https://arm.sputniknews.ru/20220825/skhalnery-petq-e-ughghven-sevana-ltshum-sigi-vorsi-hamakargy-kamackamac-kpvokhvi-47281914.html
Սխալները պետք է ուղղվեն. Սևանա լճում սիգի որսի համակարգը կամաց-կամաց կփոխվի
Սխալները պետք է ուղղվեն. Սևանա լճում սիգի որսի համակարգը կամաց-կամաց կփոխվի
Sputnik Արմենիա
Հիդրոէկոլոգիայի և ձկնաբանության ինստիտուտի տնօրեն Բարդուղ Գաբրիելյանի կարծիքով` անհրաժեշտ է հասնել նրան, որ ձկնորսներն իրենք շահագրգռված լինեն մասնակցել... 25.08.2022, Sputnik Արմենիա
2022-08-25T20:05+0400
2022-08-25T20:05+0400
2022-08-26T09:07+0400
ռադիո
հայաստան
սևանա լիճ
սիգ
պոդկաստ
ձուկ
շրջակա միջավայրի նախարարություն
բարդուղ գաբրիելյան
https://cdn.am.sputniknews.ru/img/07e6/08/19/47272922_418:133:1594:795_1920x0_80_0_0_cfd7847ece49b7e2dc66aa30fc823fc0.jpg
Ուսումնասիրությունը ցույց է տվել, որ կարելի է ավելացնել սիգի արդյունագործական որսի ծավալները
Sputnik Արմենիա
Ուսումնասիրությունը ցույց է տվել, որ կարելի է ավելացնել սիգի արդյունագործական որսի ծավալները
Հիդրոէկոլոգիայի և ձկնաբանության ինստիտուտն ու ՀՀ շրջակա միջավայրի նախարարությունը որոշել են փոխել Սևանա լճում սիգի որսի համակարգը, որի հիմքերը դրվել էին անցյալ տարի։ Տեղեկությունը Sputnik Արմենիային հայտնեց ինստիտուտի տնօրեն Բարդուղ Գաբրիելյանը` անդրադառնալով սիգի արդյունագործական որսին և սահմանված չափաքանակներին։Երեկ հայտնի դարձավ, որ ՀՀ կառավարությունը մտադիր է ևս 300 տոննայով ավելացնել սիգի արդյունագործական որսի ծավալները և Սևան լճում որսի իրականացման ժամկետը երկարաձգել մինչև նոյեմբերի 20-ը։Նրա խոսքով` միայն ուժային մեթոդներով շատ դժվար է վերահսկողության հարցեր լուծել, անհրաժեշտ է հասնել նրան, որ ձկնորսներն իրենք շահագրգռված լինեն մասնակցել օրինական գործընթացին ու մտածեն նաև Սևանա լճի վաղվա օրվա մասին։Սևանա լճում նախորդ տարվա համեմատ սիգի պաշարներն ավելացել են, և եթե 2021 թվականին ամբողջ տարվա կտրվածքով արդյունագործական որսի համար սահմանվել էր 250 տոննա չափաքանակ, ապա այս տարի ցուցանիշը կազմում է 600 տոննա։ Եթե հաջողվի որսը դարձնել ավելի կառավարելի ու բարելավել կանոնների պահպանությունը, ապա քանակները, ըստ Գաբրիելյանի, բնականաբար, կավելանան։Անդրադառնալով հարցին, թե արդյոք կարելի է այդքան սիգ որսալ Սևանա լճի ջրային ավազանը կանաչելու պայմաններում, Հիդրոէկոլոգիայի և ձկնաբանության ինստիտուտի տնօրենն ընդգծեց, որ էկոլոգիական խնդիրները նույնպես հաշվի են առնվել։Ի դեպ, Հիդրոէկոլոգիայի և ձկնաբանության ինստիտուտը նոր մեթոդաբանությամբ է աշխատում։ Եթե նախկինում կառույցն իր առաջարկները ներկայացնում էր` հիմնվելով միայն տարեվերջյան ուսումնասիրությունների ու հաշվարկների վրա, ապա այժմ հնարավոր է տարվա ընթացքում նախարարության առաջարկով և ֆինանսավորմամբ երկու անգամ իրականացնել էխոլոտային նկարահանումներ Սևանա լճում։ Հուլիսի վերջին իրականացրած երկրորդ ուսումնասիրության արդյունքում են եկել այն եզրակացության, որ կարելի է սիգի արդյունագործական որսի ծավալներն աշնան սեզոնին ավելացնել ևս 300 տոննայովՀիշեցնենք` 2022 թվականի մարտի 1-ից Սևանա լճում պաշտոնապես մեկնարկած արդյունագործական որսի համար մինչև սեպտեմբերի 1-ը սահմանված է եղել 300 տոննա սիգի չափաքանակ։ Կառավարության ներկայացրած պաշտոնական տվյալներով` սիգի որսը գործնականում մեկնարկել է 2022 թվականի ապրիլի 21-ից, նախապատրաստվել է 571 պայմանագիր 300 տոննա ձկան համար, փաստացի կնքվել է 567 պայմանագիր 295,8 տոննայի համար:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, սևանա լիճ, սիգ, պոդկաստ, аудио, ձուկ, շրջակա միջավայրի նախարարություն, բարդուղ գաբրիելյան
հայաստան, սևանա լիճ, սիգ, պոդկաստ, аудио, ձուկ, շրջակա միջավայրի նախարարություն, բարդուղ գաբրիելյան
Սխալները պետք է ուղղվեն. Սևանա լճում սիգի որսի համակարգը կամաց-կամաց կփոխվի
20:05 25.08.2022 (Թարմացված է: 09:07 26.08.2022) Հիդրոէկոլոգիայի և ձկնաբանության ինստիտուտի տնօրեն Բարդուղ Գաբրիելյանի կարծիքով` անհրաժեշտ է հասնել նրան, որ ձկնորսներն իրենք շահագրգռված լինեն մասնակցել օրինական գործընթացին։
Հիդրոէկոլոգիայի և ձկնաբանության ինստիտուտն ու ՀՀ շրջակա միջավայրի նախարարությունը որոշել են փոխել Սևանա լճում սիգի որսի համակարգը, որի հիմքերը դրվել էին անցյալ տարի։ Տեղեկությունը
Sputnik Արմենիային հայտնեց ինստիտուտի տնօրեն Բարդուղ Գաբրիելյանը` անդրադառնալով սիգի արդյունագործական որսին և սահմանված չափաքանակներին։
«Սեպտեմբերին հանդիպելու եմ փոխնախարարի հետ, որպեսզի մտածենք վերահսկողության ավելի արդյունավետ մեխանիզմների մասին` ուղղելով նախկինում եղած սխալները, այսինքն` հույս ունենք, որ համակարգը կամաց-կամաց կփոխվի, և ավելի շատ ձկնորսներ, որոնք նախկինում իրականացնում էին առանց պայմանագրերի անկառավարելի որս, կներգրավվեն նոր համակարգի մեջ և կաշխատեն օրինական դաշտում»,- ասաց Գաբրիելյանը։
Նրա խոսքով` միայն ուժային մեթոդներով շատ դժվար է վերահսկողության հարցեր լուծել, անհրաժեշտ է հասնել նրան, որ ձկնորսներն իրենք շահագրգռված լինեն մասնակցել օրինական գործընթացին ու մտածեն նաև Սևանա լճի վաղվա օրվա մասին։
Սևանա լճում նախորդ տարվա համեմատ սիգի պաշարներն ավելացել են, և եթե 2021 թվականին ամբողջ տարվա կտրվածքով արդյունագործական որսի համար սահմանվել էր 250 տոննա չափաքանակ, ապա այս տարի ցուցանիշը կազմում է 600 տոննա։ Եթե հաջողվի որսը դարձնել ավելի կառավարելի ու բարելավել կանոնների պահպանությունը, ապա քանակները, ըստ Գաբրիելյանի, բնականաբար, կավելանան։
Անդրադառնալով հարցին, թե արդյոք կարելի է այդքան սիգ որսալ Սևանա լճի ջրային ավազանը կանաչելու պայմաններում, Հիդրոէկոլոգիայի և ձկնաբանության ինստիտուտի տնօրենն ընդգծեց, որ էկոլոգիական խնդիրները նույնպես հաշվի են առնվել։
«Բնապահպանները հիմնվում են մեր ներկայացրած գիտական ուսումնասիրությունների վրա, քանի որ դրանք իրականացնում է միայն մեր ինստիտուտը։ Եթե նշում ենք ծավալներ, ապա հաշվի ենք առնում, որ այդ ամենը պետք է բարենպաստ հետևանքներ ունենա լճի էկոհամակարգի վրա, այսինքն` չենք առաջնորդվում միայն այն հաշվարկով, թե պետությանը որքան ձուկ է անհրաժեշտ։ Միանշանակ մտածում ենք, որ Սևանա լճի էկոհամակարգը չվնասվի, հետևաբար կարևորում ենք, որ միշտ լճում լինի ձկների կայուն քանակ, քանի որ նրանք նույնպես նպաստում են ջրի որակի բարելավմանը` յուրացնելով օրգանական նյութերը»,- նշեց Գաբրիելյանը։
Ի դեպ, Հիդրոէկոլոգիայի և ձկնաբանության ինստիտուտը նոր մեթոդաբանությամբ է աշխատում։ Եթե նախկինում կառույցն իր առաջարկները ներկայացնում էր` հիմնվելով միայն տարեվերջյան ուսումնասիրությունների ու հաշվարկների վրա, ապա այժմ հնարավոր է տարվա ընթացքում նախարարության առաջարկով և ֆինանսավորմամբ երկու անգամ իրականացնել էխոլոտային նկարահանումներ Սևանա լճում։ Հուլիսի վերջին իրականացրած երկրորդ ուսումնասիրության արդյունքում են եկել այն եզրակացության, որ կարելի է սիգի արդյունագործական որսի ծավալներն աշնան սեզոնին ավելացնել ևս 300 տոննայով
Հիշեցնենք` 2022 թվականի մարտի 1-ից Սևանա լճում պաշտոնապես մեկնարկած արդյունագործական որսի համար մինչև սեպտեմբերի 1-ը սահմանված է եղել 300 տոննա սիգի չափաքանակ։ Կառավարության ներկայացրած պաշտոնական տվյալներով` սիգի որսը գործնականում մեկնարկել է 2022 թվականի ապրիլի 21-ից, նախապատրաստվել է 571 պայմանագիր 300 տոննա ձկան համար, փաստացի կնքվել է 567 պայմանագիր 295,8 տոննայի համար:
