https://arm.sputniknews.ru/20220817/voghbergutjunn-arit-e-mtatselu-hravarutjunneri-kazmakerpman-mshakujti-masin-avinjan-46862491.html
Ողբերգությունն առիթ է մտածելու հրավառությունների կազմակերպման մշակույթի մասին. Ավինյան
Ողբերգությունն առիթ է մտածելու հրավառությունների կազմակերպման մշակույթի մասին. Ավինյան
Sputnik Արմենիա
«Քաղաքացիական պայմանագիր» կուսակցության վարչության անդամ, ՀՀ նախկին փոխվարչապետ ու Երևանի քաղաքապետի ապագա թեկնածու Տիգրան Ավինյանը «Սուրմալուի»... 17.08.2022, Sputnik Արմենիա
2022-08-17T11:50+0400
2022-08-17T11:50+0400
2022-08-17T11:53+0400
տիգրան ավինյան
«սուրմալու» առևտրի կենտրոն
հրավառություն
երևան
https://cdn.am.sputniknews.ru/img/07e6/08/11/46860980_0:146:1280:866_1920x0_80_0_0_8836a7aa4c645832694f7285b29ccc0c.jpg
ԵՐԵՎԱՆ, 17 օգոստոսի – Sputnik. «Սուրմալու» առևտրի կենտրոնում տեղի ունեցած ողբերգությունը առիթ է մտածելու պայթուցիկ նյութերի պահպանման կանոններն ու հրավառությունների կազմակերպման մշակույթը վերանայելու համար։Այսօր դեպքի վայրում լրագրողների հետ ճեպազրույցում ասել է «Քաղաքացիական պայմանագիր» կուսակցության վարչության անդամ, ՀՀ նախկին փոխվարչապետ Տիգրան Ավինյանը, որը ողբերգությունից 4 օր անց` այսօր, այցելել է դեպքի վայր։Նա նաև հիշեցրեց, որ մեկ տարի առաջ` 2021թ–ին, կառավարությունը օրենսդրական առաջարկ էր ներկայացրել, որով գրեթե սահմանափակվում էր հրավառության միջոցների օգտագործումը մասնավոր միջոցառումների ժամանակ։ Նախագծով առաջարկվում էր հրավառությունների կազմակերպումը պատվիրակել բացառապես համայնքային ու պետական իշխանություններին։Ավինյանը հիշեցրեց, որ օրենքի ընդունումը հետաձգվեց` հաշվի առնելով գործարար համայնքի շահերը։«Բայց ես նաև խոսել եմ պատգամավոր Սիսակ Գաբրիելյանի հետ, որը համահեղինակն էր այդ նախագծի, և առաջին իսկ հնարավորության դեպքում, առաջիկա նստաշրջանի ժամանակ, հարցը արտահերթ կերպով կքննարկվի»,– հայտնեց Ավինյանը։«Սուրմալուի» պայթյունից տուժած 5 քաղաքացի շարունակում է հիվանդանոցային բուժում ստանալ. ԱՆՆախկին փոխվարչապետը շեշտեց, որ խնդիրը միայն հրավառության համար թույլատրելի ժամ սահմանելով չի լուծվում։ Ըստ նրա` երբ հրավառ արտադրանքը գտնվում է ազատ վաճառքում, վերահսկողության վարչարարությունը շատ ավելի դժվար է իրականացնել։ «Մենք ինքներս պետք է գիտակցենք, որ մեր մասնավոր միջոցառումներին պարտադիր չէ, որ 10 կմ շառավղով շրջապատի բնակիչները մասնակցեն. այնտեղ կան ծերեր, մանկահասակ երեխաներ, և այդ պայթյունները, որոնք թեկուզ տեղի են ունենում մինչև ժամը 11-ը, միևնույն է խախտում են մարդկանց անդորրը։ Մյուս կողմից մենք նաև տեսանք, թե ինչ վտանգ է պարունակում այս հրավառ նյութերի պահպանումը։ Սա մեր աչքի առաջ է, և ես կարծում եմ, որ ժամանակն է, որ մենք ավելի կոշտ լինենք»,– ասաց նա։Ավինյանը շեշտեց, որ Հայաստանում առկա է նաև հրավտանգ թափոնների պահպանման խնդիր` հույս հայտնելով, որ առաջիկայում ԱԻՆ–ը այդ հարցին ևս կանդրադառնա։Հիշեցնենք՝ «Սուրմալու» առևտրի կենտրոնում պայթյուն է տեղի ունեցել օգոստոսի 14-ին՝ մոտավորապես 13։23-ին։ Երևան քաղաքի ԲԿ-ներ էին դիմել 60 քաղաքացիներ, որոնցից 5-ը շարունակում են բուժում ստանալ, իսկ մյուսները, ստանալով համապատասխան բուժօգնություն, դուրս են գրվել։Այս պահին հայտնի է, որ 16 մարդ մահացել է, դեռևս 2 մարդ որոնվում է։Որոնվող քաղաքացին պայթյունի պահին եղել է մուտքի մոտ. դեպքի վայր սեյսմոլոգների են հրավիրել
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տիգրան ավինյան, «սուրմալու» առևտրի կենտրոն, հրավառություն, երևան
տիգրան ավինյան, «սուրմալու» առևտրի կենտրոն, հրավառություն, երևան
Ողբերգությունն առիթ է մտածելու հրավառությունների կազմակերպման մշակույթի մասին. Ավինյան
11:50 17.08.2022 (Թարմացված է: 11:53 17.08.2022) «Քաղաքացիական պայմանագիր» կուսակցության վարչության անդամ, ՀՀ նախկին փոխվարչապետ ու Երևանի քաղաքապետի ապագա թեկնածու Տիգրան Ավինյանը «Սուրմալուի» ողբերգությունից 4 օր անց այցելել է դեպքի վայր։
ԵՐԵՎԱՆ, 17 օգոստոսի – Sputnik. «Սուրմալու» առևտրի կենտրոնում տեղի ունեցած ողբերգությունը առիթ է մտածելու պայթուցիկ նյութերի պահպանման կանոններն ու հրավառությունների կազմակերպման մշակույթը վերանայելու համար։
Այսօր դեպքի վայրում լրագրողների հետ ճեպազրույցում ասել է «Քաղաքացիական պայմանագիր» կուսակցության վարչության անդամ, ՀՀ նախկին փոխվարչապետ Տիգրան Ավինյանը, որը ողբերգությունից 4 օր անց` այսօր, այցելել է դեպքի վայր։
«Շատ ցավալի ու սթափեցնող է տեղի ունեցածը, և ես վստահ եմ, որ սա առիթ է տալու մտածելու նմանատիպ նյութերի պահպանման վերաբերյալ, սա առիթ է տալու մտածելու մեր մշակույթում` մեր ծնունդներին, կնունքներին, հարսանիքներին հրավառության օգտագործման վերաբերյալ»,– ասաց Ավինյանը։
Նա նաև հիշեցրեց, որ մեկ տարի առաջ` 2021թ–ին, կառավարությունը օրենսդրական առաջարկ էր ներկայացրել, որով գրեթե սահմանափակվում էր հրավառության միջոցների օգտագործումը մասնավոր միջոցառումների ժամանակ։ Նախագծով առաջարկվում էր հրավառությունների կազմակերպումը պատվիրակել բացառապես համայնքային ու պետական իշխանություններին։
Ավինյանը հիշեցրեց, որ օրենքի ընդունումը հետաձգվեց` հաշվի առնելով գործարար համայնքի շահերը։
«Բայց ես նաև խոսել եմ պատգամավոր Սիսակ Գաբրիելյանի հետ, որը համահեղինակն էր այդ նախագծի, և առաջին իսկ հնարավորության դեպքում, առաջիկա նստաշրջանի ժամանակ, հարցը արտահերթ կերպով կքննարկվի»,– հայտնեց Ավինյանը։
Նախկին փոխվարչապետը շեշտեց, որ խնդիրը միայն հրավառության համար թույլատրելի ժամ սահմանելով չի լուծվում։ Ըստ նրա` երբ հրավառ արտադրանքը գտնվում է ազատ վաճառքում, վերահսկողության վարչարարությունը շատ ավելի դժվար է իրականացնել։ «Մենք ինքներս պետք է գիտակցենք, որ մեր մասնավոր միջոցառումներին պարտադիր չէ, որ 10 կմ շառավղով շրջապատի բնակիչները մասնակցեն. այնտեղ կան ծերեր, մանկահասակ երեխաներ, և այդ պայթյունները, որոնք թեկուզ տեղի են ունենում մինչև ժամը 11-ը, միևնույն է խախտում են մարդկանց անդորրը։ Մյուս կողմից մենք նաև տեսանք, թե ինչ վտանգ է պարունակում այս հրավառ նյութերի պահպանումը։ Սա մեր աչքի առաջ է, և ես կարծում եմ, որ ժամանակն է, որ մենք ավելի կոշտ լինենք»,– ասաց նա։
Ավինյանը շեշտեց, որ Հայաստանում առկա է նաև հրավտանգ թափոնների պահպանման խնդիր` հույս հայտնելով, որ առաջիկայում ԱԻՆ–ը այդ հարցին ևս կանդրադառնա։
Լրագրողների հարցին ի պատասխան Ավինյանը հայտնեց, որ «Սուրմալուի» տարածք է եկել որպես ՔՊ վարչության անդամ ու Երևանի քաղաքապետի ապագա թեկնածու։
Հիշեցնենք՝ «Սուրմալու» առևտրի կենտրոնում
պայթյուն է տեղի ունեցել օգոստոսի 14-ին՝ մոտավորապես 13։23-ին։ Երևան քաղաքի ԲԿ-ներ էին դիմել 60 քաղաքացիներ, որոնցից 5-ը շարունակում են բուժում ստանալ, իսկ մյուսները, ստանալով համապատասխան բուժօգնություն, դուրս են գրվել։
Այս պահին հայտնի է, որ 16 մարդ մահացել է, դեռևս 2 մարդ որոնվում է։
