https://arm.sputniknews.ru/20220820/grigvorjanhajiev-handipumic-arandznaki-ardjunqner-petq-che-spasel-qaghaqaget-47031813.html
Գրիգորյան–Հաջիև հանդիպումից առանձնակի արդյունքներ պետք չէ սպասել. քաղաքագետ
Գրիգորյան–Հաջիև հանդիպումից առանձնակի արդյունքներ պետք չէ սպասել. քաղաքագետ
Sputnik Արմենիա
Քեռյանի խոսքով` բրյուսելյան հանդիպումների նպատակն է Ռուսաստանին դուրս մղել Հարավային Կովկասի տարածաշրջանից։ 20.08.2022, Sputnik Արմենիա
2022-08-20T19:30+0400
2022-08-20T19:30+0400
2022-08-20T19:31+0400
հայաստան
արմեն գրիգորյան
հիքմեթ հաջիև
գարիկ քեռյան
https://cdn.am.sputniknews.ru/img/07e6/08/13/46994865_0:206:1100:825_1920x0_80_0_0_331b690b31bfe33da90f0922e2f8be6c.jpg
ԵՐԵՎԱՆ, 20 օգոստոսի – Sputnik. Բրյուսելում ՀՀ անվտանգության խորհրդի քարտուղար Արմեն Գրիգորյանի և Ադրբեջանի նախագահի օգնական Հիքմեթ Հաջիևի հանդիպումը մի քանի իմաստ ուներ` ներթափանցել տարածաշրջան, կրճատել ռուսական ազդեցության աստիճանը Հայաստանի, Ադրբեջանի և Վրաստանի վրա։ Sputnik Արմենիայի հետ զրույցում այս տեսակետը հայտնեց քաղաքագետ, ԵՊՀ միջազգային հարաբերությունների ֆակուլտետի քաղաքական ինստիտուտների և գործընթացների ամբիոնի վարիչ Գարիկ Քեռյանը։Քաղաքագետը նկատեց, որ և՛ Փաշինյան–Ալիև, և՛ այս հանդիպումներից հստակ տեղեկություններ հանրությանը չեն հայտնում, ընդամենը մի քանի տող դեկլարատիվ մտքեր են հայտնում։ Քեռյանի խոսքով` մարդիկ պետք է իմանան, թե ինչ է առաջարկում Արևմուտքը կամ Ռուսաստանը։«Եթե ոչինչ չեն ասում, հավանաբար չկա որևէ լուրջ ծրագիր, թե ինչպես պետք է ավարտվի այս հակամարտությունը։ Կարծում եմ, որ առանձնակի արդյունքներ պետք չէ սպասել։ Ամեն ինչ կախված է այն բանից, թե ինչպես կդասավորվեն Ռուսաստան–Արևմուտք փոխհարաբերությունները կամ ՌԴ–Թուրքիա համագործակցությունն ինչ ձևաչափով կլինի, քանի որ Ադրբեջանն իր բոլոր հանձնարարականները ստանում է Անկարայից»,– ասաց Քեռյանը։Քաղաքագետի պնդմամբ` Գրիգորյանի և Հաջիևի հանդիպումը հայ–ադրբեջանական հակամարտության հետագա զարգացումների շուրջ տարվող բրյուսելյան գործընթացի շարունակությունն է։ Նրա խոսքով` քանի որ Փաշինյանի և Ալիևի հանդիպումները հնարավոր չի լինում հաճախակի կազմակերպել, այդ պատճառով եվրոպական ստրատեգները փորձում են փոխարինել դրանք այլ բարձրաստիճան պաշտոնյաների հանդիպումներով։ Իհարկե, ցանկալի կլիներ, որ Արմեն Գրիգորյանը հանդիպեր Ադրբեջանի ԱԽ քարտուղարի հետ, ինչն ավելի հասկանալի կլիներ։Նրա խոսքով` էական չէ, թե անձերն ովքեր են, քանի որ, օրինակ, հայ–թուրքական բանակցություններում հայկական կողմից ԱԺ փոխխոսնակն է, թուրքական կողմից` նախկին դեսպանը։Հիշեցնենք` Գրիգորյանի և Հաջիևի երրորդ հանդիպումը կայացել է օգոստոսի 19-ին։ Այդ մասին հայտնել է Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արմեն գրիգորյան, հիքմեթ հաջիև, գարիկ քեռյան
հայաստան, արմեն գրիգորյան, հիքմեթ հաջիև, գարիկ քեռյան
Գրիգորյան–Հաջիև հանդիպումից առանձնակի արդյունքներ պետք չէ սպասել. քաղաքագետ
19:30 20.08.2022 (Թարմացված է: 19:31 20.08.2022) Քեռյանի խոսքով` բրյուսելյան հանդիպումների նպատակն է Ռուսաստանին դուրս մղել Հարավային Կովկասի տարածաշրջանից։
ԵՐԵՎԱՆ, 20 օգոստոսի – Sputnik. Բրյուսելում ՀՀ անվտանգության խորհրդի քարտուղար Արմեն Գրիգորյանի և Ադրբեջանի նախագահի օգնական Հիքմեթ Հաջիևի հանդիպումը մի քանի իմաստ ուներ` ներթափանցել տարածաշրջան, կրճատել ռուսական ազդեցության աստիճանը
Հայաստանի, Ադրբեջանի և Վրաստանի վրա։ Sputnik Արմենիայի հետ զրույցում այս տեսակետը հայտնեց քաղաքագետ, ԵՊՀ միջազգային հարաբերությունների ֆակուլտետի քաղաքական ինստիտուտների և գործընթացների ամբիոնի վարիչ Գարիկ Քեռյանը։
«Նման հանդիպումներով, մասնավորապես բրյուսելյան գործընթացի շրջանակում, նպատակ կա նաև դուրս մղել Ռուսաստանին հակամարտության կարգավորման գործընթացում որոշիչ դերից և առավելագույնս նպաստել հարավկովկասյան պետությունների եվրոպական ռազմաքաղաքական կառույցների ինտեգրմանը։ Անհասկանալի է` ընդհանուր նպատակ դնելով Բրյուսելը կարգավորման ինչ մեխանիզմ է առաջարկում։ Մենք գիտենք հստակ կարգավորման մեխանիզմը, որը գրված է 2020 թվականի նոյեմբերի 9-ի փաստաթղթում։ Պատերազմից հետո այդտեղ ուրվագծվեց, թե ինչպես է Ռուսաստանը տեսնում տարածաշրջանի կառուցվածքը կամ Լեռնային Ղարաբաղի ճակատագիրը»,– ասաց Քեռյանը։
Քաղաքագետը նկատեց, որ և՛ Փաշինյան–Ալիև, և՛ այս հանդիպումներից հստակ տեղեկություններ հանրությանը չեն հայտնում, ընդամենը մի քանի տող դեկլարատիվ մտքեր են հայտնում։ Քեռյանի խոսքով` մարդիկ պետք է իմանան, թե ինչ է առաջարկում Արևմուտքը կամ Ռուսաստանը։
«Եթե ոչինչ չեն ասում, հավանաբար չկա որևէ լուրջ ծրագիր, թե ինչպես պետք է ավարտվի այս հակամարտությունը։ Կարծում եմ, որ առանձնակի արդյունքներ պետք չէ սպասել։ Ամեն ինչ կախված է այն բանից, թե ինչպես կդասավորվեն Ռուսաստան–Արևմուտք փոխհարաբերությունները կամ ՌԴ–Թուրքիա համագործակցությունն ինչ ձևաչափով կլինի, քանի որ Ադրբեջանն իր բոլոր հանձնարարականները ստանում է Անկարայից»,– ասաց Քեռյանը։
Քաղաքագետի պնդմամբ` Գրիգորյանի և Հաջիևի հանդիպումը հայ–ադրբեջանական հակամարտության հետագա զարգացումների շուրջ տարվող բրյուսելյան գործընթացի շարունակությունն է։ Նրա խոսքով` քանի որ Փաշինյանի և Ալիևի հանդիպումները հնարավոր չի լինում հաճախակի կազմակերպել, այդ պատճառով եվրոպական ստրատեգները փորձում են փոխարինել դրանք այլ բարձրաստիճան պաշտոնյաների հանդիպումներով։ Իհարկե, ցանկալի կլիներ, որ Արմեն Գրիգորյանը հանդիպեր Ադրբեջանի ԱԽ քարտուղարի հետ, ինչն ավելի հասկանալի կլիներ։
Նրա խոսքով` էական չէ, թե անձերն ովքեր են, քանի որ, օրինակ, հայ–թուրքական բանակցություններում հայկական կողմից ԱԺ փոխխոսնակն է, թուրքական կողմից` նախկին դեսպանը։
Հիշեցնենք` Գրիգորյանի և Հաջիևի
երրորդ հանդիպումը կայացել է օգոստոսի 19-ին։ Այդ մասին հայտնել է Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը։
