https://arm.sputniknews.ru/20220826/eatmi-het-hamagvortsakcutjuny-merzhely-hhi-hamar-havasar-klini-tntesakan-inqnaspanutjan-47325081.html

ԵԱՏՄ–ի հետ համագործակցությունը մերժելը ՀՀ-ի համար հավասար կլինի տնտեսական ինքնասպանության

ԵԱՏՄ–ի հետ համագործակցությունը մերժելը ՀՀ-ի համար հավասար կլինի տնտեսական ինքնասպանության

Sputnik Արմենիա

Եվրասիական փորձագիտական ակումբի անդամ տնտեսագետները ներկայացրել են Հայաստան-ԵԱՏՄ տնտեսական հարաբերությունների հետազոտության արդյունքները։ 26.08.2022, Sputnik Արմենիա

2022-08-26T13:34+0400

2022-08-26T13:34+0400

2022-08-26T15:53+0400

հայաստան

եվրասիական տնտեսական միություն (եատմ)

արտահանում

ներմուծում

արմեն թավադյան

արամ սաֆարյան

թաթուլ մանասերյան

https://cdn.am.sputniknews.ru/img/07e6/08/1a/47320499_0:46:1600:946_1920x0_80_0_0_ef85d9c3a6c84c423b0258c50db02849.jpg

ԵՐԵՎԱՆ, 26 օգոստոսի – Sputnik. ԵԱՏՄ շուկան ամենանպաստավորն է Հայաստանի պատրաստի արտադրանքը սպառելու համար։ Այսօր «Արմենպրեսում» կազմակերպված ասուլիսում այս հայտարարությունն արեց Եվրասիական փորձագիտական ակումբի համակարգող, քաղաքական վերլուծաբան Արամ Սաֆարյանը` ներկայացնելով ակումբի անդամ տնտեսագետների` Հայաստան-ԵԱՏՄ տնտեսական հարաբերությունների հետազոտության արդյունքները։Ընդ որում, նրա դիտարկմամբ, այս ցուցանիշը ևս մինչև տարեվերջ հնարավոր է գերազանցել ճիշտ աշխատանքի ու շուկայում ճիշտ դիրքավորման շնորհիվ։Սաֆարյանը վստահեցրեց` ԵԱՏՄ շուկան անփոխարինելի է Հայաստանի համար, ուստի համագործակցության այս վեկտորը շարունակելու է մնալ կարևորագույնը ոչ միայն առևտրատնտեսական, այլև քաղաքական ու անվտանգային կապերի տեսանկյունից։«Ռուսաստանը շարունակում է մնալ Հայաստանի խոշորագույն առևտրային գործընկերը, ՀՀ խոշորագույն ներդրողը, ՀՀ պատրաստի արտադրանքի խոշորագույն շուկան։ Գազի ու ցորենի հաշվին Ռուսաստանը շարունակում է մնալ Հայաստանի խոշորագույն ներկրողը։ Վերջին շրջանում ռուսական ընկերությունների ներկայությունը Հայաստանում բազմակի մեծացել է, ՌԴ ժամանակավոր աշխատանքային միգրանտները էական նշանակություն ունեն Հայաստանում առևտրի և ապրանքների շրջանառության մեծացման վրա։ Եվ ՌԴ-ի հետ մեր առևտրատնտեսական համագործակցությունը խոշորագույնն է մեր երկրի անվտանգության, ապահովության ամրապնդման համար»,- ասաց Սաֆարյանը` հավելելով, որ այս շեշտադրումն անում է հատկապես այն պատճառով, որ վերջին շրջանում Հայաստանում նկատվում է հակառուսական քարոզչության ակտիվացում ՀՀ քաղաքական-հասարակական դաշտում։Սաֆարյանի դիտարկմամբ` հայ-ռուսական դաշինքի հակառակորդները փորձում են սևացնել նաև Հայաստանի անդամակցությունը ԵԱՏՄ-ին` կեղծելով իրողությունն ու լուրեր տարածելով, թե իբր Հայաստանին 2013-14 թթ-ին հրելով գցել են ԵԱՏՄ ծուղակի մեջ։Տնտեսական գիտությունների դոկտոր-պրոֆեսոր, ակումբի անդամ Թաթուլ Մանասերյանն իր հերթին ընդգծեց, որ Հայաստանն անցյալ տարի դուրս է եկել GSP + համակարգից, քանի որ անցել է միջին եկամուտ ապահովող երկրների շարքը, իսկ դա նշանակում է, որ զրկվել է դեպի ԵՄ, ԱՄՆ և Ճապոնիա արտահանումների արտոնյալ պայմաններից։«Ասեմ, որ սա արդեն անդրադարձել է մեր արտահանումների ցուցանիշի վրա։ Արտահանումները նվազել են հատկապես եվրոպական մայրցամաք»,- ասաց Մանասերյանը` հավելելով, որ այս իրավիճակում ԵԱՏՄ շուկան մեր երկրի համար անվտանգության բարձիկի իմաստ է ձեռք բերել` արտահանման լայն հնարավորություններ ապահովելով ՀՀ-ի համար։«Ես բոլոր այն քննադատներին, որոնք բացասաբար են վերաբերվում ՀՀ անդամակցությանը ԵԱՏՄ-ին, ուզում եմ հանդիպակաց հարցը տալ` թող բարի լինեն, այլընտրանք նշեն, թե որ շուկան կարող է փոխարինել ԵԱՏՄ շուկային, արդյոք իրենց քարոզածը չարամտություն չէ, և դրանով չեն դրդում մեզ դեպի տնտեսական անդունդ, երբ ասում են` հրաժարվեք ռուսական շուկայից, բելառուսական շուկայից, ղազախական շուկայից և այլն»,- ասաց Մանասերյանը։Տնտեսագետը նկատեց, որ անգամ արևմտյան սահմանափակումների փուլում եվրոպական շատ ընկերություններ, այդ թվում` որոշ բանկեր, չեն հրաժարվում ռուսական շուկայից ու, ճեղքելով պատժամիջոցների արգելքը, շարունակում են համագործակցել ՌԴ-ի հետ։Տնտեսական գիտությունների դոկտոր, պրոֆեսոր, ակումբի անդամ Աշոտ Թավադյանը, ներկայացնելով ՀՀ-ԵԱՏՄ համագործակցության հիմնական տնտեսական արդյունքները, հիշեցրեց, որ մինչ ԵԱՏՄ-ին անդամակցելը Հայաստանից տարեկան արտահանումը կազմում էր 1.7 մլրդ դոլար, ԵԱՏՄ-ին անդամակցելուց հետո ցուցանիշը կտրուկ աճեց` հասնելով 2.5 միլիարդի։ Այս տարի Հայաստանից արտահանումները, տնտեսագետի կանխատեսմամբ, կարող են գերազանցել անգամ 3 միլիարդի սահմանը։«Դա պայմանավորված է նրանով, որ այս տարի արտահանումը դեպի Բելառուս կրկնապատկվել է` 9 միլիոնից դառնալով 18 մլն, դեպի Ռուսաստան գերազանցել է կես միլիարդը` անցած տարվա 265 միլիոնի փոխարեն։ Եթե անցյալ տարի մենք ԵԱՏՄ էինք արտահանում մեր ամբողջ պատրաստի արտադրանքի 25 տոկոսը, ապա հիմա արտահանում եք 30 տոկոսը»,- ասաց Թավադյանը։Նա միաժամանակ նշեց, որ այս հարցում մեծ դեր է ունեցել նաև դրամի ու ռուսական ռուբլու ամրապնդումը դոլարի նկատմամբ, ինչի շնորհիվ արտահանումը դեպի ՌԴ չկրճատվեց։

2022

Լուրեր

am_HY

հայաստան, եվրասիական տնտեսական միություն (եատմ), արտահանում, ներմուծում, արմեն թավադյան, արամ սաֆարյան, թաթուլ մանասերյան