https://arm.sputniknews.ru/20220831/arzumanjani-meghavvorutjan-pndumy-teghin-che-bvolvory-meghqi-bazhin-unen-harutjunvov-47547827.html
Արզումանյանի մեղավորության պնդումը տեղին չէ, բոլորը մեղքի բաժին ունեն. Հարությունով
Արզումանյանի մեղավորության պնդումը տեղին չէ, բոլորը մեղքի բաժին ունեն. Հարությունով
Sputnik Արմենիա
Քաղաքագետ Դավիթ Հարությունովը կարծում է, որ գեներալ-լեյտենանտ Միքայել Արզումանյանի հետ կապված գործն ունի որոշակի քաղաքական ենթատեքստ։ 31.08.2022, Sputnik Արմենիա
2022-08-31T20:21+0400
2022-08-31T20:21+0400
2022-08-31T20:21+0400
ռադիո
հայաստան
միքայել արզումանյան
դավիթ հարությունով (ռազմական փորձագետ)
ձերբակալություն
պոդկաստ
https://cdn.am.sputniknews.ru/img/07e6/08/1f/47547619_0:32:1600:932_1920x0_80_0_0_c8204dcb229399e6a6498716861a68e1.jpg
Հարությունով. Միքայել Արզումանյանի մեղավորության պնդումը տեղին չէ, բոլորն ունեն մեղքի բաժին
Sputnik Արմենիա
Հարությունով. Միքայել Արզումանյանի մեղավորության պնդումը տեղին չէ, բոլորն ունեն մեղքի բաժին
Գեներալ-լեյտենանտ Միքայել Արզումանյանի մեղավորության միանշանակ պնդումը տեղին չէ, առավել ևս, որ դատավարություն էլ չի եղել։ Sputnik Արմենիայի հետ զրույցում նման կարծիք հայտնեց քաղաքագետ Դավիթ Հարությունովը։ՀՀ քննչական կոմիտեն օգոստոսի 30-ին տեղեկացրեց, որ Շուշի քաղաքի և հարակից շրջանների պաշտպանության կազմակերպման ընթացքում պաշտոնեական անփութություն կատարելու մեղադրանքով ձերբակալվել է Արցախի Հանրապետության պաշտպանության նախկին նախարար, ՊԲ նախկին հրամանատար, Արցախի նախագահի գործող գլխավոր խորհրդական, գեներալ-լեյտենանտ Միքայել Արզումանյանը։Քաղաքագետի կարծիքով` Արզումանյանի հետ կապված գործն ունի որոշակի քաղաքական ենթատեքստ, և դա չի վերաբերում միան նրան, այլև մյուս ռազմական բարձրաստիճան գործիչներին, ինչի մասին վկայում է նաև քրեական գործերի տրամաբանությունը։ Ըստ նրա` փորձ է արվում ինչ-որ կերպ պատասխանել այն հարցերին, որոնք ծագել են հասարակության մեջ` կապված կոնկրետ Շուշիի մարտական գործողությունների հետ։«Եթե ուշադրություն դարձնենք ՔԿ–ի հաղորդագրության բովանդակությանը, խնդիրը ոչ այնքան քրեական գործին է վերաբերում, որքան ռազմական գործողությունների նկարագրությանը, որովհետև հասարակության մեջ Շուշիի մարտական գործողություններն ընկալվում են որպես առեղծված, բայցևայնպես չեմ կարծում, որ ընդդիմությունն իր մոտեցումները կփոխի ՔԿ–ի հաղորդագրության արդյունքում»,- նշեց քաղաքագետը։Հարությունովի խոսքով` Շուշիի մարտական գործողություններն ունեցել են նախապատմություն, այսինքն` դրանք այնպես են ընթացել, որ ադրբեջանական զինուժն ունեցել է քաղաք ներթափանցելու հնարավորություն, հետևաբար բացթողումները վերաբերում են ոչ միայն Միքայել Արզումանյանին, այլև նրան նախորդած ռազմական գործիչներին, որովհետև մարտական գործողությունները չեն սկսվել հոկտեմբերի վերջին կամ նոյեմբերի սկզբին։ Հարությունովի պնդմամբ` վաղուց առաջացել է չեզոք կառույցի ձևավորման հարցը, որն ի զորու կլինի համակողմանիորեն ուսումնասիրել ու պարզել պատերազմի պարտության պատճառները։Հիշեցնենք` Արզումանյանը ՊԲ հրամանատար նշանակվեց 44-օրյա պատերազմի վերջին փուլում՝ 2020թ. հոկտեմբերի 27-ին` փոխարինելով Ջալալ Հարությունյանին։ Պաշտոնից ազատվեց 2021թ. սեպտեմբերին։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, միքայել արզումանյան, դավիթ հարությունով (ռազմական փորձագետ), ձերբակալություն, պոդկաստ, аудио
հայաստան, միքայել արզումանյան, դավիթ հարությունով (ռազմական փորձագետ), ձերբակալություն, պոդկաստ, аудио
Արզումանյանի մեղավորության պնդումը տեղին չէ, բոլորը մեղքի բաժին ունեն. Հարությունով
Քաղաքագետ Դավիթ Հարությունովը կարծում է, որ գեներալ-լեյտենանտ Միքայել Արզումանյանի հետ կապված գործն ունի որոշակի քաղաքական ենթատեքստ։
Գեներալ-լեյտենանտ Միքայել Արզումանյանի մեղավորության միանշանակ պնդումը տեղին չէ, առավել ևս, որ դատավարություն էլ չի եղել։
Sputnik Արմենիայի հետ զրույցում նման կարծիք հայտնեց քաղաքագետ Դավիթ Հարությունովը։
ՀՀ քննչական կոմիտեն
օգոստոսի 30-ին տեղեկացրեց, որ Շուշի քաղաքի և հարակից շրջանների պաշտպանության կազմակերպման ընթացքում պաշտոնեական անփութություն կատարելու մեղադրանքով ձերբակալվել է Արցախի Հանրապետության պաշտպանության նախկին նախարար, ՊԲ նախկին հրամանատար, Արցախի նախագահի գործող գլխավոր խորհրդական, գեներալ-լեյտենանտ Միքայել Արզումանյանը։
«Ընդհանրապես լայնածավալ մարտական գործողությունները կրում են համակարգային բնույթ, և որպես կանոն միայն մեկ հոգի պատասխանատու չէ բացթողումների համար։ Հայաստանում հիմա կան երկու իրար հակասող մոտեցումներ։ Մեկը ներկայացնում է ընդդիմությունը` մեղադրելով երկրի քաղաքական իշխանությանը, իսկ մյուս մոտեցումը ներկայացնում է գործող իշխանությունը` մեղքը բարդելով բանակային վերնախավի վրա, բայց երկու մոտեցումներն էլ ծայրահեղ են ու սխալ, որովհետև բոլորն էլ ունեն մեղքի իրենց բաժինը»,- ասաց Հարությունովը։
Քաղաքագետի կարծիքով` Արզումանյանի հետ կապված գործն ունի որոշակի քաղաքական ենթատեքստ, և դա չի վերաբերում միան նրան, այլև մյուս ռազմական բարձրաստիճան գործիչներին, ինչի մասին վկայում է նաև քրեական գործերի տրամաբանությունը։ Ըստ նրա` փորձ է արվում ինչ-որ կերպ պատասխանել այն հարցերին, որոնք ծագել են հասարակության մեջ` կապված կոնկրետ Շուշիի մարտական գործողությունների հետ։
«Եթե ուշադրություն դարձնենք ՔԿ–ի հաղորդագրության բովանդակությանը, խնդիրը ոչ այնքան քրեական գործին է վերաբերում, որքան ռազմական գործողությունների նկարագրությանը, որովհետև հասարակության մեջ Շուշիի մարտական գործողություններն ընկալվում են որպես առեղծված, բայցևայնպես չեմ կարծում, որ ընդդիմությունն իր մոտեցումները կփոխի ՔԿ–ի հաղորդագրության արդյունքում»,- նշեց քաղաքագետը։
Հարությունովի խոսքով` Շուշիի մարտական գործողություններն ունեցել են նախապատմություն, այսինքն` դրանք այնպես են ընթացել, որ ադրբեջանական զինուժն ունեցել է քաղաք ներթափանցելու հնարավորություն, հետևաբար բացթողումները վերաբերում են ոչ միայն Միքայել Արզումանյանին, այլև նրան նախորդած ռազմական գործիչներին, որովհետև մարտական գործողությունները չեն սկսվել հոկտեմբերի վերջին կամ նոյեմբերի սկզբին։ Հարությունովի պնդմամբ` վաղուց առաջացել է չեզոք կառույցի ձևավորման հարցը, որն ի զորու կլինի համակողմանիորեն ուսումնասիրել ու պարզել պատերազմի պարտության պատճառները։
Հիշեցնենք` Արզումանյանը ՊԲ հրամանատար նշանակվեց 44-օրյա պատերազմի վերջին փուլում՝ 2020թ. հոկտեմբերի 27-ին` փոխարինելով Ջալալ Հարությունյանին։ Պաշտոնից ազատվեց 2021թ. սեպտեմբերին։
