https://arm.sputniknews.ru/20220819/vorteghvov-e-ancnelu-lachini-mijancqi-nvor-ertughin-lusankarner-46995607.html

Որտեղո՞վ է անցնելու Լաչինի միջանցքի նոր երթուղին. լուսանկարներ

Որտեղո՞վ է անցնելու Լաչինի միջանցքի նոր երթուղին. լուսանկարներ

Sputnik Արմենիա

Օգոստոսից վերջից սկսած` հայկական կողմը չի կարողանա օգտվել Գորիս–Ստեփանակերտ նախկին ճանապարհից։ Ներկայում միաժամանակ կառուցվում է Երևանից Ստեփանակերտ տանող... 19.08.2022, Sputnik Արմենիա

2022-08-19T23:53+0400

2022-08-19T23:53+0400

2023-03-09T18:02+0400

աղավնո

հայաստան

բերձոր

ճանապարհ

տեղ

արցախ

ադրբեջան

https://cdn.am.sputniknews.ru/img/07e6/08/12/46936485_0:84:1600:984_1920x0_80_0_0_9dc1dccb9f895469fab8e645c4f1ac5c.jpg

Առաջիկայում Լաչինի միջանցքի երթուղին պետք է ներկայիս Գորիս-Տեղ-Ստեփանակերտ ճանապարհից տեղափոխվի Ստեփանակերտ-Հին Շեն-Կոռնիձոր-Տեղ նոր մայրուղի: Սակայն Հայաստանի տարածքում գտնվող ճանապարհահատվածը դեռ պատրաստ չէ: Այդ պատճառով տեղաշարժը ժամանակավորապես հնարավոր կլինի միայն 4-կիլոմետրանոց գրունտային ճանապարհով, որով նախկինում երթևեկություն չի իրականացվել։Sputnik Արմենիայի թղթակիցն այցելել է շինարարության գոտի և ծանոթացել ճանապարհների ընթացիկ վիճակին։Լաչինի նոր միջանցքը2022 թ.-ի հունիսի 27-ին ՀՀ վարչապետ Նիկոլ Փաշինյանը հայտարարեց, որ Լաչինի միջանցքի նոր մայրուղու կառուցումից հետո նախկին Լեռնային Ղարաբաղի Ինքնավար մարզից դուրս գտնվող տարածքները կանցնեն Ադրբեջանին:Եվ չնայած Երևանում ոչ լեգիտիմ որակեցին Լաչինի միջանցքը հնարավորինս սեղմ ժամկետներում այլ երթուղով փոխարինելու` Բաքվի պահանջը, օգոստոսի 4-ին ՀՀ տարածքային կառավարման և ենթակառուցվածքների նախարար Գնել Սանոսյանը հայտարարեց, որ Հայաստանի տարածքում միջանցքի նոր երթուղու կառուցման աշխատանքները մեկնարկել են։Մինչդեռ ադրբեջանական կողմը օգոստոսի 11– ին հայտարարեց մինչև Հայաստանի սահմանն ընկած ճանապարհահատվածի կառուցման ավարտի մասին, որը շրջանցում է Բերձոր քաղաքը, Աղավնո և Սուս գյուղերը։ Շինարարական աշխատանքները սկսվել էին դեռևս 2021 թվականի հուլիսին:Այդ բնակավայրերի բնակիչները պետք է լքեն իրենց տները մինչև օգոստոսի վերջ։ Ենթադրվում է, որ այդ պահի դրությամբ Լաչինի միջանցքի նոր երթուղին հսկողության տակ վերցրած կլինեն ռուս խաղաղապահները։Կոռնիձորը` Հայաստանի Հանրապետության սահմանՍտեփանակերտն ու Երևանը կապող նոր ճանապարհը պետք է անցնի Կոռնիձոր գյուղով, դուրս գա դեպի Ադրբեջանի կառուցած կամուրջը Աղավնո գետի վրայով։ Այնուհետև այն հասնում է Հին Շեն, Մեծ Շեն գյուղերին և դուրս է գալիս Եղծահող գյուղից ոչ հեռու գտնվող նախկին մայրուղի։Սակայն Կոռնիձոր–ՀՀ սահման հատվածը Հայաստանի իշխանությունները նոր են սկսել կառուցել։ Այս հատվածը կազմում է մոտ 12 կմ: Շինարարության վրա միաժամանակ երեք ընկերություն է աշխատում, համապատասխանաբար աշխատանքներ են տարվում երեք տեղամասերում:Մենք այցելեցինք Կոռնիձոր գյուղ և մի քանի լուսանկար արեցինք։ Սա գյուղին անմիջականորեն հարող հատվածն է։ՀՀ ԱԱԾ աշխատակիցները թույլ չտվեցին ավելի առաջ անցնել։ Շինարարական աշխատանքների հիմնական հատվածն այժմ ընթանում է դե ֆակտո սահմանին անմիջականորեն կից հատվածում։Ժամանակավոր գրունտային ճանապարհըԻսկ մինչ պատրաստ կլինի Տեղ–Կոռնիձոր–ՀՀ սահման ճանապարհը, Լաչինի միջանցքի ժամանակավոր երթուղին կանցնի 4–կիլոմետրանոց գրունտային հատվածով։Այն կսկսվի Աղավնո գետի կամրջով, որով ավարտվում է Ադրբեջանի կառուցած, նախկին մայրուղուց Մեծ Շեն և Հին Շեն գյուղերով անցնող ճանապարհը, կմիանա Տեղ–Գորիս ճանապարհին Աղավնո գյուղից արդեն քիչ վերև` հայկական սահմանին ավելի մոտ։Ներկայում այն այսպիսի տեսք ունի.Իսկ ներքևի լուսանկարում աջ և ձախ կողմերում երևում է ներկայիս Գորիս – Ստեփանակերտ մայրուղին (1)։ Կենտրոնից մի փոքր ավելի վեր և աջ, հեռվում նշմարվում է ժամանակավոր գրունտային ճանապարհը (2), որի վրա այս պահին բարեկարգման աշխատանքներեն ընթանում: Սյունիքի Կոռնիձոր գյուղից սկսվող ճանապարհահատվածի շինարարության շրջան (3):Իսկ չորրորդ լուսանկարում Ադրբեջանի կառուցած ճանապարհն է Մեծ Շեն և Հին Շեն գյուղերից։Հեղինակի գրառումները կարող եք կարդալ նաև նրա հեղինակային Telegram ալիքում

աղավնո

բերձոր

տեղ

ադրբեջան

2022

Լուրեր

am_HY

աղավնո , հայաստան, բերձոր, ճանապարհ, տեղ, արցախ, ադրբեջան