https://arm.sputniknews.ru/20220902/kanachapat-ajginer-barekargvvogh-shatrvanner-erevany-32-mlrd-dram-kta-hangsti-gvotineri-hamar-47657504.html

Կանաչապատ այգիներ, բարեկարգվող շատրվաններ. Երևանը 3.2 մլրդ դրամ կտա հանգստի գոտիների համար

Sputnik Արմենիա

Քաղաքային իշխանությունները վստահեցնում են, որ այգիների ու հանգստյան այլ գոտիների վերակառուցման, հիմնանորոգման ծրագրերի հիմքում քաղաքի համաչափ զարգացման... 02.09.2022, Sputnik Արմենիա

2022-09-02T16:11+0400

2022-09-02T16:34+0400

տեսանյութեր

տեսանյութ

երևան

զբոսայգի

երևանի քաղաքապետարան

https://cdn.am.sputniknews.ru/img/07e6/09/02/47652873_0:0:1000:563_1920x0_80_0_0_cc24049ca47b2d271721d52353ac2386.jpg

Երևանի հանգստի գոտիները վերակառուցելու, կանաչապատ տարածքներն ավելացնելու և քաղաքն առավել հարմարավետ դարձնելու համար ընթացիկ տարում 3.2 մլրդ դրամ է նախատեսված տրամադրել։ Տեղեկությունը հայտնում է Երևանի քաղաքապետարանի մամուլի ծառայությունը։Նշվում է, որ քաղաքապետ Հրաչյա Սարգսյանը մի շարք այլ պաշտոնյաների հետ այցելել է հանգստի տարածքներ և ծանոթացել կատարվող աշխատանքներին։Մալաթիա-Սեբաստիա վարչական շրջանի` Հայրենական պատերազմում հաղթանակի 40-ամյակին նվիրված զբոսայգին ստեղծման օրից ի վեր երբևէ չէր հիմնանորոգվել, հաշվի առնելով ներդրումների ծավալը՝ ծրագրի ավարտը նախանշվում է 2023 թվականին:Տարեկան ծրագրով հանգստի կազմակերպման համար հարմարավետ պայմաններ կապահովվեն նաև Աբովյան պուրակում: Համալիր բարեկարգմամբ ամբողջությամբ կարդիականացվի արտաքին լուսավորության և ոռոգման ցանցը, կտեղադրվեն նստարաններ, աղբամաններ, կանաչապատման նոր լուծումներ կլինեն:Համայնքը վերակառուցման աշխատանքներ կիրականացնի նաև Օղակաձև զբոսայգու 4-րդ հատվածում:Կոմիտասի անվան պուրակը ևս կունենա արդիականացված ոռոգման համակարգ և արտաքին լուսավորության ցանց: Այստեղ խնդիրը մի փոքր այլ է. այգու զգալի հատվածը տնօրինում է վարձակալը, որն ինչ-ինչ աշխատանքներ է կատարել։«Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանն այս առնչությամբ նշել է, որ եթե որևէ տարածքի վարձակալ որոշում է քաղաքի պուրակներում կամ այգիներում կանաչապատում իրականացնել, պետք է տարածքի կառուցապատման, կանաչապատման նախագիծը համաձայնեցնի իրենց հետ:Երևանի քաղաքապետի առաջին տեղակալ Լևոն Հովհաննիսյանը նշել է, որ հանգստի գոտիների հիմնանորոգման ու նոր հանգստի գոտիների կառուցման մասով այս տարի ընդհանուր առմամբ նախատեսված է ծախսել 1.2 մլրդ դրամ: Նաև բակային տարածքների հիմնանորոգման համար է մեծ գումար հատկացված՝ մոտ 2 մլրդ դրամ։

երևան

Sputnik Արմենիա

media@sputniknews.com

+74956456601

MIA „Rossiya Segodnya“

252

2022

Sputnik Արմենիա

media@sputniknews.com

+74956456601

MIA „Rossiya Segodnya“

252

Լուրեր

am_HY

Sputnik Արմենիա

media@sputniknews.com

+74956456601

MIA „Rossiya Segodnya“

252

1920

1080

true

1920

1440

true

https://cdn.am.sputniknews.ru/img/07e6/09/02/47652873_195:0:946:563_1920x0_80_0_0_a2f148c92495690f38f14ba2cfa4e1d5.jpg

1920

true

Sputnik Արմենիա

media@sputniknews.com

+74956456601

MIA „Rossiya Segodnya“

252

Sputnik Արմենիա

տեսանյութեր, տեսանյութ, երևան, զբոսայգի, երևանի քաղաքապետարան

Կանաչապատ այգիներ, բարեկարգվող շատրվաններ. Երևանը 3.2 մլրդ դրամ կտա հանգստի գոտիների համար

16:11 02.09.2022 (Թարմացված է: 16:34 02.09.2022)

Քաղաքային իշխանությունները վստահեցնում են, որ այգիների ու հանգստյան այլ գոտիների վերակառուցման, հիմնանորոգման ծրագրերի հիմքում քաղաքի համաչափ զարգացման սկզբունքն է:

Реставрация ереванских парков - Sputnik Արմենիա, 1920, 02.09.2022

Հրաչյա Սարգսյանը մի շարք այլ պաշտոնյաների հետ այցելել է հանգստի տարածքներ և ծանոթացել կատարվող աշխատանքներին։

Նշվում է, որ քաղաքապետ Հրաչյա Սարգսյանը մի շարք այլ պաշտոնյաների հետ այցելել է հանգստի տարածքներ և ծանոթացել կատարվող աշխատանքներին։

«Երևանում ունենք բավականին այգիներ, որոնք այս պահի դրությամբ չեն գործում: Ընդհանուր մեր քաղաքականությունն այն է, որ վերականգնենք չգործող այգիները, հետո նոր մտածենք նորերը հիմնելու մասին»,- նշել է քաղաքապետը:

Մալաթիա-Սեբաստիա վարչական շրջանի` Հայրենական պատերազմում հաղթանակի 40-ամյակին նվիրված զբոսայգին ստեղծման օրից ի վեր երբևէ չէր հիմնանորոգվել, հաշվի առնելով ներդրումների ծավալը՝ ծրագրի ավարտը նախանշվում է 2023 թվականին:

Տարեկան ծրագրով հանգստի կազմակերպման համար հարմարավետ պայմաններ կապահովվեն նաև Աբովյան պուրակում: Համալիր բարեկարգմամբ ամբողջությամբ կարդիականացվի արտաքին լուսավորության և ոռոգման ցանցը, կտեղադրվեն նստարաններ, աղբամաններ, կանաչապատման նոր լուծումներ կլինեն:

Համայնքը վերակառուցման աշխատանքներ կիրականացնի նաև Օղակաձև զբոսայգու 4-րդ հատվածում:

Կոմիտասի անվան պուրակը ևս կունենա արդիականացված ոռոգման համակարգ և արտաքին լուսավորության ցանց: Այստեղ խնդիրը մի փոքր այլ է. այգու զգալի հատվածը տնօրինում է վարձակալը, որն ինչ-ինչ աշխատանքներ է կատարել։

«Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանն այս առնչությամբ նշել է, որ եթե որևէ տարածքի վարձակալ որոշում է քաղաքի պուրակներում կամ այգիներում կանաչապատում իրականացնել, պետք է տարածքի կառուցապատման, կանաչապատման նախագիծը համաձայնեցնի իրենց հետ:

«Մեր կազմակերպությունը ստեղծվել է հենց նրա համար, որ ամբողջ քաղաքն ունենա մեկ ձեռագիր: Կազմակերպությունն իր կողմից պատրաստ է նույնիսկ գծել և վարձակալին հանձնել համապատասխան նախագիծ, որ գրագետ կանաչապատում արվի: Այստեղ կա նաև ոռոգման խնդիր, և մենք պատրաստ ենք օժանդակել ու ոռոգման ավտոմատացված համակարգ ներդնել»,- ասել է նա:

Երևանի քաղաքապետի առաջին տեղակալ Լևոն Հովհաննիսյանը նշել է, որ հանգստի գոտիների հիմնանորոգման ու նոր հանգստի գոտիների կառուցման մասով այս տարի ընդհանուր առմամբ նախատեսված է ծախսել 1.2 մլրդ դրամ: Նաև բակային տարածքների հիմնանորոգման համար է մեծ գումար հատկացված՝ մոտ 2 մլրդ դրամ։

Հրաչյա Սարգսյանը մի շարք այլ պաշտոնյաների հետ այցելել է հանգստի տարածքներ և ծանոթացել կատարվող աշխատանքներին։ - Sputnik Արմենիա

1/2

2/2

1/2

2/2