https://arm.sputniknews.ru/20220828/verjin-5-tarum-amarva-yntacqum-sshv-vov-amenashat-hivandutjunnery-grancvel-en-2022-in-47392340.html
Վերջին 5 տարում ամառվա ընթացքում ՍՇՎ-ով ամենաշատ հիվանդությունները գրանցվել են 2022-ին
Վերջին 5 տարում ամառվա ընթացքում ՍՇՎ-ով ամենաշատ հիվանդությունները գրանցվել են 2022-ին
Sputnik Արմենիա
Սուր շնչառական վարակներով ավելի շատ հիվանդացել են մինչև 14 տարեկան երեխաները: Երկրում յոթ տեսակի վիրուս է շրջանառվում։ 28.08.2022, Sputnik Արմենիա
2022-08-28T17:35+0400
2022-08-28T17:35+0400
2022-08-28T17:54+0400
գրիպ
վիրուս
հայաստան
հհ առողջապահության նախարարություն
https://cdn.am.sputniknews.ru/img/1899/37/18993756_0:320:3073:2048_1920x0_80_0_0_ea1c6d489c90b1f6f2ea799c6eef259a.jpg
ԵՐԵՎԱՆ, 28 օգոստոսի – Sputnik. Հայաստանում ամառային շրջանում նկատվում է սուր շնչառական վիրուսային վարակներով հիվանդության դեպքերի աննշան աճ։ Հունիսի 1-ից օգոստոսի 21-ը հանրապետությունում գրանցվել է սուր շնչառական վարակներով հիվանդացության 27 հազար 279 դեպք: Այս մասին Sputnik Արմենիայի գրավոր հարցմանն ի պատասխան հայտնեցին առողջապահության նախարարությունից։Ավելի վաղ հաղորդվել էր, որ Հայաստանում ամռան համար ոչ բնորոշ համաճարակաբանական իրավիճակ է ստեղծվել. արդեն երկրորդ տարին անընդմեջ այս եղանակին նկատվում է սուր շնչառական վիրուսային վարակների և սուր շնչառական հիվանդությունների ակտիվացում, որոնք բոլորից ծանր տանում են երեխաները: Խախտվել են բոլոր օրինաչափությունները. հայտնի է, որ շնչառական հիվանդությունները մեծ տարածում են ունենում դեկտեմբերին և պահպանվում են մինչև փետրվար-ապրիլ ամիսները։ Հետո սկսվում է միջսեզոնային շրջանը՝ հուլիսից մինչև սեպտեմբեր ակտիվանում են տարբեր աղիքային հարուցիչները։Սուր շնչառական վարակներով հիվանդներից վերցված նմուշների հետազոտության արդյունքում հայտնաբերվել են ռինովիրուսի 16, պարագրիպի 15, ադենովիրուսի 5, բոկավիրուսի 1, ռեսպիրատոր սինցիտիալ վիրուսի 4, մետապնևմովիրուսի 12 հարուցիչներ, ինչպես նաև 6 նմուշներում՝ կորոնավիրուսային հիվանդության SARS-Cov-2 հարուցիչներ:Վերլուծելով գերատեսչության տրամադրած տվյալները՝ կարելի է հանգել այն եզրակացության, որ այս ամռանը գրանցվել է սուր շնչառական վարակների դեպքերի աճ՝ նախորդ հինգ տարվա հունիս-օգոստոս ամիսների համեմատ։Մասնավորապես, 2021թ․-ի հունիսի 1-ից մինչև դեկտեմբերի 1-ը գրանցվել էր սուր շնչառական վարակների 26 469 դեպք, ինչը 810-ով քիչ է 2022թ․-ի ցուցանիշներից։ Սուր շնչառական վարակներն ամենից քիչ տարածումն ունեցել են 2020 թվականին՝ 12 475 դեպք, ինչը պայմանավորված է կորոնավիրուսի համավարակով։2019 և 2018 թվականների հունիսի 1-ից մինչև սեպտեմբերի մեկը հայտնաբերվել է սուր շնչառական վարակներով հիվանդացության, համապատասխանաբար՝ 21 383 և 23 522 դեպք։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գրիպ, վիրուս, հայաստան, հհ առողջապահության նախարարություն
գրիպ, վիրուս, հայաստան, հհ առողջապահության նախարարություն
Վերջին 5 տարում ամառվա ընթացքում ՍՇՎ-ով ամենաշատ հիվանդությունները գրանցվել են 2022-ին
17:35 28.08.2022 (Թարմացված է: 17:54 28.08.2022) Սուր շնչառական վարակներով ավելի շատ հիվանդացել են մինչև 14 տարեկան երեխաները: Երկրում յոթ տեսակի վիրուս է շրջանառվում։
ԵՐԵՎԱՆ, 28 օգոստոսի – Sputnik. Հայաստանում ամառային շրջանում նկատվում է սուր շնչառական վիրուսային վարակներով հիվանդության դեպքերի աննշան աճ։ Հունիսի 1-ից օգոստոսի 21-ը հանրապետությունում գրանցվել է սուր շնչառական վարակներով հիվանդացության 27 հազար 279 դեպք: Այս մասին
Sputnik Արմենիայի գրավոր հարցմանն ի պատասխան հայտնեցին առողջապահության նախարարությունից։
Ավելի վաղ
հաղորդվել էր, որ Հայաստանում ամռան համար ոչ բնորոշ համաճարակաբանական իրավիճակ է ստեղծվել. արդեն երկրորդ տարին անընդմեջ այս եղանակին նկատվում է սուր շնչառական վիրուսային վարակների և սուր շնչառական հիվանդությունների ակտիվացում, որոնք բոլորից ծանր տանում են երեխաները: Խախտվել են բոլոր օրինաչափությունները. հայտնի է, որ շնչառական հիվանդությունները մեծ տարածում են ունենում դեկտեմբերին և պահպանվում են մինչև փետրվար-ապրիլ ամիսները։ Հետո սկսվում է միջսեզոնային շրջանը՝ հուլիսից մինչև սեպտեմբեր ակտիվանում են տարբեր աղիքային հարուցիչները։
Առողջապահության նախարարությունից հայտնեցին, որ հիվանդացածների ընդհանուր թվի մեծ մասը 0-14 տարեկաններն են՝ 17 263 երեխա։ Միաժամանակ, ձմեռային և գարնանային սեզոնի համեմատ՝ հիմա սուր շնչառական վարակներով հիվանդացության դեպքերի թվի նվազում է նկատվում։
Սուր շնչառական վարակներով հիվանդներից վերցված նմուշների հետազոտության արդյունքում հայտնաբերվել են ռինովիրուսի 16, պարագրիպի 15, ադենովիրուսի 5, բոկավիրուսի 1, ռեսպիրատոր սինցիտիալ վիրուսի 4, մետապնևմովիրուսի 12 հարուցիչներ, ինչպես նաև 6 նմուշներում՝ կորոնավիրուսային հիվանդության SARS-Cov-2 հարուցիչներ:
Վերլուծելով գերատեսչության տրամադրած տվյալները՝ կարելի է հանգել այն եզրակացության, որ այս ամռանը գրանցվել է սուր շնչառական վարակների դեպքերի աճ՝ նախորդ հինգ տարվա հունիս-օգոստոս ամիսների համեմատ։
Մասնավորապես, 2021թ․-ի հունիսի 1-ից մինչև դեկտեմբերի 1-ը գրանցվել էր սուր շնչառական վարակների 26 469 դեպք, ինչը 810-ով քիչ է 2022թ․-ի ցուցանիշներից։ Սուր շնչառական վարակներն ամենից քիչ տարածումն ունեցել են 2020 թվականին՝ 12 475 դեպք, ինչը պայմանավորված է կորոնավիրուսի համավարակով։
2019 և 2018 թվականների հունիսի 1-ից մինչև սեպտեմբերի մեկը հայտնաբերվել է սուր շնչառական վարակներով հիվանդացության, համապատասխանաբար՝ 21 383 և 23 522 դեպք։
