https://arm.sputniknews.ru/20220824/aghandavvorutjan-mutqn-iravapah-hamakarger-knshanaki-dranc-verjnakan-kvortsanum-petrvosjan-47226388.html
Աղանդավորության մուտքն իրավապահ համակարգեր` կնշանակի դրանց վերջնական կործանում. Պետրոսյան
Աղանդավորության մուտքն իրավապահ համակարգեր` կնշանակի դրանց վերջնական կործանում. Պետրոսյան
Sputnik Արմենիա
Թաթուլ Պետրոսյանի խոսքով` աղանդավորական կազմակերպությունները գործնականում կազմաքանդել են պետական բոլոր կառույցները և հիմա ուզում են իրենց սուբյեկտներին... 24.08.2022, Sputnik Արմենիա
2022-08-24T23:44+0400
2022-08-24T23:44+0400
2022-08-25T09:04+0400
ռադիո
պոդկաստ
հայաստան
եկեղեցի
աղանդավորներ
քրիստինե գրիգորյան
հհ միպ
սահմանադրական դատարան
https://cdn.am.sputniknews.ru/img/07e6/08/18/47224658_0:73:1601:973_1920x0_80_0_0_d468db48c55ee20a4cc710701b43f3b6.jpg
Աղանդավորության մուտքն իրավապահ համակարգեր կնշանակի դրանց վերջնական կործանում․ Թաթուլ Պետրոսյան
Sputnik Արմենիա
Աղանդավորության մուտքն իրավապահ համակարգեր կնշանակի դրանց վերջնական կործանում․ Թաթուլ Պետրոսյան
Հայաստանում անարգել գործում են շուրջ երեք տասնյակ աղանդավորական կազմակերպություններ, որոնք կառավարվում և ֆինանսավորվում են օտարերկրյա ուժերի կողմից։ Այս մասին Sputnik Արմենիայի հետ զրույցում ասել է քննչական կոմիտեի տարածքային քննչական վարչությունների գործունեության վերահսկողության գլխավոր վարչության նախկին պետ, արդարադատության գեներալ-մայոր Թաթուլ Պետրոսյանը` վերլուծելով ՀՀ ՄԻՊ Քրիստինե Գրիգորյանի վերջին քայլը։Նշենք, որ ՀՀ մարդու իրավունքների պաշտպան Քրիստինե Գրիգորյանը դիմել է Սահմանադրական դատարան՝ վիճարկելով հանրային ծառայության առանձին տեսակների համար արհմիություններին և կրոնական կազմակերպություններին անդամակցության արգելքի սահմանադրականությունը։Պետրոսյանն ընդգծում է, որ աղանդավորական կազմակերպությունները գործնականում կազմաքանդել են պետական կառույցները և հիմա ուզում են իրենց սուբյեկտներին ընդգրկել այլ ծառայություններում, ինչն առավել վտանգավոր է ազգային անվտանգության տեսանկյունից։Նրա խոսքով` ոստիկանության արհամարհական վերաբերմունքը երեկվա հանրահավաքի մասնակիցների հանդեպ առավել քան ակնառու էր, ինչը բնորոշ է աղանդավորական կառույցներին, որոնք արհամարհում են մեր եկեղեցին ու մեր զգացմունքները։ Նրա համոզմամբ` աղանդավորության մուտքն իրավապահ համակարգեր կնշանակի այդ կառույցների վերջնական կործանում։«ՍԴ-ն շրջափակելուց և դատական իշխանության նկատմամբ բռնարարքներ գործադրելուց հետո լավատեսություն չունեմ, որ Սահմանադրական դատարանը որոշում կկայացնի հօգուտ հայրենիքի և ժողովրդի։ Այսօր ով ինչ ուզում, անում է։ Սրանք պլանավորված, պատվիրված կերպով իրագործում են Հայաստանի պետականության հիմքերի վերջնական կազմաքանդումը»,- ասաց Պետրոսյանը` հավաստելով, որ նախկինում բացառվում էր աղանդավորների պարագայում աշխատանքի ընդունումն իրավապահ մարմիններում և ուժային կառույցներում։Նշենք, որ ՀՀ մարդու իրավունքների պաշտպան Քրիստինե Գրիգորյանը վիճարկում է «Ոստիկանությունում ծառայության մասին» օրենքի 39-րդ հոդվածի 1-ին մասի 7-րդ կետի, «Արհեստակցական միությունների մասին» օրենքի 6-րդ հոդվածի 5-րդ մասին, «Ազգային անվտանգության մարմիններում ծառայության մասին» օրենքի 43-րդ 1-ին մասի 8-րդ, «Զինվորական ծառայության և զինծառայողի կարգավիճակի մասին» օրենքի 8-րդ հոդվածի 1-ին մասի 3-րդ կետերի համապատասխանությունը Սահմանադրությանը։Դրանցով սահմանվում է, որ ոստիկանության, ազգային անվտանգության մարմիններում ծառայողները, զինվորները, դատախազները, դատավորները, ՍԴ դատավորներն իրավունք չունեն անդամակցելու արհեստակցական միություններին, ազգային անվտանգության մարմիններում ծառայողներն իրավունք չունեն անդամակցելու կրոնական կազմակերպություններին, զինվորներն էլ` կրոնական միավորում ստեղծելու։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պոդկաստ, հայաստան, եկեղեցի, աղանդավորներ, քրիստինե գրիգորյան, հհ միպ, սահմանադրական դատարան, аудио
պոդկաստ, հայաստան, եկեղեցի, աղանդավորներ, քրիստինե գրիգորյան, հհ միպ, սահմանադրական դատարան, аудио
Աղանդավորության մուտքն իրավապահ համակարգեր` կնշանակի դրանց վերջնական կործանում. Պետրոսյան
23:44 24.08.2022 (Թարմացված է: 09:04 25.08.2022) Թաթուլ Պետրոսյանի խոսքով` աղանդավորական կազմակերպությունները գործնականում կազմաքանդել են պետական բոլոր կառույցները և հիմա ուզում են իրենց սուբյեկտներին ընդգրկել այլ ծառայություններում, ինչն առավել վտանգավոր է ազգային անվտանգության տեսանկյունից։
Հայաստանում անարգել գործում են շուրջ երեք տասնյակ աղանդավորական կազմակերպություններ, որոնք կառավարվում և ֆինանսավորվում են օտարերկրյա ուժերի կողմից։ Այս մասին
Sputnik Արմենիայի հետ զրույցում ասել է քննչական կոմիտեի տարածքային քննչական վարչությունների գործունեության վերահսկողության գլխավոր վարչության նախկին պետ, արդարադատության գեներալ-մայոր Թաթուլ Պետրոսյանը` վերլուծելով ՀՀ ՄԻՊ Քրիստինե Գրիգորյանի վերջին քայլը։
Նշենք, որ ՀՀ մարդու իրավունքների պաշտպան Քրիստինե
Գրիգորյանը դիմել է Սահմանադրական դատարան՝ վիճարկելով հանրային ծառայության առանձին տեսակների համար արհմիություններին և կրոնական կազմակերպություններին անդամակցության արգելքի սահմանադրականությունը։
Պետրոսյանն ընդգծում է, որ աղանդավորական կազմակերպությունները գործնականում կազմաքանդել են պետական կառույցները և հիմա ուզում են իրենց սուբյեկտներին ընդգրկել այլ ծառայություններում, ինչն առավել վտանգավոր է ազգային անվտանգության տեսանկյունից։
«Ժամանակին աղանդավորական կառույցների ներկայացուցիչներն, օրինակ, հրաժարվում էին զինվորական ծառայությունից` պատճառաբանելով, որ իրենց կրոնական կողմնորոշումները թույլ չեն տալիս ծառայել բանակում, ինչի հետևանքով Քրեական օրենսգրքում կատարվեց փոփոխություն` նրանց ընձեռելով այլընտրանքային ծառայության հնարավորություն առանց զենքի և զինվորական հագուստի։ Այսօր ՀՀ իրավապահ մարմիններն արդեն ապրում են աղանդավորական հոգեբանությամբ` առանց Հայաստանի ապագայի վերաբերյալ ճիշտ ընկալումների, իսկ աղանդավորական կազմակերպություններն էլ մոլի կերպով պաշտպանում են իշխանությանն ու հատկապես վարչապետին»,- ասաց Պետրոսյանը։
Նրա խոսքով` ոստիկանության արհամարհական վերաբերմունքը երեկվա հանրահավաքի մասնակիցների հանդեպ առավել քան ակնառու էր, ինչը բնորոշ է աղանդավորական կառույցներին, որոնք արհամարհում են մեր եկեղեցին ու մեր զգացմունքները։ Նրա համոզմամբ` աղանդավորության մուտքն իրավապահ համակարգեր կնշանակի այդ կառույցների վերջնական կործանում։
«ՍԴ-ն շրջափակելուց և դատական իշխանության նկատմամբ բռնարարքներ գործադրելուց հետո լավատեսություն չունեմ, որ Սահմանադրական դատարանը որոշում կկայացնի հօգուտ հայրենիքի և ժողովրդի։ Այսօր ով ինչ ուզում, անում է։ Սրանք պլանավորված, պատվիրված կերպով իրագործում են Հայաստանի պետականության հիմքերի վերջնական կազմաքանդումը»,- ասաց Պետրոսյանը` հավաստելով, որ նախկինում բացառվում էր աղանդավորների պարագայում աշխատանքի ընդունումն իրավապահ մարմիններում և ուժային կառույցներում։
Նշենք, որ ՀՀ մարդու իրավունքների պաշտպան Քրիստինե Գրիգորյանը վիճարկում է «Ոստիկանությունում ծառայության մասին» օրենքի 39-րդ հոդվածի 1-ին մասի 7-րդ կետի, «Արհեստակցական միությունների մասին» օրենքի 6-րդ հոդվածի 5-րդ մասին, «Ազգային անվտանգության մարմիններում ծառայության մասին» օրենքի 43-րդ 1-ին մասի 8-րդ, «Զինվորական ծառայության և զինծառայողի կարգավիճակի մասին» օրենքի 8-րդ հոդվածի 1-ին մասի 3-րդ կետերի համապատասխանությունը Սահմանադրությանը։
Դրանցով սահմանվում է, որ ոստիկանության, ազգային անվտանգության մարմիններում ծառայողները, զինվորները, դատախազները, դատավորները, ՍԴ դատավորներն իրավունք չունեն անդամակցելու արհեստակցական միություններին, ազգային անվտանգության մարմիններում ծառայողներն իրավունք չունեն անդամակցելու կրոնական կազմակերպություններին, զինվորներն էլ` կրոնական միավորում ստեղծելու։
