https://arm.sputniknews.ru/20220822/lachini-mijancqi-khndiry-petq-e-lutsvi-erakvoghm-hajtararutjan-himan-vra-rd-despanatun-47062242.html
Լաչինի միջանցքի խնդիրը պետք է լուծվի եռակողմ հայտարարության հիման վրա. ՌԴ դեսպանատուն
Լաչինի միջանցքի խնդիրը պետք է լուծվի եռակողմ հայտարարության հիման վրա. ՌԴ դեսպանատուն
Sputnik Արմենիա
Հայաստանում Ռուսաստանի դեսպանատունն արձագանքել է Թագուհի Թովմասյանի նամակին։ 22.08.2022, Sputnik Արմենիա
2022-08-22T11:06+0400
2022-08-22T11:06+0400
2022-08-22T12:23+0400
լաչինի միջանցք
բերձոր
արցախ
լեռնային ղարաբաղ
ռուսաստան
ադրբեջան
թագուհի թովմասյան
սերգեյ կոպիրկին
https://cdn.am.sputniknews.ru/img/2275/06/22750649_0:70:1600:970_1920x0_80_0_0_b40da21dcca1b1d113d6f74f04a45514.jpg
ԵՐԵՎԱՆ, 22 օգոստոսի – Sputnik. Լաչինի միջանցքի շուրջ իրավիճակը պետք է լուծվի եռակողմ հայտարարության 6-րդ կետի հիման վրա։ Հայաստանում Ռուսաստանի դեսպանատունը նման կերպ է արձագանքել ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ, անկուսակցական Թագուհի Թովմասյանի նամակին։ Թովմասյանը ֆեյսբուքյան իր էջում հրապարակել է նամակի պատասխանը։Նշենք, որ Թագուհի Թովմասյանը նամակ էր հղել Հայաստանում ՌԴ դեսպան Սերգեյ Կոպիրկինին` նրա ուշադրությունը հրավիրելով ինչպես օգոստոսի 1-ին Արցախի վրա Ադրբեջանի հարձակման փաստի վրա, այնպես էլ անդրադարձել էր Բերձորի, Աղավնոյի և Սուսի խնդիրներին։ Ի պատասխան ՌԴ դեսպանատնից հայտնել են, որ եռակողմ հայտարարության 6-րդ կետի համաձայն պետք է լուծվի Լաչինի խնդիրը, իսկ 6-րդ կետը սահմանում է` կողմերի համաձայնությամբ, ԼՂ-ի և Հայաստանի միջև կապն ապահովելու համար առաջիկա 3 տարիների ընթացքում պիտի հաստատվի Լաչինի միջանցքի երկայնքով նոր երթուղու կառուցման նախագիծ, որից հետո ռուսական խաղաղապահ զորակազմը կվերատեղակայվի այդ երթուղին պաշտպանելու համար։ ՌԴ դեսպանատնից հավելել են, որ իրենց գրությամբ նշված բոլոր թեմաների շուրջ անցկացվում են շահագրգիռ կողմերի քննարկումներ։Բացի այդ, ՌԴ դեսպանատունը հայտնել է, որ իրավիճակը ՌԴ խաղաղապահ զորակազմի պատասխանատվության գոտում և հայ-ադրբեջանական սահմանին Ռուսաստանի արտաքին քաղաքականության համար կարևոր հարց է։ Մասնավորապես, ուշադրություն են հրավիրել Ռուսաստանի ԱԳՆ-ի՝ օգոստոսի 4-ի հայտարարությանը՝ Ղարաբաղյան հակամարտության գոտում սրման կապակցությամբ, որով կոչ էր արվում 2 կողմերին դրսևորել զսպվածություն, պահպանել կրակի դադարեցման ռեժիմը։«Ռուս խաղաղապահները ձեռնարկում են բոլոր հնարավոր ջանքերը իրավիճակի կայունացման նպատակով։ Ե՛վ Բաքվում, և՛ Երևանում բազմիցս ընդգծվել է ռուսական խաղաղապահ զորախմբի կարևոր դերը: Համոզված են, որ այդ վստահությանը լիարժեքորեն արժանի են։ Պատրաստ ենք հետայսու ևս ցուցաբերել ցանկացած անհրաժեշտ աջակցություն Հայաստանի և Ադրբեջանի միջև կապերի կարգավորմանը»,- նշվում է դեսպանատան արձագանքում։ՄԻԵԴ-ն արձագանքել է Բերձորի և Աղավնոյի բնակիչների իրավունքների պահպանման հարցինՀիշեցնենք` օգոստոսի 5-ին հայտնի դարձավ, որ Արցախի տարածքային կառավարման և ենթակառուցվածքների նախարար Հայկ Խանումյանը Քաշաթաղի շրջանի Աղավնո գյուղում տեղի բնակչության, համայնքի և շրջանի իշխանության ներկայացուցիչների հետ քննարկել է Աղավնոյի, Ներքին Սուսի և Բերձորի բնակչության՝ մինչև սույն թվականի օգոստոսի 25-ը տարհանման հարցերը։Դրանից մեկ օր առաջ` օգոստոսի 4-ին, ՀՀ տարածքային կառավարման և ենթակառուցվածքների նախարար Գնել Սանոսյանը հայտնել էր, որ Լաչինի միջանցք կոչվող ճանապարհի այլընտրանքային հատվածի կառուցման աշխատանքներն արդեն սկսվել են ու մինչև գարուն կավարտվեն։
լաչինի միջանցք
բերձոր
լեռնային ղարաբաղ
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
լաչինի միջանցք, բերձոր, արցախ, լեռնային ղարաբաղ, ռուսաստան, ադրբեջան, թագուհի թովմասյան, սերգեյ կոպիրկին
լաչինի միջանցք, բերձոր, արցախ, լեռնային ղարաբաղ, ռուսաստան, ադրբեջան, թագուհի թովմասյան, սերգեյ կոպիրկին
Լաչինի միջանցքի խնդիրը պետք է լուծվի եռակողմ հայտարարության հիման վրա. ՌԴ դեսպանատուն
11:06 22.08.2022 (Թարմացված է: 12:23 22.08.2022) Հայաստանում Ռուսաստանի դեսպանատունն արձագանքել է Թագուհի Թովմասյանի նամակին։
ԵՐԵՎԱՆ, 22 օգոստոսի – Sputnik. Լաչինի միջանցքի շուրջ իրավիճակը պետք է լուծվի եռակողմ հայտարարության 6-րդ կետի հիման վրա։ Հայաստանում Ռուսաստանի դեսպանատունը նման կերպ է արձագանքել ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ, անկուսակցական Թագուհի Թովմասյանի նամակին։ Թովմասյանը
ֆեյսբուքյան իր էջում հրապարակել է նամակի պատասխանը։
Նշենք, որ Թագուհի Թովմասյանը նամակ էր հղել Հայաստանում ՌԴ դեսպան Սերգեյ Կոպիրկինին` նրա ուշադրությունը հրավիրելով ինչպես օգոստոսի 1-ին Արցախի վրա Ադրբեջանի հարձակման փաստի վրա, այնպես էլ անդրադարձել էր Բերձորի, Աղավնոյի և Սուսի խնդիրներին։ Ի պատասխան ՌԴ դեսպանատնից հայտնել են, որ եռակողմ հայտարարության 6-րդ կետի համաձայն պետք է լուծվի Լաչինի խնդիրը, իսկ 6-րդ կետը սահմանում է` կողմերի համաձայնությամբ, ԼՂ-ի և Հայաստանի միջև կապն ապահովելու համար առաջիկա 3 տարիների ընթացքում պիտի հաստատվի Լաչինի միջանցքի երկայնքով նոր երթուղու կառուցման նախագիծ, որից հետո ռուսական խաղաղապահ զորակազմը կվերատեղակայվի այդ երթուղին պաշտպանելու համար։ ՌԴ դեսպանատնից հավելել են, որ իրենց գրությամբ նշված բոլոր թեմաների շուրջ անցկացվում են շահագրգիռ կողմերի քննարկումներ։
«Այդ նպատակով մենք մշտական երկխոսության մեջ ենք հայկական և ադրբեջանական կողմերի հետ ինչպես ամենաբարձր, այնպես էլ՝ Ռուսաստանի ՊՆ, ԱԳՆ և այլ գերատեսչությունների մակարդակով։ Օգոստոսի 2-ին և 8-ին կայացել են ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի հեռախոսազրույցները։ Հայ և ադրբեջանցի գործընկերների հետ շփումներ են անցկացրել Սերգեյ Լավրովը և Սերգեյ Շոյգուն։ Պրոբլեմի զգայունությունը հաշվի առնելով՝ քննարկումների մանրամասները վեր չհանվեցին, այդուհանդերձ, նման զրույցները համարվում են կարգավորման կարևոր և գործուն գործիք»,- ասված է եղել նամակում։
Բացի այդ, ՌԴ դեսպանատունը հայտնել է, որ իրավիճակը ՌԴ խաղաղապահ զորակազմի պատասխանատվության գոտում և հայ-ադրբեջանական սահմանին Ռուսաստանի արտաքին քաղաքականության համար կարևոր հարց է։ Մասնավորապես, ուշադրություն են հրավիրել Ռուսաստանի ԱԳՆ-ի՝ օգոստոսի 4-ի հայտարարությանը՝ Ղարաբաղյան հակամարտության գոտում սրման կապակցությամբ, որով կոչ էր արվում 2 կողմերին դրսևորել զսպվածություն, պահպանել կրակի դադարեցման ռեժիմը։
«Ռուս խաղաղապահները ձեռնարկում են բոլոր հնարավոր ջանքերը իրավիճակի կայունացման նպատակով։ Ե՛վ Բաքվում, և՛ Երևանում բազմիցս ընդգծվել է ռուսական խաղաղապահ զորախմբի կարևոր դերը: Համոզված են, որ այդ վստահությանը լիարժեքորեն արժանի են։ Պատրաստ ենք հետայսու ևս ցուցաբերել ցանկացած անհրաժեշտ աջակցություն Հայաստանի և Ադրբեջանի միջև կապերի կարգավորմանը»,- նշվում է դեսպանատան արձագանքում։
Հիշեցնենք` օգոստոսի 5-ին
հայտնի դարձավ, որ Արցախի տարածքային կառավարման և ենթակառուցվածքների նախարար Հայկ Խանումյանը Քաշաթաղի շրջանի Աղավնո գյուղում տեղի բնակչության, համայնքի և շրջանի իշխանության ներկայացուցիչների հետ քննարկել է Աղավնոյի, Ներքին Սուսի և Բերձորի բնակչության՝ մինչև սույն թվականի օգոստոսի 25-ը տարհանման հարցերը։
Դրանից մեկ օր առաջ` օգոստոսի 4-ին, ՀՀ տարածքային կառավարման և ենթակառուցվածքների նախարար Գնել Սանոսյանը
հայտնել էր, որ Լաչինի միջանցք կոչվող ճանապարհի այլընտրանքային հատվածի կառուցման աշխատանքներն արդեն սկսվել են ու մինչև գարուն կավարտվեն։
