎԱՆ, 3 սեպտեմբերի – Sputnik. Ամերիկյան բանակը տանկեր և զրահամեքենաներ է տեղափոխել Եվրոպա և Հարավային Կորեա։ Տեղեկությունը հայտնում է «Army Times»-ը։
Ըստ հաղորդագրության` ԱՄՆ]ի բանակի առաջին հետևակային դիվիզիայի երկրորդ զրահատանկային բրիգադը կտեղակայվի Եվրոպայում և կմասնակցի «Atlantic Resolve» գործողությանը:
Երկրորդ հետևակային դիվիզիայի «Սթրայքեր» երկրորդ բրիգադային մարտական խումբը ծրագրվում է տեղակայել Հարավային Կորեայում:
«Թեև ԱՄՆ-ի և ՆԱՏՕ-ի ուժերն անմիջական մասնակցություն չունեն Ուկրաինայի զինված հակամարտությանը, այդուհանդերձ կասկած չկա, որ այդ ստորաբաժանումը կներգրավվի ԱՄՆ-ի կողմից Կիևին ռազմական օգնություն ցուցաբերելու գործում: Այն կարող է օգտագործվել ուկրաինացի տանկիստներին ուսուցանելու և զինելու համար»,- ասել է ամերիկյան բանակի ներկայացուցիչ Ջեյսոն Վագները։
Նա նշել է, որ ռոտացիան կսկսվի 2022 թվականի հոկտեմբերին: