https://arm.sputniknews.ru/20220826/hajastani-hnan--2022i-arajin-kisamjakum-atshel-e-11vov-eazb-nerkajacucich-47326033.html
Հայաստանի ՀՆԱ-ն 2022-ի առաջին կիսամյակում աճել է 11%-ով. ԵԱԶԲ ներկայացուցիչ
Հայաստանի ՀՆԱ-ն 2022-ի առաջին կիսամյակում աճել է 11%-ով. ԵԱԶԲ ներկայացուցիչ
Sputnik Արմենիա
Արդյունքը գրանցվել է նախևառաջ երկրում սպառողական պահանջարկի զգալի ավելացման շնորհիվ։ 26.08.2022, Sputnik Արմենիա
2022-08-26T13:48+0400
2022-08-26T13:48+0400
2022-08-26T14:02+0400
եվրասիական զարգացման բանկ (եազբ)
հայաստան
հնա (համախառը ներքին արդյունք)
եվրասիական տնտեսական միություն (եատմ)
հայաստան և եատմ
https://cdn.am.sputniknews.ru/img/07e5/0b/1d/35852350_0:0:2048:1153_1920x0_80_0_0_745a40a6c7734f538dab6cebf810331d.jpg
ԵՐԵՎԱՆ, 26 օգոստոսի – Sputnik. Հայաստանի ՀՆԱ-ն 2022 թվականի առաջին կիսամյակում աճել է 11%-ով։ Այս մասին Եվրասիական զարգացման բանկի երկրների վերլուծության կենտրոնի ղեկավար Ալեքսեյ Կուզնեցովը հայտարարել է «Միջազգային պատժամիջոցներն ու դրանց ազդեցությունը ԵԱՏՄ երկրների տնտեսության վրա. խնդիրներ և նոր հնարավորություններ» թեմայով կազմակերպված կլոր սեղանի ընթացքում։Նրա խոսքով` ընթացիկ տարում Հայաստանը ԵԱՏՄ-ում աճի առումով առաջատար է։ Առաջին կիսամյակի արդյունքներով` երկրի ՀՆԱ-ն աճել է 11%-ով։Սպառողական ակտիվությունը պայմանավորված է մի քանի գործոնով։ Նախ` երկիր զբոսաշրջիկների ներհոսքը կրկնակի աճել է։ Առաջին կիսամյակում նրանց քանակը նախորդ տարվա ցուցանիշը գերազանցել է 2,4 անգամ։ Ավելի քան 2.5 անգամ ավելացել է զբոսաշրջիկների թիվը Ռուսաստանից, իսկ դա երկրի բոլոր զբոսաշրջիկների մոտ 40%-ն է։Սպառողական պահանջարկի աճի մյուս գործոնը դեպի Հայաստան դրամական փոխանցումների կտրուկ աճն է։ Երկու ամիս շարունակ բացարձակ ռեկորդներ են գրանցվում, մայիսին` մոտ 260 մլն դոլար, հունիսին` շուրջ 460 մլն դոլար։ Համեմատության համար նշենք, որ 2021 թվականին դրամական փոխանցումներն ամսական միջինը մոտ 70-72 մլն դոլար են եղել։Այս տարվա առաջին կիսամյակում Հայաստան է այցելել շուրջ 600 հազար զբոսաշրջիկԿուզնեցովի խոսքով` սպառողական պահանջարկը կպահպանվի նաև ընթացիկ տարվա երկրորդ կիսամյակում և կապահովի տնտեսության աճն ընդհանուր առմամբ։Ավելացել են նաև շինարարության և արդյունաբերական արտադրության ծավալները։ Ներդրումներն աճել են 18%-ով։ Այս միտումները հաշվի առնելով` 2022 թվականին աճը կգերազանցի սպասումները։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
եվրասիական զարգացման բանկ (եազբ), հայաստան, հնա (համախառը ներքին արդյունք), եվրասիական տնտեսական միություն (եատմ), հայաստան և եատմ
եվրասիական զարգացման բանկ (եազբ), հայաստան, հնա (համախառը ներքին արդյունք), եվրասիական տնտեսական միություն (եատմ), հայաստան և եատմ
Հայաստանի ՀՆԱ-ն 2022-ի առաջին կիսամյակում աճել է 11%-ով. ԵԱԶԲ ներկայացուցիչ
13:48 26.08.2022 (Թարմացված է: 14:02 26.08.2022) Արդյունքը գրանցվել է նախևառաջ երկրում սպառողական պահանջարկի զգալի ավելացման շնորհիվ։
ԵՐԵՎԱՆ, 26 օգոստոսի – Sputnik. Հայաստանի ՀՆԱ-ն 2022 թվականի առաջին կիսամյակում աճել է 11%-ով։ Այս մասին Եվրասիական զարգացման բանկի երկրների վերլուծության կենտրոնի ղեկավար Ալեքսեյ Կուզնեցովը հայտարարել է «Միջազգային պատժամիջոցներն ու դրանց ազդեցությունը ԵԱՏՄ երկրների տնտեսության վրա. խնդիրներ և նոր հնարավորություններ» թեմայով կազմակերպված կլոր սեղանի ընթացքում։
Նրա խոսքով` ընթացիկ տարում
Հայաստանը ԵԱՏՄ-ում աճի առումով առաջատար է։ Առաջին կիսամյակի արդյունքներով` երկրի ՀՆԱ-ն աճել է 11%-ով։
«Այս արդյունքը գրանցվել է նախևառաջ երկրում սպառողական պահանջարկի զգալի ավելացման շնորհիվ։ Այսպես, օրինակ, ծառայություններն աճել են շուրջ 20%-ով, առևտրաշրջանառությունը` 10%։ Հենց դրանք են ապահովել մոտ 80% աճը»,- ասել է Կուզնեցովը։
Սպառողական ակտիվությունը պայմանավորված է մի քանի գործոնով։ Նախ` երկիր զբոսաշրջիկների ներհոսքը կրկնակի աճել է։ Առաջին կիսամյակում նրանց քանակը նախորդ տարվա ցուցանիշը գերազանցել է 2,4 անգամ։ Ավելի քան 2.5 անգամ ավելացել է զբոսաշրջիկների թիվը Ռուսաստանից, իսկ դա երկրի բոլոր զբոսաշրջիկների մոտ 40%-ն է։
Սպառողական պահանջարկի աճի մյուս գործոնը դեպի
Հայաստան դրամական փոխանցումների կտրուկ աճն է։ Երկու ամիս շարունակ բացարձակ ռեկորդներ են գրանցվում, մայիսին` մոտ 260 մլն դոլար, հունիսին` շուրջ 460 մլն դոլար։ Համեմատության համար նշենք, որ 2021 թվականին դրամական փոխանցումներն ամսական միջինը մոտ 70-72 մլն դոլար են եղել։
Կուզնեցովի խոսքով` սպառողական պահանջարկը կպահպանվի նաև ընթացիկ տարվա երկրորդ կիսամյակում և կապահովի տնտեսության աճն ընդհանուր առմամբ։
Ավելացել են նաև շինարարության և արդյունաբերական արտադրության ծավալները։ Ներդրումներն աճել են 18%-ով։ Այս միտումները հաշվի առնելով` 2022 թվականին աճը կգերազանցի սպասումները։
