https://arm.sputniknews.ru/20220831/kievy-sadrum-e-magate-i-araqelutjan-khapanumy-zapvorvozhiei-aek-y-nvoric-gndakvotsvum-e-pn-47525771.html
Կիևը սադրում է ՄԱԳԱՏԷ-ի առաքելության խափանումը. Զապորոժիեի ԱԷԿ-ը նորից գնդակոծվում է․ ՊՆ
Կիևը սադրում է ՄԱԳԱՏԷ-ի առաքելության խափանումը. Զապորոժիեի ԱԷԿ-ը նորից գնդակոծվում է․ ՊՆ
Sputnik Արմենիա
Ռուսական ՀՕՊ-ը մեկ օրում 7 ուկրաինական անօդաչու թռչող սարք է խոցել Խերսոնի, Զապորոժիեի և Խարկովի շրջաններում: 31.08.2022, Sputnik Արմենիա
2022-08-31T15:00+0400
2022-08-31T15:00+0400
2022-08-31T15:06+0400
զապորոժիե
ատոմակայան
ռուսաստան
ուկրաինա
մագատէ
https://cdn.am.sputniknews.ru/img/07e6/02/18/39038701_0:149:3138:1914_1920x0_80_0_0_b7f1aaa6c46965293dc6d279d618325e.jpg
ԵՐԵՎԱՆ, 31 օգոստոսի – Sputnik. Կիևի ռեժիմը օգոստոսի 30-ին շարունակել է սադրանքները, որոնք ուղղված են ՄԱԳԱՏԷ-ի առաքելության աշխատանքի խափանմանը և Զապորոժիեի ատոմային էլեկտրակայանում տեխնոգեն աղետի սպառնալիքի ստեղծմանը: Ուկրաինական հրետանու կողմից ատոմակայանի տարածքի գնդակոծման ժամանակ մեկ արկ ընկել է պինդ ռադիոակտիվ թափոնների վերամշակման համալիրի շենքի վրա։ Տեղեկությունն այսօր հայտնել է Ռուսաստանի Պաշտպանության նախարարությունը:Քննարկվում է ԱԷԿ-ում ՄԱԳԱՏԷ-ի փորձագետների մշտական ներկայության հարցը. ՌԴ ԱԳՆՌԴ պաշտպանության նախարարության հաղորդագրության մեջ նշվում է, որ Նիկոլաևո-Կրիվորոժսկի և այլ ուղղություններով հարձակողական գործողությունները վերսկսելու` Վլադիմիր Զելենսկու ռեժիմի նոր փորձը ձախողվել է:Ռուսական ՀՕՊ համակարգերը նախորդ մեկ օրվա ընթացքում խոցել են ուկրաինական HIMARS, «Օլխա» և «Ուրագան» ՀԿՌՀ-ների 57 արկ։ Բացի այդ, ռուսական ՀՕՊ-ը մեկ օրում ուկրաինական 7 ԱԹՍ է խոցել Խերսոնի, Զապորոժիեի և Խարկովի մարզերում։«Ընդհանուր առմամբ` հատուկ ռազմական գործողության մեկնարկից ի վեր ոչնչացվել է 280 ինքնաթիռ, 151 ուղղաթիռ, 1844 անօդաչու թռչող սարք, 371 զենիթահրթիռային համալիր, 4592 տանկ և այլ մարտական զրահապատ մեքենաներ, համազարկային կրակի ռեակտիվ համակարգերի 822 մարտական մեքենա, դաշտային հրետանու 3360 հրանոթ և ականանետ, ինչպես նաև 5155 միավոր հատուկ ռազմական ավտոմոբիլային տեխնիկա»,-ասված է հաղորդագրության մեջ:Մոսկվան հույս ունի, որ ՄԱԳԱՏԷ-ի այցը կօգնի դադարեցնել Կիևի «միջուկային շանտաժը». ԶախարովաԶապորոժիեի ԱԷԿ-ը գտնվում է Դնեպրի ձախ ափին՝ Էներգոդար քաղաքի մոտ։ Բլոկների թվով և հաստատված հզորությամբ ամենամեծ ատոմակայանն է Եվրոպայում։ ԱԷԿ-ում վեց էներգաբլոկ է տեղադրված։ Մարտ ամսից ի վեր Զապորոժիեի ԱԷԿ-ը գտնվում է ռուս զինվորականների պահպանության ներքո։ ՌԴ ԱԳՆ-ում ընդգծել են ռուս զինվորականների կողմից էլեկտրակայանը պահպանության տակ վերցնելու կարևորությունը միջուկային և ռադիոակտիվ նյութերի արտահոսքը կանխելու տեսանկյունից:Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Ուկրաինայում մարտական գործողություններն ընթանում են արդեն 188-րդ օրը։
զապորոժիե
ուկրաինա
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
զապորոժիե, ատոմակայան, ռուսաստան, ուկրաինա, մագատէ
զապորոժիե, ատոմակայան, ռուսաստան, ուկրաինա, մագատէ
Կիևը սադրում է ՄԱԳԱՏԷ-ի առաքելության խափանումը. Զապորոժիեի ԱԷԿ-ը նորից գնդակոծվում է․ ՊՆ
15:00 31.08.2022 (Թարմացված է: 15:06 31.08.2022) Ռուսական ՀՕՊ-ը մեկ օրում 7 ուկրաինական անօդաչու թռչող սարք է խոցել Խերսոնի, Զապորոժիեի և Խարկովի շրջաններում:
ԵՐԵՎԱՆ, 31 օգոստոսի – Sputnik. Կիևի ռեժիմը օգոստոսի 30-ին շարունակել է սադրանքները, որոնք ուղղված են ՄԱԳԱՏԷ-ի առաքելության աշխատանքի խափանմանը և Զապորոժիեի ատոմային էլեկտրակայանում տեխնոգեն աղետի սպառնալիքի ստեղծմանը: Ուկրաինական հրետանու կողմից ատոմակայանի տարածքի գնդակոծման ժամանակ մեկ արկ ընկել է պինդ ռադիոակտիվ թափոնների վերամշակման համալիրի շենքի վրա։ Տեղեկությունն այսօր հայտնել է Ռուսաստանի Պաշտպանության նախարարությունը:
ՌԴ պաշտպանության նախարարության հաղորդագրության մեջ նշվում է, որ Նիկոլաևո-Կրիվորոժսկի և այլ ուղղություններով հարձակողական գործողությունները վերսկսելու` Վլադիմիր Զելենսկու ռեժիմի նոր փորձը ձախողվել է:
«Արխանգելսկոյե, Օլգինո և Տերնովիյե Պոդի բնակավայրերի վրա անհաջող հարձակումների ընթացքում հակառակորդը զգալի կորուստներ է կրել և հետ շպրտվել ռուսական զորքերի կողմից»,-ասել են գերատեսչությունում:
Ռուսական ՀՕՊ համակարգերը նախորդ մեկ օրվա ընթացքում խոցել են ուկրաինական HIMARS, «Օլխա» և «Ուրագան» ՀԿՌՀ-ների 57 արկ։ Բացի այդ, ռուսական ՀՕՊ-ը մեկ օրում ուկրաինական 7 ԱԹՍ է խոցել Խերսոնի, Զապորոժիեի և Խարկովի մարզերում։
«Ընդհանուր առմամբ` հատուկ ռազմական գործողության մեկնարկից ի վեր ոչնչացվել է 280 ինքնաթիռ, 151 ուղղաթիռ, 1844 անօդաչու թռչող սարք, 371 զենիթահրթիռային համալիր, 4592 տանկ և այլ մարտական զրահապատ մեքենաներ, համազարկային կրակի ռեակտիվ համակարգերի 822 մարտական մեքենա, դաշտային հրետանու 3360 հրանոթ և ականանետ, ինչպես նաև 5155 միավոր հատուկ ռազմական ավտոմոբիլային տեխնիկա»,-ասված է հաղորդագրության մեջ:
Զապորոժիեի ԱԷԿ-ը գտնվում է Դնեպրի ձախ ափին՝ Էներգոդար քաղաքի մոտ։ Բլոկների թվով և հաստատված հզորությամբ ամենամեծ ատոմակայանն է Եվրոպայում։ ԱԷԿ-ում վեց էներգաբլոկ է տեղադրված։ Մարտ ամսից ի վեր Զապորոժիեի ԱԷԿ-ը գտնվում է ռուս զինվորականների պահպանության ներքո։ ՌԴ ԱԳՆ-ում ընդգծել են ռուս զինվորականների կողմից էլեկտրակայանը պահպանության տակ վերցնելու կարևորությունը միջուկային և ռադիոակտիվ նյութերի արտահոսքը կանխելու տեսանկյունից:
Հիշեցնենք` փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 188-րդ օրը։
